पालघर जिल्ह्यातील शिक्षण व्यवस्थेत दीर्घकालीन आणि सर्वसमावेशक बदल घडवून आणण्याच्या उद्देशाने 'पालघर जिल्हा शिक्षण रूपांतरण कार्यक्रम' अंतर्गत बहु-भागीदार सामंजस्य करारावर स्वाक्षऱ्या करण्यात आल्या. पालघर जिल्हा परिषद आणि मोतीलाल ओसवाल फाउंडेशनच्या संयुक्त पुढाकाराने जिल्हा परिषद मुख्यालयात हा कार्यक्रम आयोजित करण्यात आला होता, ज्याला मुख्य कार्यकारी अधिकारी मनोज रानडे यांची प्रमुख उपस्थिती लाभली. या महत्त्वपूर्ण उपक्रमात विविध स्वयंसेवी संस्था आणि सामाजिक संघटना सहभागी झाल्या असून, यात विद्यार्थ्यांची शैक्षणिक गुणवत्ता सुधारणे, शिक्षकांचे कौशल्यवर्धन करणे, अंगणवाडी स्तरावरील शिक्षण बळकट करणे, इंग्रजी संभाषण कौशल्ये विकसित करणे, करिअर मार्गदर्शन देणे, तसेच युवकांना रोजगाराभिमुख प्रशिक्षण उपलब्ध करून देणे यावर विशेष भर दिला जाणार आहे. शाळा, शिक्षक, पालक, समुदाय आणि युवकांना एकाच विकास प्रक्रियेत सामावून घेत शिक्षण क्षेत्रात सकारात्मक बदल घडवण्याचे या कार्यक्रमाचे मुख्य उद्दिष्ट आहे. मोतीलाल ओसवाल फाउंडेशनच्या सहकार्याने राबविण्यात येणाऱ्या या कार्यक्रमात लीडरशिप फॉर इक्विटी, लर्निंग लिंक्स फाउंडेशन, क्वेस्ट आणि लाइटहाऊस कम्युनिटीज फाउंडेशन या संस्था विविध स्तरांवर काम करणार आहेत. याचा लाभ जिल्ह्यातील हजारो विद्यार्थी, शिक्षक, अंगणवाडी सेविका आणि युवकांना होणार असल्याचे सांगण्यात आले. यावेळी मोतीलाल ओसवाल फाउंडेशनच्या अध्यक्षा सुनीता अग्रवाल, शिक्षण प्रकल्प संचालक पूर्वशा रॉय, जिल्हा कार्यक्रम अधिकारी व्यंकटराव हुंडेकर, क्वेस्टचे संचालक नितीन विशे, लर्निंग लिंक्स फाउंडेशनच्या उपाध्यक्ष रूपा भट्टाचार्य, लीडरशिप फॉर इक्विटीच्या संचालिका अहोना कृष्णा, लाइटहाऊस कम्युनिटीज फाउंडेशनच्या अमृता बहुलेकर यांच्यासह शिक्षण विभागातील अधिकारी आणि अन्य मान्यवर उपस्थित होते. मुख्य कार्यकारी अधिकारी मनोज रानडे यांनी यावेळी बोलताना सांगितले की, विविध संस्थांच्या सहभागातून विद्यार्थ्यांना दर्जेदार शिक्षण, शिक्षकांना क्षमता विकासाच्या संधी, आणि युवकांना कौशल्याधारित रोजगाराच्या संधी उपलब्ध करून देण्याचा प्रयत्न करण्यात येईल. सामूहिक प्रयत्नांच्या बळावर पालघर जिल्हा शिक्षण परिवर्तनाचे एक आदर्श मॉडेल म्हणून पुढे येईल, असा विश्वासही त्यांनी व्यक्त केला. कार्यक्रमाच्या शेवटी राहुल नागरे यांनी उपस्थितांचे आभार मानले.

