ଏନଡିପିଏସ୍ ମାମଲାରେ ଜଣେ ଅଭିଯୁକ୍ତକୁ ଗିରଫ ​କରି କୋର୍ଟ ଚାଲାଣ କରିଛି କଣ୍ଟାମାଳ ପୋଲିସ । ଏନଡିପିଏସ୍ ମାମଲାରେ ଜଣେ ଅଭିଯୁକ୍ତ ଗିରଫ ​ମାଦକଦ୍ରବ୍ୟ କାରବାର ବିରୋଧୀ ସ୍ୱତନ୍ତ୍ର ଅଭିଯାନ ସମୟରେ କଣ୍ଟାମାଳ ପୋଲିସକୁ ଏକ ସଫଳତା ମିଳିଛି । ​🔹 ଅଭିଯୁକ୍ତର​ନାମ: ପୃଥ୍ୱୀରାଜ ମିର୍ଦ୍ଧା(୨୮ବର୍ଷ) ଓରଫ ପିଣ୍ଟୁ ​ଠିକଣା: ଗବଜୋରି, ଥାନା- ମନମୁଣ୍ଡା ​🔹 ମାମଲା ଏବଂ କାର୍ଯ୍ୟାନୁଷ୍ଠାନ: କଣ୍ଟାମାଳ ଥାନାରେ ଏକ ମାମଲାରେ ଅଭିଯୁକ୍ତଙ୍କୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି ।

ଘଣ୍ଟାପଡ଼ା ବଜାର ଛକରେ ମା' ମାହେଶ୍ଵରୀ ଅଟୋ,ସମଲେଶ୍ଵରୀ ଅଟୋ ଗେରେଜରେ ଦେବଶିଲ୍ପି ବିଶ୍ଵକର୍ମାଙ୍କ ଜୟନ୍ତି ପାଳିତ ହୋଇଯାଇଛି।

*ବରପଦରରେ ରାସ୍ତା ନାହିଁ, ଖଟିଆରେ ବୁହା ହେଉଛନ୍ତି ରୋଗୀ* ଟିକରପଡା ପଞ୍ଚାୟତର ବରପଦରରୁ ଦମଣ୍ଡା ଯାଏଁ ପକ୍କା ରାସ୍ତା ଅଭାବ, ବର୍ଷା ହେଲେ ଠପ ହୋଇଯାଏ ଯାତାୟାତ *ବରପଦରରେ ରାସ୍ତା ନାହିଁ, ଖଟିଆରେ ବୁହା ହେଉଛନ୍ତି ରୋଗୀ* ଟିକରପଡା ପଞ୍ଚାୟତର ବରପଦରରୁ ଦମଣ୍ଡା ଯାଏଁ ପକ୍କା ରାସ୍ତା ଅଭାବ, ବର୍ଷା ହେଲେ ଠପ ହୋଇଯାଏ ଯାତାୟାତ ବୌଦ୍ଧ:ବୌଦ୍ଧ ବ୍ଲକ ଟିକରପଡା ଗ୍ରାମ ପଞ୍ଚାୟତ ଅନ୍ତର୍ଗତ ବରପଦର ଗାଁରେ ଏବେ ବି ସବୁଦିନିଆ ପକ୍କା ରାସ୍ତାଟିଏ ନାହିଁ। ରାସ୍ତା ପାଇଁ ବର୍ଷ ବର୍ଷ ଧରି ଦାବୀ କରି ଆସୁଥିଲେ ମଧ୍ୟ ପ୍ରଶାସନର କାନରେ ପଡୁନାହିଁ। ଫଳରେ ବର୍ଷର ୮ ମାସ କୌଣସି ପ୍ରକାରେ ଚଳି ଯାଉଥିବା ବେଳେ ବର୍ଷାର ୪ ମାସ ଗ୍ରାମବାସୀଙ୍କ ପାଇଁ ନର୍କ ଯନ୍ତ୍ରଣା ପାଲଟିଛି। ସାମାନ୍ୟ ବର୍ଷା ହେଲେ ରାସ୍ତା କାଦୁଅ ପଚପଚ ହୋଇଯାଏ। ଗାଁରୁ ମୁଖ୍ୟ ରାସ୍ତାକୁ ଯିବାକୁ ମଝିରେ ଏକ ପାହାଡିଆ ନାଳ ବାଧକ ସାଜିଛି। ବର୍ଷା ହେଲେ ନାଳରେ ପାଣି ବଢି ଯାତାୟାତ ସମ୍ପୂର୍ଣ୍ଣ ଠପ ହୋଇଯାଏ। ଛାତ୍ରଛାତ୍ରୀମାନେ ସ୍କୁଲ ଯାଇ ପାରନ୍ତି ନାହିଁ, ଫଳରେ ୪ ମାସ ପାଠପଢା ବାଧାପ୍ରାପ୍ତ ହୁଏ। ରାସ୍ତାର ଶୋଚନୀୟ ଅବସ୍ଥା ଯୋଗୁଁ ଗୁରୁତର ରୋଗୀଙ୍କୁ ଠିକ ସମୟରେ ଡାକ୍ତରଖାନା ନ ପହଞ୍ଚି ପାରି ମୃତ୍ୟୁ ବରଣ କରିବାର ନଜିର ମଧ୍ୟ ରହିଛି। ଗତ ରବିବାର ଏଭଳି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି। ଗାଁର ଭଗବାନ କହଁରଙ୍କ ଗୋଡ ଭାଙ୍ଗି ଯାଇ ଗୁରୁତର ହୋଇପଡିଥିଲା। ପରିବାର ଲୋକେ ଆମ୍ବୁଲାନ୍ସ ସହ ଯୋଗାଯୋଗ କରିଥିଲେ ହେଁ ଆମ୍ବୁଲାନ୍ସ ଗାଁକୁ ଆସି ପାରିନଥିଲା। ଶେଷରେ ପରିବାର ଓ ଗ୍ରାମବାସୀ ମିଶି ତାଙ୍କୁ ଖଟିଆରେ ବୋହି କାଦୁଅ ଭରା ରାସ୍ତା ଓ ନାଳ ପାର ହୋଇ ପ୍ରାୟ ୨ ଘଣ୍ଟା ଚାଲି ଚାଲି ମୁଖ୍ୟ ରାସ୍ତାରେ ପହଞ୍ଚିଥିଲେ। ସେଠାରୁ ଏକ ଘରୋଇ ଗାଡି ଭଡା କରି ଡାକ୍ତରଖାନା ନେଇଥିଲେ। ଏହାର ଦୁଇ ଦିନ ପୂର୍ବରୁ ଭଗବାନଙ୍କ ସ୍ତ୍ରୀ ଅସୁସ୍ଥ ହେବାରୁ ଡାକ୍ତରଖାନା ନେଇ ନ ପାରି ତାଙ୍କ ମୃତ୍ୟୁ ଘଟିଥିବା ଗ୍ରାମବାସୀ ଅଭିଯୋଗ କରିଛନ୍ତି। ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ବରପଦରରୁ ଦମଣ୍ଡା ପର୍ଯ୍ୟନ୍ତ ପକ୍କା ରାସ୍ତା ନିର୍ମାଣ ପାଇଁ ସରପଞ୍ଚଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଓ ଜନପ୍ରତିନିଧିଙ୍କ ପାଖରେ ବାରମ୍ବାର ଦାବୀ କରିଆସୁଛନ୍ତି, ହେଲେ କିଛି ସୁଫଳ ମିଳୁନାହିଁ। ରାସ୍ତା ଦାବୀରେ ୨୦୨୨ ମସିହାରେ ଦମଣ୍ଡା ୧୩ ନମ୍ବର ୱାର୍ଡ ବାସୀ ଭୋଟ ବର୍ଜନ ମଧ୍ୟ କରିଥିଲେ। ଗ୍ରାମବାସୀ କହିଛନ୍ତି, ନିର୍ବାଚନ ଆସିଲେ ନେତା ମନ୍ତ୍ରୀ ଆସି ପ୍ରତିଶ୍ରୁତି ଦିଅନ୍ତି, ନିର୍ବାଚନ ସରିଲେ ୫ ବର୍ଷ ଯାଏଁ ଦେଖା ମିଳେନାହିଁ। ଏମିତି ୧୫ଟି ନିର୍ବାଚନ ବିତିଲାଣି, ପ୍ରତିଶ୍ରୁତି ବଦଳରେ ମିଳିଛି କେବଳ ପ୍ରତାରଣା। ପୂର୍ବତନ ଜିଲ୍ଲାପାଳ ଲଳାଟେନ୍ଦୁ ମିଶ୍ର ୨୦୨୨ ମାର୍ଚ ସୁଦ୍ଧା ବୌଦ୍ଧ ଜିଲ୍ଲାର ସମସ୍ତ ଦୁର୍ଗମ ଅଞ୍ଚଳକୁ ସବୁଦିନିଆ ରାସ୍ତା ହେବ ବୋଲି ଘୋଷଣା କରିଥିଲେ। ଘୋଷଣାକୁ ୪ ବର୍ଷ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ଏହି ପଞ୍ଚାୟତର ଅନେକ ଗାଁକୁ ରାସ୍ତା ନାହିଁ। ତେଣୁ ଜିଲ୍ଲା ପ୍ରଶାସନ ତୁରନ୍ତ ଏଥିପ୍ରତି ଦୃଷ୍ଟି ଦେଇ ବରପଦର-ଦମଣ୍ଡା ରାସ୍ତା ନିର୍ମାଣ କରିବାକୁ ଗ୍ରାମବାସୀ ଦାବୀ କରିଛନ୍ତି। ନଚେତ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବାକୁ ବାଧ୍ୟ ହେବୁ ବୋଲି ଚେତାବନୀ ଦେଇଛନ୍ତି।

ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଦପଲା ଗ୍ରାମ ପଞ୍ଚାୟତ ର ଯୁରମୁଣ୍ଡା ଗ୍ରାମ ରେ ନୂଆଁଖାଇ ଭେଟଘାଟ କଣ୍ଟାମାଳ:-୧୭/୦୯ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଦପଲା ଗ୍ରାମ ପଞ୍ଚାୟତ ର ଯୁରମୁଣ୍ଡା ଗ୍ରାମ ରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଗୋବିନ୍ଦ ମହାକୁଡ଼, ସମ୍ମାନୀୟ ଅତିଥି ଭାବରେ ଶୈଳେନ୍ଦ୍ର କୁମାର ବାରିକ,ବିଜୁ ଜନତା ଦଳର ଯୁବ ନେତା ଜଗୁରାମ ଚାନ୍ଦ,ମିଥୁନ ପ୍ରଧାନ,ବିଜେପି ଯୁବ ମୋର୍ଚ୍ଚାର ତ୍ରିଦେବ ନାୟକ, ରାଧା ଦନ୍ତା, ଶିକ୍ଷକ ଚିତ୍ରସେନ କଲତା ପ୍ରମୁଖ ଯୋଗ ଦେଇ ନିଜ ନିଜର ବକ୍ତବ୍ୟ ରଖିଥିଲେ । ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଦର୍ଶକ ଭରପୁର ମଜା ନେଇଥିଲେ ।

