पुणे महापालिका भरती परीक्षेवरून वाद तीव्र; दूरच्या केंद्रांमुळे उमेदवार त्रस्त परीक्षा पुण्यातच घेण्याची जोरदार मागणी पुणे : प्रतिनिधी पुणे महानगरपालिकेच्या ज्युनियर इंजिनिअर पदांच्या भरती प्रक्रियेत उमेदवारांच्या अडचणींमुळे नव्या वादाला तोंड फुटले आहे. तब्बल १६९ पदांसाठी होणारी ऑनलाईन परीक्षा दि. २२, २३ आणि २९ एप्रिल २०२६ रोजी होणार असली तरी पुणे, पिंपरी-चिंचवड परिसरातील उमेदवारांना नागपूर, अमरावती, नांदेडसारख्या दूरच्या शहरांमध्ये परीक्षा केंद्रे देण्यात आल्याने तीव्र नाराजी व्यक्त केली जात आहे. स्थानिक उमेदवारांना तब्बल ५०० ते ९०० किलोमीटर दूर जाऊन परीक्षा द्यावी लागत असल्याने प्रवास, निवास आणि अन्न यासाठी मोठा खर्च करावा लागत आहे. अंदाजे ५ ते १० हजार रुपयांचा खर्च प्रत्येक उमेदवारावर पडत असून, बहुसंख्य उमेदवार हे गरीब व शेतकरी कुटुंबातील असल्याने हा खर्च परवडणारा नसल्याचे स्पष्ट होत आहे. सध्या विदर्भ आणि मराठवाडा भागात तीव्र उष्णतेची लाट सुरू आहे. अशा परिस्थितीत लांबचा प्रवास करणे आरोग्याच्या दृष्टीनेही धोकादायक ठरत असल्याचे उमेदवारांचे म्हणणे आहे. दोन दिवसांचा प्रवास, त्यानंतर परीक्षा आणि परतीचा प्रवास—या सर्वामुळे उमेदवारांवर मानसिक व शारीरिक ताण वाढत आहे. या सर्व अडचणींमुळे मोठ्या प्रमाणावर उमेदवार परीक्षा देण्यास अनुपस्थित राहण्याची शक्यता वर्तवली जात आहे. त्यामुळे प्रशासनाने तातडीने निर्णय घेऊन परीक्षा पुण्यातच आयोजित करावी किंवा परीक्षेचे दिवस वाढवून स्थानिक केंद्रांची व्यवस्था करावी, अशी मागणी होत आहे. या प्रश्नावर खा. श्रीरंग बारणे यांना निवेदन देण्यात आले असून, त्यांनी महानगरपालिका आयुक्त व संबंधित प्रशासनाशी समन्वय साधून उमेदवारांना न्याय मिळवून द्यावा, अशी मागणी करण्यात आली आहे. परीक्षा स्थगित करून पुण्यातच घेण्यात यावी, किंवा गैरसोयीमुळे अनुपस्थित राहणाऱ्या उमेदवारांसाठी १० ते १५ दिवसांत पुन्हा परीक्षा घेण्यात यावी, अशीही मागणी निवेदनात करण्यात आली आहे. प्रकाश जाधव, मारुती भापकर, आबासाहेब ढवळे, सतीश काळे, ब्रह्मानंद जाधव आणि प्रसाद दौंडकर यांनी या मागणीसाठी पुढाकार घेतला असून, “गरीब व होतकरू उमेदवारांना न्याय मिळावा,” अशी भूमिका त्यांनी मांडली आहे.

NEWS 24 MAHARASHTRA

Media house पिंपरी चिंचवड, पुणे, महाराष्ट्र•

8 hrs ago

पुणे महापालिका भरती परीक्षेवरून वाद तीव्र; दूरच्या केंद्रांमुळे उमेदवार त्रस्त परीक्षा पुण्यातच घेण्याची जोरदार मागणी पुणे : प्रतिनिधी पुणे महानगरपालिकेच्या ज्युनियर इंजिनिअर पदांच्या भरती प्रक्रियेत उमेदवारांच्या अडचणींमुळे नव्या वादाला तोंड फुटले आहे. तब्बल १६९ पदांसाठी होणारी ऑनलाईन परीक्षा दि. २२, २३ आणि २९ एप्रिल २०२६ रोजी होणार असली तरी पुणे, पिंपरी-चिंचवड परिसरातील उमेदवारांना नागपूर, अमरावती, नांदेडसारख्या दूरच्या शहरांमध्ये परीक्षा केंद्रे देण्यात आल्याने तीव्र नाराजी व्यक्त केली जात आहे. स्थानिक उमेदवारांना तब्बल ५०० ते ९०० किलोमीटर दूर जाऊन परीक्षा द्यावी लागत असल्याने प्रवास, निवास आणि अन्न यासाठी मोठा खर्च करावा लागत आहे. अंदाजे ५ ते १० हजार रुपयांचा खर्च प्रत्येक उमेदवारावर पडत असून, बहुसंख्य उमेदवार हे गरीब व शेतकरी कुटुंबातील असल्याने हा खर्च परवडणारा नसल्याचे स्पष्ट होत आहे. सध्या विदर्भ आणि मराठवाडा भागात तीव्र उष्णतेची लाट सुरू आहे. अशा परिस्थितीत लांबचा प्रवास करणे आरोग्याच्या दृष्टीनेही धोकादायक ठरत असल्याचे उमेदवारांचे म्हणणे आहे. दोन दिवसांचा प्रवास, त्यानंतर परीक्षा आणि परतीचा प्रवास—या सर्वामुळे उमेदवारांवर मानसिक व शारीरिक ताण वाढत आहे. या सर्व अडचणींमुळे मोठ्या प्रमाणावर उमेदवार परीक्षा देण्यास अनुपस्थित राहण्याची शक्यता वर्तवली जात आहे. त्यामुळे प्रशासनाने तातडीने निर्णय घेऊन परीक्षा पुण्यातच आयोजित करावी किंवा परीक्षेचे दिवस वाढवून स्थानिक केंद्रांची व्यवस्था करावी, अशी मागणी होत आहे. या प्रश्नावर खा. श्रीरंग बारणे यांना निवेदन देण्यात आले असून, त्यांनी महानगरपालिका आयुक्त व संबंधित प्रशासनाशी समन्वय साधून उमेदवारांना न्याय मिळवून द्यावा, अशी मागणी करण्यात आली आहे. परीक्षा स्थगित करून पुण्यातच घेण्यात यावी, किंवा गैरसोयीमुळे अनुपस्थित राहणाऱ्या उमेदवारांसाठी १० ते १५ दिवसांत पुन्हा परीक्षा घेण्यात यावी, अशीही मागणी निवेदनात करण्यात आली आहे. प्रकाश जाधव, मारुती भापकर, आबासाहेब ढवळे, सतीश काळे, ब्रह्मानंद जाधव आणि प्रसाद दौंडकर यांनी या मागणीसाठी पुढाकार घेतला असून, “गरीब व होतकरू उमेदवारांना न्याय मिळावा,” अशी भूमिका त्यांनी मांडली आहे.