अमोल काळे

Newspaper advertising department पालघर, पालघर, महाराष्ट्र•

11 hrs ago

पालघर जिल्ह्यातील शिक्षण व्यवस्थेत दीर्घकालीन आणि सर्वसमावेशक बदल घडवून आणण्याच्या उद्देशाने 'पालघर जिल्हा शिक्षण रूपांतरण कार्यक्रम' अंतर्गत बहु-भागीदार सामंजस्य करारावर स्वाक्षऱ्या करण्यात आल्या. पालघर जिल्हा परिषद आणि मोतीलाल ओसवाल फाउंडेशनच्या संयुक्त पुढाकाराने जिल्हा परिषद मुख्यालयात हा कार्यक्रम आयोजित करण्यात आला होता, ज्याला मुख्य कार्यकारी अधिकारी मनोज रानडे यांची प्रमुख उपस्थिती लाभली. या महत्त्वपूर्ण उपक्रमात विविध स्वयंसेवी संस्था आणि सामाजिक संघटना सहभागी झाल्या असून, यात विद्यार्थ्यांची शैक्षणिक गुणवत्ता सुधारणे, शिक्षकांचे कौशल्यवर्धन करणे, अंगणवाडी स्तरावरील शिक्षण बळकट करणे, इंग्रजी संभाषण कौशल्ये विकसित करणे, करिअर मार्गदर्शन देणे, तसेच युवकांना रोजगाराभिमुख प्रशिक्षण उपलब्ध करून देणे यावर विशेष भर दिला जाणार आहे. शाळा, शिक्षक, पालक, समुदाय आणि युवकांना एकाच विकास प्रक्रियेत सामावून घेत शिक्षण क्षेत्रात सकारात्मक बदल घडवण्याचे या कार्यक्रमाचे मुख्य उद्दिष्ट आहे. मोतीलाल ओसवाल फाउंडेशनच्या सहकार्याने राबविण्यात येणाऱ्या या कार्यक्रमात लीडरशिप फॉर इक्विटी, लर्निंग लिंक्स फाउंडेशन, क्वेस्ट आणि लाइटहाऊस कम्युनिटीज फाउंडेशन या संस्था विविध स्तरांवर काम करणार आहेत. याचा लाभ जिल्ह्यातील हजारो विद्यार्थी, शिक्षक, अंगणवाडी सेविका आणि युवकांना होणार असल्याचे सांगण्यात आले. यावेळी मोतीलाल ओसवाल फाउंडेशनच्या अध्यक्षा सुनीता अग्रवाल, शिक्षण प्रकल्प संचालक पूर्वशा रॉय, जिल्हा कार्यक्रम अधिकारी व्यंकटराव हुंडेकर, क्वेस्टचे संचालक नितीन विशे, लर्निंग लिंक्स फाउंडेशनच्या उपाध्यक्ष रूपा भट्टाचार्य, लीडरशिप फॉर इक्विटीच्या संचालिका अहोना कृष्णा, लाइटहाऊस कम्युनिटीज फाउंडेशनच्या अमृता बहुलेकर यांच्यासह शिक्षण विभागातील अधिकारी आणि अन्य मान्यवर उपस्थित होते. मुख्य कार्यकारी अधिकारी मनोज रानडे यांनी यावेळी बोलताना सांगितले की, विविध संस्थांच्या सहभागातून विद्यार्थ्यांना दर्जेदार शिक्षण, शिक्षकांना क्षमता विकासाच्या संधी, आणि युवकांना कौशल्याधारित रोजगाराच्या संधी उपलब्ध करून देण्याचा प्रयत्न करण्यात येईल. सामूहिक प्रयत्नांच्या बळावर पालघर जिल्हा शिक्षण परिवर्तनाचे एक आदर्श मॉडेल म्हणून पुढे येईल, असा विश्वासही त्यांनी व्यक्त केला. कार्यक्रमाच्या शेवटी राहुल नागरे यांनी उपस्थितांचे आभार मानले.