जून महिना अर्धा उलटून गेला तरी घनसावंगी तालुक्यात समाधानकारक पाऊस न झाल्याने शेतकरी चिंतेत आहेत. पावसाऐवजी गेल्या काही दिवसांपासून जोरदार वारे वाहत असल्याने शेतकऱ्यांवर आभाळाकडे डोळे लावून बसण्याची वेळ आली आहे. यामुळे खरीप हंगामातील पेरण्या रखडल्या असून, ऊसासह अन्य पिकांवरही मोठे संकट आले आहे. शेतकऱ्यांनी यंदाच्या खरीप हंगामासाठी मोठ्या आशेने बी-बियाणे, खते आणि अन्य शेती साहित्याची खरेदी केली आहे. अनेक शेतकऱ्यांनी शेतशिवार पेरणीसाठी तयार केले असून काही ठिकाणी नागरटही करण्यात आली आहे. मात्र, पावसाअभावी जमिनीत मोठी ढेकळे पडून ओलावा नसल्याने पेरणीसाठी पोषक परिस्थिती नाही. गतवर्षी मे महिन्यापासूनच अवकाळी पावसाने हजेरी लावली होती आणि जूनच्या पहिल्या-दुसऱ्या आठवड्यात बहुतांश शेतकऱ्यांच्या खरीप पेरण्या पूर्ण झाल्या होत्या, पण यंदाचे चित्र पूर्णपणे वेगळे आहे. तालुक्यात सोयाबीन, कापूस, तूर, मका यांसारख्या विविध पिकांच्या पेरणीची शेतकरी प्रतीक्षा करत आहेत. पाऊस आणखी लांबल्यास पेरणीचे नियोजन विस्कळीत होऊन उत्पादनावरही विपरीत परिणाम होण्याची शक्यता असल्याने आधीच वाढत्या उत्पादन खर्चामुळे आर्थिक अडचणीत असलेल्या शेतकऱ्यांसमोर नवे संकट उभे ठाकले आहे. दरम्यान, भारतीय हवामान विभागाच्या माहितीनुसार, राज्यातील मान्सूनची वाटचाल सध्या सलग आठव्या दिवशी ठप्प झाली आहे. २० ते २२ जूननंतर त्याच्या पुढील वाटचालीस गती मिळण्याची शक्यता वर्तवण्यात आली आहे. पुढील काही दिवस राज्यातील तुरळक भागांत वादळी पावसाची शक्यता असली तरी, अनेक भागांत उष्णतेची लाट आणि उकाडा कायम राहणार असल्याचा इशारा हवामान विभागाने दिला आहे. संपूर्ण महाराष्ट्र सध्या पावसाच्या प्रतीक्षेत असून, पावसाअभावी ग्रामीण भागातील चिंता दिवसेंदिवस वाढत आहे. वेळेत आणि समाधानकारक पाऊस न झाल्यास खरीप हंगामावर मोठा परिणाम होण्याची भीती व्यक्त होत आहे. जून महिन्यात पावसाला सुरुवात झाल्यानंतर बी-बियाणे आणि खतांच्या खरेदीसाठी बाजारपेठेत शेतकऱ्यांची मोठी गर्दी होते; मात्र यंदा पाऊस नसल्याने बाजारपेठेत शुकशुकाट असून, कृषी निविष्ठांच्या विक्रीवर परिणाम झाला आहे. घनसावंगी तालुक्याचे कृषी अधिकारी एस. एन. पवळ यांनी शेतकऱ्यांना संयम बाळगून दुबार पेरणीचे संकट टाळण्यासाठी ८० ते १०० मिमी पाऊस झाल्याशिवाय पेरणी किंवा लागवड न करण्याचा सल्ला दिला आहे. घाईघाईने पेरणी केल्यास दुबार पेरणीचा धोका वाढू शकतो आणि पेरणीपूर्वी बियाण्यांवर योग्य बीजप्रक्रिया करणे आवश्यक असल्याचे त्यांनी सांगितले. अनेक शेतकऱ्यांनी बी-बियाणे आणि खते खरेदी करून शेत तयार ठेवले असून, आता ते फक्त पावसाची प्रतीक्षा करत आहेत. चांगला पाऊस न झाल्यास पेरण्या आणखी लांबतील, अशी भावना शेतकऱ्यांनी व्यक्त केली आहे. पावसाचा अनिश्चित प्रवास पाहता शेती व्यवसायासमोर मोठे आव्हान उभे ठाकले असून, पुढील काही दिवसांत समाधानकारक पाऊस होतो का, याकडे घनसावंगी तालुक्यासह राज्यातील सर्व शेतकऱ्यांचे लक्ष लागले आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