*ଟିଟିଲାଗଡ଼ରେ ମାଙ୍କଡ଼ ପଲ, କ୍ଷୟକ୍ଷତି ସହ ହତା, ହତ ସତ୍ୱେ ପ୍ରଶାସନ ନୀରବ*। *ଟିଟିଲାଗଡ଼ରେ ମାଙ୍କଡ଼ ପଲ, କ୍ଷୟକ୍ଷତି ସହ ହତା, ହତ ସତ୍ୱେ ପ୍ରଶାସନ ନୀରବ*। *ବଲାଙ୍ଗୀର ଜିଲ୍ଲା ଟିଟିଲାଗଡ଼ ରେ ସହରମୁଖା ହାତୀ ପଲ ପରେ ଏବେ ମାଙ୍କଡ଼ ପଲ ଆସି ତିନି ଦିନ ହେଲା ବ୍ୟାପକ କ୍ଷୟ, କ୍ଷତି ସହ ସାଧାରଣ ତାଙ୍କ ଦ୍ୱାରା ହତାହତ ହୋଇ ଭୟଭୀତ ଥିବା ବେଳେ ବିଭାଗୀୟ ପ୍ରଶାସନ ନୀରବ ରହିଛି*। *ପ୍ରକାଶ ଯେ,ଜଙ୍ଗଲ ରୁ କୌଣସି କାରଣ ବଶତଃ ସହର ମୁଖା ପ୍ରାୟ ତିରିଶ ଗୋଟି ଏହି ମାଙ୍କଡ଼ ଦଳ ଟିଟିଲାଗଡ଼ ସହର ର ବିଭିନ୍ନ ଅଞ୍ଚଳ ରେ ତ୍ରାହି, ତ୍ରାହି ସୃଷ୍ଟି କରିଥିବା ବେଳେ ଛଅ ଜଣ ଆକ୍ରାନ୍ତ ହୋଇଥିବା ଜଣା ପଡିଛି*। *ବନ ବିଭାଗ ଗୋଚରରେ ଏହି ସମସ୍ୟା ଉପୁଜିଥିବା ବେଳେ ଆଖ, ପାଖ ଗ୍ରାମାଞ୍ଚଳ ରେ ମାତ୍ରାଧିକ ଦୁର୍ଦଶା ଭୋଗୀ ଆସୁଛନ୍ତି*। *ସିକେର ଫରେଷ୍ଟ ଡିଭିଜନ ର ଜଣେ ଫରେଷ୍ଟ ଗାର୍ଡ ଙ୍କ ଉପସ୍ଥିତି ରେ ଜଙ୍ଗଲ ରେ ନିଆଁ ଲଗେଇ କୋଇଲା ସଂଗ୍ରହ ଯୋଗୁଁ ଏଇ ସ୍ଥିତି ସୃଷ୍ଟି ହେଉଥିବା ବେଳେ ତୁରନ୍ତ ଦୃଢ଼ ପଦକ୍ଷେପ ଗ୍ରହଣ କରାଯାଉ*।

ବଲାଙ୍ଗୀରରେଆଜି ନୂଆଖଇରଉତ୍ସବର ଦିନକ ପରେ ଘରେ ଘରେ ଛାଡ଼ଖଇରମଜା ନୂଆଖଇରଉତ୍ସବର ଦିନକ ପରେ ଘରେ ଘରେ ଛାଡ଼ଖଇରମଜା

ବୀରମହାରାଜପୁରରେ ନୁଆଁଖାଇ ଭେଟଘାଟ ଅନୁଷ୍ଠିତ l କଳାକାରଙ୍କ ନୃତ୍ୟ ଗୀତରେ ଦୁଲୁକିଲା ମଞ୍ଚ

ନୂଆଁଖାଇ ପାହୁର ଯାତ୍ରା

