गडचिरोली जिल्ह्यात वन्यप्राण्यांच्या वाढत्या हल्ल्यांमुळे निर्माण झालेल्या गंभीर परिस्थितीवर तातडीने उपाययोजना करण्यासाठी गडचिरोली जिल्हा काँग्रेस कमिटीचे जिल्हाध्यक्ष विश्वजीत कोवासे यांनी मुख्य संरक्षण अधिकारी नरेंद्र नरवने यांना निवेदन सादर केले आहे. पोटेगाव रोड येथील कार्यालयात जाऊन ही मागणी करण्यात आली असून, रानटी हत्ती, वाघ आणि रानडुक्कर यांसारख्या प्राण्यांच्या उपद्रवामुळे निष्पाप नागरिकांना आपला जीव गमवावा लागत असल्याची खंत व्यक्त करण्यात आली. चांदाळा येथील घटनेत सुमारे ३० वर्षीय तरुणाचा हत्तीच्या हल्ल्यात झालेला मृत्यू अत्यंत वेदनादायी असल्याचे सांगत, वारंवार निवेदने आणि आंदोलने करूनही ठोस उपाययोजना होत नसल्याचा आरोप करण्यात आला आहे. या निवेदनातून प्रशासनाकडे काही महत्त्वाच्या मागण्या करण्यात आल्या आहेत. वन्यप्राण्यांच्या हल्ल्यात बळी पडलेल्या व्यक्तींच्या कुटुंबीयांना तत्काळ २५ लाख रुपयांची आर्थिक मदत नगदी स्वरूपात मिळावी आणि कुटुंबातील एका पात्र सदस्याला शासकीय नोकरी देण्यात यावी, अशी मागणी करण्यात आली आहे. याव्यतिरिक्त, मानव-वन्यप्राणी संघर्ष रोखण्यासाठी पुरेसे मनुष्यबळ, विशेष पथके आणि सुरक्षा उपाययोजना तातडीने कार्यान्वित करण्याची मागणीही करण्यात आली आहे. निवेदन सादर करताना सतीश विधाते, माधवराव गावळ, प्रभाकर वासेकर, नंदु वाईलकर, रजनीकांत मोटघरे, रुपेश टिकले, नितेश राठोड, राहुल वैरागडे, जितू मूनघाटे, विलास चीचगरे, हेमंत मोहितकर, हेमंत कोवासे, ओमप्रकाश चौधरी, निकेश कामीडवार आणि मिलिंद खोब्रागडे उपस्थित होते.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

10 hrs ago

गडचिरोली जिल्ह्यात वन्यप्राण्यांच्या वाढत्या हल्ल्यांमुळे निर्माण झालेल्या गंभीर परिस्थितीवर तातडीने उपाययोजना करण्यासाठी गडचिरोली जिल्हा काँग्रेस कमिटीचे जिल्हाध्यक्ष विश्वजीत कोवासे यांनी मुख्य संरक्षण अधिकारी नरेंद्र नरवने यांना निवेदन सादर केले आहे. पोटेगाव रोड येथील कार्यालयात जाऊन ही मागणी करण्यात आली असून, रानटी हत्ती, वाघ आणि रानडुक्कर यांसारख्या प्राण्यांच्या उपद्रवामुळे निष्पाप नागरिकांना आपला जीव गमवावा लागत असल्याची खंत व्यक्त करण्यात आली. चांदाळा येथील घटनेत सुमारे ३० वर्षीय तरुणाचा हत्तीच्या हल्ल्यात झालेला मृत्यू अत्यंत वेदनादायी असल्याचे सांगत, वारंवार निवेदने आणि आंदोलने करूनही ठोस उपाययोजना होत नसल्याचा आरोप करण्यात आला आहे. या निवेदनातून प्रशासनाकडे काही महत्त्वाच्या मागण्या करण्यात आल्या आहेत. वन्यप्राण्यांच्या हल्ल्यात बळी पडलेल्या व्यक्तींच्या कुटुंबीयांना तत्काळ २५ लाख रुपयांची आर्थिक मदत नगदी स्वरूपात मिळावी आणि कुटुंबातील एका पात्र सदस्याला शासकीय नोकरी देण्यात यावी, अशी मागणी करण्यात आली आहे. याव्यतिरिक्त, मानव-वन्यप्राणी संघर्ष रोखण्यासाठी पुरेसे मनुष्यबळ, विशेष पथके आणि सुरक्षा उपाययोजना तातडीने कार्यान्वित करण्याची मागणीही करण्यात आली आहे. निवेदन सादर करताना सतीश विधाते, माधवराव गावळ, प्रभाकर वासेकर, नंदु वाईलकर, रजनीकांत मोटघरे, रुपेश टिकले, नितेश राठोड, राहुल वैरागडे, जितू मूनघाटे, विलास चीचगरे, हेमंत मोहितकर, हेमंत कोवासे, ओमप्रकाश चौधरी, निकेश कामीडवार आणि मिलिंद खोब्रागडे उपस्थित होते.