जून महिना अर्धा उलटून गेला तरी घनसावंगी तालुक्यात समाधानकारक पाऊस न झाल्याने शेतकरी चिंतेत आहेत. पावसाऐवजी गेल्या काही दिवसांपासून जोरदार वारे वाहत असल्याने शेतकऱ्यांवर आभाळाकडे डोळे लावून बसण्याची वेळ आली आहे. यामुळे खरीप हंगामातील पेरण्या रखडल्या असून, ऊसासह अन्य पिकांवरही मोठे संकट आले आहे. शेतकऱ्यांनी यंदाच्या खरीप हंगामासाठी मोठ्या आशेने बी-बियाणे, खते आणि अन्य शेती साहित्याची खरेदी केली आहे. अनेक शेतकऱ्यांनी शेतशिवार पेरणीसाठी तयार केले असून काही ठिकाणी नागरटही करण्यात आली आहे. मात्र, पावसाअभावी जमिनीत मोठी ढेकळे पडून ओलावा नसल्याने पेरणीसाठी पोषक परिस्थिती नाही. गतवर्षी मे महिन्यापासूनच अवकाळी पावसाने हजेरी लावली होती आणि जूनच्या पहिल्या-दुसऱ्या आठवड्यात बहुतांश शेतकऱ्यांच्या खरीप पेरण्या पूर्ण झाल्या होत्या, पण यंदाचे चित्र पूर्णपणे वेगळे आहे. तालुक्यात सोयाबीन, कापूस, तूर, मका यांसारख्या विविध पिकांच्या पेरणीची शेतकरी प्रतीक्षा करत आहेत. पाऊस आणखी लांबल्यास पेरणीचे नियोजन विस्कळीत होऊन उत्पादनावरही विपरीत परिणाम होण्याची शक्यता असल्याने आधीच वाढत्या उत्पादन खर्चामुळे आर्थिक अडचणीत असलेल्या शेतकऱ्यांसमोर नवे संकट उभे ठाकले आहे. दरम्यान, भारतीय हवामान विभागाच्या माहितीनुसार, राज्यातील मान्सूनची वाटचाल सध्या सलग आठव्या दिवशी ठप्प झाली आहे. २० ते २२ जूननंतर त्याच्या पुढील वाटचालीस गती मिळण्याची शक्यता वर्तवण्यात आली आहे. पुढील काही दिवस राज्यातील तुरळक

भागांत वादळी पावसाची शक्यता असली तरी, अनेक भागांत उष्णतेची लाट आणि उकाडा कायम राहणार असल्याचा इशारा हवामान विभागाने दिला आहे. संपूर्ण महाराष्ट्र सध्या पावसाच्या प्रतीक्षेत असून, पावसाअभावी ग्रामीण भागातील चिंता दिवसेंदिवस वाढत आहे. वेळेत आणि समाधानकारक पाऊस न झाल्यास खरीप हंगामावर मोठा परिणाम होण्याची भीती व्यक्त होत आहे. जून महिन्यात पावसाला सुरुवात झाल्यानंतर बी-बियाणे आणि खतांच्या खरेदीसाठी बाजारपेठेत शेतकऱ्यांची मोठी गर्दी होते; मात्र यंदा पाऊस नसल्याने बाजारपेठेत शुकशुकाट असून, कृषी निविष्ठांच्या विक्रीवर परिणाम झाला आहे. घनसावंगी तालुक्याचे कृषी अधिकारी एस. एन. पवळ यांनी शेतकऱ्यांना संयम बाळगून दुबार पेरणीचे संकट टाळण्यासाठी ८० ते १०० मिमी पाऊस झाल्याशिवाय पेरणी किंवा लागवड न करण्याचा सल्ला दिला आहे. घाईघाईने पेरणी केल्यास दुबार पेरणीचा धोका वाढू शकतो आणि पेरणीपूर्वी बियाण्यांवर योग्य बीजप्रक्रिया करणे आवश्यक असल्याचे त्यांनी सांगितले. अनेक शेतकऱ्यांनी बी-बियाणे आणि खते खरेदी करून शेत तयार ठेवले असून, आता ते फक्त पावसाची प्रतीक्षा करत आहेत. चांगला पाऊस न झाल्यास पेरण्या आणखी लांबतील, अशी भावना शेतकऱ्यांनी व्यक्त केली आहे. पावसाचा अनिश्चित प्रवास पाहता शेती व्यवसायासमोर मोठे आव्हान उभे ठाकले असून, पुढील काही दिवसांत समाधानकारक पाऊस होतो का, याकडे घनसावंगी तालुक्यासह राज्यातील सर्व शेतकऱ्यांचे लक्ष लागले आहे.