ପଶ୍ଚିମବଙ୍ଗ ଶଙ୍କରପୁରରୁ ନିଖୋଜ ହୋଇଥିବା ୧୬ ଜଣ ମତ୍ସ୍ୟଜୀବୀଙ୍କୁ ନେଇ ଚିନ୍ତା ବଢ଼ୁଥିବା ବେଳେ ଏକ ବଡ଼ ଖବର ସାମ୍ନାକୁ ଆସିଛି। କାକଦ୍ବୀପ ବାଘେର ଦୀପଠାରୁ ଦୁଇ କିଲୋମିଟର ଦୂରରେ ଏକ ଦ୍ବୀପରେ ଫସିଥିବା ଟ୍ରଲରଟି ନିଖୋଜ ମତ୍ସ୍ୟଜୀବୀଙ୍କ 'ମାଆ କାଳୀ' ଟ୍ରଲର ନୁହେଁ ବୋଲି ଜଣାପଡ଼ିଛି। ଶନିବାର ସକାଳେ ଶଙ୍କରପୁର ମାଛ ବ୍ୟବସାୟୀ ସଂଘର ସମ୍ପାଦକ ସ୍ୱଦେଶ ନାୟକ ଏହି ଟ୍ରଲର ମିଳିଥିବା ନେଇ ଯେଉଁ ସୂଚନା ଦେଇଥିଲେ, ତାହା ଭୁଲ ବୋଲି ସ୍ପଷ୍ଟ ହୋଇଛି। ଏହି ଭୁଲ ସୂଚନା ପାଇଁ ସେ କ୍ଷମା ପ୍ରାର୍ଥନା କରିବା ସହ ଉକ୍ତ ଟ୍ରଲରଟି 'ମାଆ କାଳୀ' ନୁହେଁ ବରଂ ଅନ୍ୟ ଏକ ଟ୍ରଲର ବୋଲି କହିଛନ୍ତି। ଏହି ଖବର ପ୍ରକାଶ ପାଇବା ପରେ ନିଖୋଜ ମତ୍ସ୍ୟଜୀବୀଙ୍କ ପରିବାର ଲୋକେ ପୁଣି ଥରେ ଗଭୀର ଚିନ୍ତାରେ ବ୍ୟତିବ୍ରସ୍ତ ହୋଇପଡ଼ିଛନ୍ତି। ସୂଚନା ଅନୁଯାୟୀ, ଗତ ଜୁଲାଇ ୨ ତାରିଖରେ ଶଙ୍କରପୁରରୁ ଏହି ୧୬ ଜଣ ମତ୍ସ୍ୟଜୀବୀ ସମୁଦ୍ରକୁ ଇଲିଶି ମାଛ ଧରିବାକୁ ଯାଇଥିଲେ। ନିଖୋଜ ହେବାର ପ୍ରାୟ ୧୦ ଦିନରୁ ଅଧିକ ସମୟ ବିତିଯାଇଥିଲେ ମଧ୍ୟ ସେମାନଙ୍କର କୌଣସି ପତ୍ତା ମିଳିପାରି ନାହିଁ। ଏହି ସ୍ଥିତିରେ ନିଖୋଜଙ୍କ ପରିବାର ଲୋକେ ନୌସେନା ହେଲିକପ୍ଟର ସାହାଯ୍ୟରେ ସେମାନଙ୍କୁ ଖୋଜିବା ପାଇଁ ମତ୍ସ୍ୟଜୀବୀ ସଂଘ ଏବଂ ସରକାରଙ୍କୁ ଅନୁରୋଧ କରିଛନ୍ତି। ବର୍ତ୍ତମାନ ତଟରକ୍ଷୀ ବାହିନୀ ପକ୍ଷରୁ ସମୁଦ୍ରରେ ସର୍ଚ୍ଚ ଅପରେସନ ଜାରି ରହିଛି।

