మంత్రి అచ్చెన్నాయుడు సోమవారం డీలర్లకు తీవ్ర హెచ్చరిక జారీ చేశారు. రైతులను ఇబ్బంది పెడితే వారిపై క్రిమినల్ కేసులు నమోదు చేయడమే కాకుండా, ఎరువుల కంపెనీలపై కూడా చర్యలు తీసుకుంటామని స్పష్టం చేశారు. ఈరోజు రాష్ట్ర సచివాలయంలో ఖరీఫ్-2026 ఎరువుల లభ్యత, పంపిణీపై నిర్వహించిన సమీక్షా సమావేశంలో వ్యవసాయశాఖ అధికారులు, ఎరువుల కంపెనీ ప్రతినిధులు, అసోసియేషన్ సభ్యులు పాల్గొన్నారు. సమావేశంలో మంత్రి యూరియా, డీఏపీతో పాటు ఇతర కాంప్లెక్స్ ఎరువుల బలవంతపు విక్రయాలను వెంటనే ఆపాలని ఆదేశించారు. రైతులకు వారి అవసరాలకు అనుగుణంగానే ఎరువులను అందించాలని సూచించారు. రాష్ట్రంలో అవసరానికి మించి అధిక ఎరువుల నిల్వలు అందుబాటులో ఉన్నాయని మంత్రి ఈ సందర్భంగా తెలియజేశారు. యూరియా సరఫరాలో ఎటువంటి కొరత లేకుండా చూడాలని, ఎరువుల బుకింగ్ యాప్ నిర్వహణ సజావుగా ఉండేలా చర్యలు తీసుకోవాలని అధికారులను ఆదేశించారు. నానో యూరియా ప్రయోజనాలపై రైతులకు అవగాహన కల్పించాలని, సహజ వ్యవసాయం పట్ల రైతులు ఆసక్తి చూపుతున్నందున రసాయన ఎరువుల వాడకాన్ని తగ్గించాలని, అధిక ఎరువుల వినియోగంపై అప్రమత్తంగా ఉండాలని వెల్లడించారు. అంతేకాకుండా, యూరియాను ఎంఆర్‌పీ ధరకే విక్రయించాలని, ఎంఆర్‌పీకి మించి అమ్మితే కఠిన చర్యలు తప్పవని డీలర్లను మంత్రి మరోసారి హెచ్చరించారు. యూరియా పక్కదారి పట్టకుండా ప్రత్యేక విజిలెన్స్ బృందాలను ఏర్పాటు చేయాలని, రాష్ట్రవ్యాప్తంగా ప్రతి ఎరువుల బస్తాకు పూర్తి లెక్క ఉండాలని సూచించారు. గతంలో జరిగిన అక్రమాలు, ఇబ్బందులు పునరావృతమైతే ఉపేక్షించేది లేదని, రైతుల ప్రయోజనాలకే ప్రభుత్వం అత్యంత ప్రాధాన్యత ఇస్తుందని అచ్చెన్నాయుడు స్పష్టం చేశారు.

శిద్దాని వేణుగోపాల్ (చిన్ని)

Paan shop నరసాపురం, పశ్చిమ గోదావరి, ఆంధ్రప్రదేశ్•

6 hrs ago

మంత్రి అచ్చెన్నాయుడు సోమవారం డీలర్లకు తీవ్ర హెచ్చరిక జారీ చేశారు. రైతులను ఇబ్బంది పెడితే వారిపై క్రిమినల్ కేసులు నమోదు చేయడమే కాకుండా, ఎరువుల కంపెనీలపై కూడా చర్యలు తీసుకుంటామని స్పష్టం చేశారు. ఈరోజు రాష్ట్ర సచివాలయంలో ఖరీఫ్-2026 ఎరువుల లభ్యత, పంపిణీపై నిర్వహించిన సమీక్షా సమావేశంలో వ్యవసాయశాఖ అధికారులు, ఎరువుల కంపెనీ ప్రతినిధులు, అసోసియేషన్ సభ్యులు పాల్గొన్నారు. సమావేశంలో మంత్రి యూరియా, డీఏపీతో పాటు ఇతర కాంప్లెక్స్ ఎరువుల బలవంతపు విక్రయాలను వెంటనే ఆపాలని ఆదేశించారు. రైతులకు వారి అవసరాలకు అనుగుణంగానే ఎరువులను అందించాలని సూచించారు. రాష్ట్రంలో అవసరానికి మించి అధిక ఎరువుల నిల్వలు అందుబాటులో ఉన్నాయని మంత్రి ఈ సందర్భంగా తెలియజేశారు. యూరియా సరఫరాలో ఎటువంటి కొరత లేకుండా చూడాలని, ఎరువుల బుకింగ్ యాప్ నిర్వహణ సజావుగా ఉండేలా చర్యలు తీసుకోవాలని అధికారులను ఆదేశించారు. నానో యూరియా ప్రయోజనాలపై రైతులకు అవగాహన కల్పించాలని, సహజ వ్యవసాయం పట్ల రైతులు ఆసక్తి చూపుతున్నందున రసాయన ఎరువుల వాడకాన్ని తగ్గించాలని, అధిక ఎరువుల వినియోగంపై అప్రమత్తంగా ఉండాలని వెల్లడించారు. అంతేకాకుండా, యూరియాను ఎంఆర్‌పీ ధరకే విక్రయించాలని, ఎంఆర్‌పీకి మించి అమ్మితే కఠిన చర్యలు తప్పవని డీలర్లను మంత్రి మరోసారి హెచ్చరించారు. యూరియా పక్కదారి పట్టకుండా ప్రత్యేక విజిలెన్స్ బృందాలను ఏర్పాటు చేయాలని, రాష్ట్రవ్యాప్తంగా ప్రతి ఎరువుల బస్తాకు పూర్తి లెక్క ఉండాలని సూచించారు. గతంలో జరిగిన అక్రమాలు, ఇబ్బందులు పునరావృతమైతే ఉపేక్షించేది లేదని, రైతుల ప్రయోజనాలకే ప్రభుత్వం అత్యంత ప్రాధాన్యత ఇస్తుందని అచ్చెన్నాయుడు స్పష్టం చేశారు.