महाराष्ट्र राज्य माध्यमिक व उच्च माध्यमिक शिक्षण मंडळाच्या जून-जुलै २०२६ मध्ये होणाऱ्या दहावी आणि बारावीच्या पुरवणी परीक्षांच्या पार्श्वभूमीवर, पालघर जिल्हा प्रशासन पूर्णपणे सज्ज झाले आहे. परीक्षेतील गैरप्रकार रोखण्यासाठी आणि प्रक्रिया पारदर्शकपणे पार पाडण्यासाठी जिल्हा दक्षता समितीने कडेकोट सुरक्षा व्यवस्थेचे नियोजन केले आहे. निवासी उपजिल्हाधिकारी सुभाष भागडे यांच्या अध्यक्षतेखाली जिल्हाधिकारी कार्यालयात पार पडलेल्या विशेष बैठकीत प्रश्नपत्रिकांची सुरक्षितता आणि उत्तरपत्रिकांचे संकलन यावर विशेष भर देण्यात आला. परीक्षेदरम्यान कोणत्याही प्रकारचा गैरप्रकार होऊ नये, यासाठी जिल्हा प्रशासनाने कठोर धोरण अवलंबण्याचे निर्देश दिले आहेत. सुरक्षेसाठी अनेक महत्त्वाच्या उपाययोजना आखण्यात आल्या आहेत. यामध्ये जिल्ह्यातील सर्व परीक्षा केंद्रांवर प्रश्नपत्रिका वितरण, उत्तरपत्रिकांचे संकलन आणि वाहतुकीदरम्यान चोख पोलीस बंदोबस्त ठेवला जाणार आहे. तसेच, परीक्षा केंद्रांवरील सीसीटीव्ही यंत्रणा पूर्णपणे कार्यरत ठेवण्याच्या सूचना देण्यात आल्या असून, तांत्रिक बिघाड टाळण्यासाठी आवश्यक बॅकअप व्यवस्था उपलब्ध असेल. परीक्षेच्या काळात अखंडित वीजपुरवठा सुनिश्चित करण्यासाठी विद्युत वितरण विभागाला सतर्क राहण्याचे आदेश दिले आहेत. याशिवाय, गैरप्रकारांना आळा घालण्यासाठी विशेष भरारी पथके आणि बैठे पथके परीक्षेच्या कालावधीत नियमित तपासणी करणार आहेत. विद्यार्थ्यांच्या परीक्षा विनासायास आणि शांत वातावरणात पार पडाव्यात, यासाठी सर्व संबंधित विभागांनी समन्वयाने काम करण्याचे आवाहन बैठकीत करण्यात आले. या बैठकीला प्रभारी मुख्य कार्यकारी अधिकारी राजेंद्र पाटील, पोलीस अधीक्षक कार्यालयाचे प्रतिनिधी अभिजित पाटील, पोलीस आयुक्त कार्यालयाचे प्रतिनिधी वसंत लबदे, कार्यकारी अभियंता सुरेंद्र मुंगारी, डायटचे प्राचार्य संभाजी भोजने, शिक्षणाधिकारी सोनाली मातेकर, शेषराव बडे, अशोक पाटील आणि उपशिक्षणाधिकारी शैलेश सुर्वे उपस्थित होते.

अमोल काळे

Newspaper advertising department पालघर, पालघर, महाराष्ट्र•

17 hrs ago

महाराष्ट्र राज्य माध्यमिक व उच्च माध्यमिक शिक्षण मंडळाच्या जून-जुलै २०२६ मध्ये होणाऱ्या दहावी आणि बारावीच्या पुरवणी परीक्षांच्या पार्श्वभूमीवर, पालघर जिल्हा प्रशासन पूर्णपणे सज्ज झाले आहे. परीक्षेतील गैरप्रकार रोखण्यासाठी आणि प्रक्रिया पारदर्शकपणे पार पाडण्यासाठी जिल्हा दक्षता समितीने कडेकोट सुरक्षा व्यवस्थेचे नियोजन केले आहे. निवासी उपजिल्हाधिकारी सुभाष भागडे यांच्या अध्यक्षतेखाली जिल्हाधिकारी कार्यालयात पार पडलेल्या विशेष बैठकीत प्रश्नपत्रिकांची सुरक्षितता आणि उत्तरपत्रिकांचे संकलन यावर विशेष भर देण्यात आला. परीक्षेदरम्यान कोणत्याही प्रकारचा गैरप्रकार होऊ नये, यासाठी जिल्हा प्रशासनाने कठोर धोरण अवलंबण्याचे निर्देश दिले आहेत. सुरक्षेसाठी अनेक महत्त्वाच्या उपाययोजना आखण्यात आल्या आहेत. यामध्ये जिल्ह्यातील सर्व परीक्षा केंद्रांवर प्रश्नपत्रिका वितरण, उत्तरपत्रिकांचे संकलन आणि वाहतुकीदरम्यान चोख पोलीस बंदोबस्त ठेवला जाणार आहे. तसेच, परीक्षा केंद्रांवरील सीसीटीव्ही यंत्रणा पूर्णपणे कार्यरत ठेवण्याच्या सूचना देण्यात आल्या असून, तांत्रिक बिघाड टाळण्यासाठी आवश्यक बॅकअप व्यवस्था उपलब्ध असेल. परीक्षेच्या काळात अखंडित वीजपुरवठा सुनिश्चित करण्यासाठी विद्युत वितरण विभागाला सतर्क राहण्याचे आदेश दिले आहेत. याशिवाय, गैरप्रकारांना आळा घालण्यासाठी विशेष भरारी पथके आणि बैठे पथके परीक्षेच्या कालावधीत नियमित तपासणी करणार आहेत. विद्यार्थ्यांच्या परीक्षा विनासायास आणि शांत वातावरणात पार पडाव्यात, यासाठी सर्व संबंधित विभागांनी समन्वयाने काम करण्याचे आवाहन बैठकीत करण्यात आले. या बैठकीला प्रभारी मुख्य कार्यकारी अधिकारी राजेंद्र पाटील, पोलीस अधीक्षक कार्यालयाचे प्रतिनिधी अभिजित पाटील, पोलीस आयुक्त कार्यालयाचे प्रतिनिधी वसंत लबदे, कार्यकारी अभियंता सुरेंद्र मुंगारी, डायटचे प्राचार्य संभाजी भोजने, शिक्षणाधिकारी सोनाली मातेकर, शेषराव बडे, अशोक पाटील आणि उपशिक्षणाधिकारी शैलेश सुर्वे उपस्थित होते.