ଶିଶିର କୁମାର ପ୍ରଧାନ

ଭୋଗରାଇ, ବାଲେଶ୍ୱର, ଓଡ଼ିଶା•

3 hrs ago

ପଶ୍ଚିମବଙ୍ଗ ଶଙ୍କରପୁରରୁ ନିଖୋଜ ହୋଇଥିବା ୧୬ ଜଣ ମତ୍ସ୍ୟଜୀବୀଙ୍କୁ ନେଇ ଚିନ୍ତା ବଢ଼ୁଥିବା ବେଳେ ଏକ ବଡ଼ ଖବର ସାମ୍ନାକୁ ଆସିଛି। କାକଦ୍ବୀପ ବାଘେର ଦୀପଠାରୁ ଦୁଇ କିଲୋମିଟର ଦୂରରେ ଏକ ଦ୍ବୀପରେ ଫସିଥିବା ଟ୍ରଲରଟି ନିଖୋଜ ମତ୍ସ୍ୟଜୀବୀଙ୍କ 'ମାଆ କାଳୀ' ଟ୍ରଲର ନୁହେଁ ବୋଲି ଜଣାପଡ଼ିଛି। ଶନିବାର ସକାଳେ ଶଙ୍କରପୁର ମାଛ ବ୍ୟବସାୟୀ ସଂଘର ସମ୍ପାଦକ ସ୍ୱଦେଶ ନାୟକ ଏହି ଟ୍ରଲର ମିଳିଥିବା ନେଇ ଯେଉଁ ସୂଚନା ଦେଇଥିଲେ, ତାହା ଭୁଲ ବୋଲି ସ୍ପଷ୍ଟ ହୋଇଛି। ଏହି ଭୁଲ ସୂଚନା ପାଇଁ ସେ କ୍ଷମା ପ୍ରାର୍ଥନା କରିବା ସହ ଉକ୍ତ ଟ୍ରଲରଟି 'ମାଆ କାଳୀ' ନୁହେଁ ବରଂ ଅନ୍ୟ ଏକ ଟ୍ରଲର ବୋଲି କହିଛନ୍ତି। ଏହି ଖବର ପ୍ରକାଶ ପାଇବା ପରେ ନିଖୋଜ ମତ୍ସ୍ୟଜୀବୀଙ୍କ ପରିବାର ଲୋକେ ପୁଣି ଥରେ ଗଭୀର ଚିନ୍ତାରେ ବ୍ୟତିବ୍ରସ୍ତ ହୋଇପଡ଼ିଛନ୍ତି। ସୂଚନା ଅନୁଯାୟୀ, ଗତ ଜୁଲାଇ ୨ ତାରିଖରେ ଶଙ୍କରପୁରରୁ ଏହି ୧୬ ଜଣ ମତ୍ସ୍ୟଜୀବୀ ସମୁଦ୍ରକୁ ଇଲିଶି ମାଛ ଧରିବାକୁ ଯାଇଥିଲେ। ନିଖୋଜ ହେବାର ପ୍ରାୟ ୧୦ ଦିନରୁ ଅଧିକ ସମୟ ବିତିଯାଇଥିଲେ ମଧ୍ୟ ସେମାନଙ୍କର କୌଣସି ପତ୍ତା ମିଳିପାରି ନାହିଁ। ଏହି ସ୍ଥିତିରେ ନିଖୋଜଙ୍କ ପରିବାର ଲୋକେ ନୌସେନା ହେଲିକପ୍ଟର ସାହାଯ୍ୟରେ ସେମାନଙ୍କୁ ଖୋଜିବା ପାଇଁ ମତ୍ସ୍ୟଜୀବୀ ସଂଘ ଏବଂ ସରକାରଙ୍କୁ ଅନୁରୋଧ କରିଛନ୍ତି। ବର୍ତ୍ତମାନ ତଟରକ୍ଷୀ ବାହିନୀ ପକ୍ଷରୁ ସମୁଦ୍ରରେ ସର୍ଚ୍ଚ ଅପରେସନ ଜାରି ରହିଛି।