கடலூர் லாரன்ஸ் ரோட்டில் கடை வைக்க அனுமதியில்லை எனக் கூறி வியாபாரிகளின் பொருட்கள் மற்றும் தள்ளுவண்டிகளை மாநகராட்சி நிர்வாகம் அகற்றியதைக் கண்டித்து, கடலூரில் தெரு வியாபாரிகள் போராட்டத்தில் ஈடுபட்டனர். லாரன்ஸ் ரோடு பகுதியை பொருட்கள் விற்பனை செய்யும் பகுதியாக அறிவிக்க வேண்டும் உள்ளிட்ட கோரிக்கைகளை வலியுறுத்தி, தமிழ்நாடு தெரு வியாபார தொழிலாளர் சங்கம் சார்பில் இந்த 'கடை வைக்கும் போராட்டம்' நடத்தப்பட்டது. இப்போராட்டத்திற்காக, சங்க மாநில செயலாளர் குளோப் தலைமையில், காங்கிரஸ் மாநில செயலாளர் சந்திரசேகரன், துணை மேயர் தாமரைச்செல்வன், காங்கிரஸ் மாவட்ட தலைவர் ரங்கமணி, இந்திய கம்யூனிஸ்ட் மாவட்ட செயலாளர் துரை, மார்க்சிஸ்ட் கம்யூனிஸ்ட் மாநகர செயலாளர் அமர்நாத் உள்ளிட்ட பலர் கடலூர் ஆஞ்சநேயர் கோவில் அருகே நேற்று திரண்டனர். அங்கு மாநகராட்சி நிர்வாகத்தைக் கண்டித்து கோஷங்கள் எழுப்பிய அவர்கள், பின்னர் கடை வைக்கும் போராட்டம் நடத்துவதற்காக ஊர்வலமாக புறப்பட்டனர். அப்போது, அங்கு பாதுகாப்புப் பணியில் இருந்த போலீசார் போராட்டக்காரர்களை தடுத்து நிறுத்தினர். இப்பிரச்சனை தொடர்பாக ஆர்.டி.ஓ. அலுவலகத்தில் அமைதி பேச்சுவார்த்தை நடத்தி தீர்வு காணப்படும் என போலீசார் உறுதியளித்ததை அடுத்து, வியாபாரிகள் தங்களது போராட்டத்தைக் கைவிட்டு அங்கிருந்து கலைந்து சென்றனர்.

Jothilingam k

குறிஞ்சிப்பாடி, கடலூர், தமிழ்நாடு•

1 hr ago

கடலூர் லாரன்ஸ் ரோட்டில் கடை வைக்க அனுமதியில்லை எனக் கூறி வியாபாரிகளின் பொருட்கள் மற்றும் தள்ளுவண்டிகளை மாநகராட்சி நிர்வாகம் அகற்றியதைக் கண்டித்து, கடலூரில் தெரு வியாபாரிகள் போராட்டத்தில் ஈடுபட்டனர். லாரன்ஸ் ரோடு பகுதியை பொருட்கள் விற்பனை செய்யும் பகுதியாக அறிவிக்க வேண்டும் உள்ளிட்ட கோரிக்கைகளை வலியுறுத்தி, தமிழ்நாடு தெரு வியாபார தொழிலாளர் சங்கம் சார்பில் இந்த 'கடை வைக்கும் போராட்டம்' நடத்தப்பட்டது. இப்போராட்டத்திற்காக, சங்க மாநில செயலாளர் குளோப் தலைமையில், காங்கிரஸ் மாநில செயலாளர் சந்திரசேகரன், துணை மேயர் தாமரைச்செல்வன், காங்கிரஸ் மாவட்ட தலைவர் ரங்கமணி, இந்திய கம்யூனிஸ்ட் மாவட்ட செயலாளர் துரை, மார்க்சிஸ்ட் கம்யூனிஸ்ட் மாநகர செயலாளர் அமர்நாத் உள்ளிட்ட பலர் கடலூர் ஆஞ்சநேயர் கோவில் அருகே நேற்று திரண்டனர். அங்கு மாநகராட்சி நிர்வாகத்தைக் கண்டித்து கோஷங்கள் எழுப்பிய அவர்கள், பின்னர் கடை வைக்கும் போராட்டம் நடத்துவதற்காக ஊர்வலமாக புறப்பட்டனர். அப்போது, அங்கு பாதுகாப்புப் பணியில் இருந்த போலீசார் போராட்டக்காரர்களை தடுத்து நிறுத்தினர். இப்பிரச்சனை தொடர்பாக ஆர்.டி.ஓ. அலுவலகத்தில் அமைதி பேச்சுவார்த்தை நடத்தி தீர்வு காணப்படும் என போலீசார் உறுதியளித்ததை அடுத்து, வியாபாரிகள் தங்களது போராட்டத்தைக் கைவிட்டு அங்கிருந்து கலைந்து சென்றனர்.