କଣ୍ଟାମାଳରେ ଗଣପତି ବାବା ପୂଜା କମିଟି ଦ୍ୱାରା ଧୂମଧାମରେ ନୂଆଁଖାଇ ଭେଟଘାଟ କଣ୍ଟାମାଳରେ ଗଣପତି ବାବା ପୂଜା କମିଟି ଦ୍ୱାରା ଧୂମଧାମରେ ନୂଆଁଖାଇ ଭେଟଘାଟ ବୌଦ୍ଧ: ସବୁବର୍ଷ ପରି ଚଳିତ ବର୍ଷ ମଧ୍ୟ ଗଣପତି ବାବା ପୂଜା କମିଟି, କଣ୍ଟାମାଳ ଦ୍ୱାରା ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ଅତ୍ୟନ୍ତ ଧୂମଧାମରେ ପାଳିତ ହୋଇଯାଇଛି।ଏହି ଦିନ କଣ୍ଟାମାଳ ଅଞ୍ଚଳର ସମସ୍ତେ ନିଜ ନିଜ ଘରେ ନୂଆଁ ଖାଇ ସାରିବା ପରେ ଏକତ୍ରିତ ହୋଇ ପଞ୍ଚ ବାଦ୍ୟ ସହ ରୀତିନୀତି ଅନୁସାରେ ବାଦ୍ୟର ତାଳେ ତାଳେ ନାଚି ସମସ୍ତ ଗୁରୁଜନଙ୍କୁ ନୂଆଁଖାଇ ଜୁହାର ଭେଟଘାଟ କରିଥିଲେ। ମାଁ ସମଲେଇଙ୍କ ବାନାକୁ ଧରି ନଗର ପରିକ୍ରମା କରାଯାଇଥିଲା। ଏହି ଶୋଭାଯାତ୍ରାରେ କଣ୍ଟାମାଳ ଅଞ୍ଚଳର ସମସ୍ତ ଗୁରୁଜନ ଏବଂ ମାଁ ମାଉସୀମାନେ ଏକାଠି ହୋଇ ଏହି ଜୁହାର ଭେଟଘାଟ କାର୍ଯ୍ୟକ୍ରମକୁ ଉପଭୋଗ କରିଥିଲେ। ଏହି ଶୋଭାଯାତ୍ରା କଣ୍ଟାମାଳ ନାଗବଚା ମନ୍ଦିର ସମ୍ମୁଖରୁ ବାହାରି କଣ୍ଟାମାଳର ଗୌନ୍ତିଆ ତଥା ପୂର୍ବତନ ବିଧାୟକ ଶ୍ରୀଯୁକ୍ତ ଭଗବାନ କହଁରଙ୍କ ଘରକୁ ଯାଇ ଜୁହାର ଭେଟଘାଟ ହେବା ସହ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧନା ଜଣାଇଥିଲେ। ପରେ ଗ୍ରାମର ଇଷ୍ଟଦେବୀ ମାଁ କନ୍ଧେଣ ବୁଢ଼ୀଙ୍କ ନିକଟରେ ଚାଉଳ ବନ୍ଦାଇ ମୁଣ୍ଡିଆ ମାରିଥିଲେ। ଏହି ଭାଇଚାରାର ସମ୍ପର୍କ ସବୁଦିନ ପାଇଁ ରହିଥାଉ ଏବଂ ଚଳିତ ବର୍ଷ ଚାଷ ଭଲ ହେଉ ବୋଲି ମାଁଙ୍କ ନିକଟରେ ଗୁହାରି କରିଥିଲେ। ଏହି କାର୍ଯ୍ୟକ୍ରମରେ କଣ୍ଟାମାଳର ସୁଶାନ୍ତ, ସଞ୍ଜୀବ, ସଂଗ୍ରାମ, ଶୁଭମ୍, ସଞ୍ଜୟ, ସୁବ୍ରତ, ରୋଜିସ, ପବିତ୍ର, ଗରିବ, ସାରଥୀ, ସତ୍ୟ, ଜୟ ନାରାୟଣ, ସନ୍ତୋଷ ଏବଂ ସମସ୍ତ ଗ୍ରାମବାସୀ ସାମିଲ ହୋଇଥିଲେ।