“कार्याचा गौरव, नव्या वाटचालीचा संकल्प : महाराष्ट्र दिनी ५० कार्यकर्त्यांचा सन्मान” महाराष्ट्र दिनाच्या औचित्याने संस्थेतील विविध शाखांमध्ये वर्षभरात उल्लेखनीय कार्य करणाऱ्या ५० कार्यकर्त्यांचा सन्मानपूर्वक गौरव करण्यात आला. या सोहळ्याने संस्थेच्या कार्यकर्त्यांच्या समर्पण, मेहनत आणि योगदानाचा सन्मान करत एक प्रेरणादायी वातावरण निर्माण केले. यावेळी चेअरमन प्रमोद देशमुख यांनी मार्गदर्शन करताना संस्थेतील सर्व विभागांमधील समन्वय अधिक दृढ करण्याची गरज अधोरेखित केली. विद्यार्थी केंद्रित उपक्रमांना अधिक प्राधान्य देत शिक्षण प्रक्रियेला अधिक परिणामकारक बनवण्याचे आवाहन त्यांनी केले. तसेच, संस्थेतील अंतर्गत व्यवस्थापन अधिक सुलभ आणि कार्यक्षम करण्यासाठी श्री. शीतलकुमार जोशी व आयटी टीमने विकसित केलेल्या डिजिटल प्रणालीचा नियमित वापर करण्याचे महत्त्व त्यांनी सांगितले. या प्रणालीमुळे कामे अधिक जलद, अचूक आणि पारदर्शक पद्धतीने पूर्ण होतील, असा विश्वास त्यांनी व्यक्त केला. संस्था आणि परिसरात राबवले जात असलेले पर्यावरणपूरक प्रकल्प हेच संस्थेच्या कार्याचा गाभा असल्याचे नमूद करत, या उपक्रमांकडे विशेष लक्ष देण्याचेही त्यांनी आवर्जून सांगितले. संस्थेच्या कनिष्ठ महाविद्यालयातील अध्यापिका श्रीमती किरण सलगर यांनी भौतिकशास्त्र विषयावर लिहिलेल्या पुस्तकाचे प्रकाशन यावेळी आ प्रमोद देशमुख यांच्या हस्ते करण्यात आले. यावेळी व्यासपीठावर सचिव डॉ जयंत जकाते, खजिनदार श्री संजीव सगरोळीकर आणि शालेय व्यवस्थापन समिती अध्यक्ष सुनील देशमुख उपस्थित होते.

Jawed

Press reporter देगलूर, नांदेड, महाराष्ट्र•

22 hrs ago

“कार्याचा गौरव, नव्या वाटचालीचा संकल्प : महाराष्ट्र दिनी ५० कार्यकर्त्यांचा सन्मान” महाराष्ट्र दिनाच्या औचित्याने संस्थेतील विविध शाखांमध्ये वर्षभरात उल्लेखनीय कार्य करणाऱ्या ५० कार्यकर्त्यांचा सन्मानपूर्वक गौरव करण्यात आला. या सोहळ्याने संस्थेच्या कार्यकर्त्यांच्या समर्पण, मेहनत आणि योगदानाचा सन्मान करत एक प्रेरणादायी वातावरण निर्माण केले. यावेळी चेअरमन प्रमोद देशमुख यांनी मार्गदर्शन करताना संस्थेतील सर्व विभागांमधील समन्वय अधिक दृढ करण्याची गरज अधोरेखित केली. विद्यार्थी केंद्रित उपक्रमांना अधिक प्राधान्य देत शिक्षण प्रक्रियेला अधिक परिणामकारक बनवण्याचे आवाहन त्यांनी केले. तसेच, संस्थेतील अंतर्गत व्यवस्थापन अधिक सुलभ आणि कार्यक्षम करण्यासाठी श्री. शीतलकुमार जोशी व आयटी टीमने विकसित केलेल्या डिजिटल प्रणालीचा नियमित वापर करण्याचे महत्त्व त्यांनी सांगितले. या प्रणालीमुळे कामे अधिक जलद, अचूक आणि पारदर्शक पद्धतीने पूर्ण होतील, असा विश्वास त्यांनी व्यक्त केला. संस्था आणि परिसरात राबवले जात असलेले पर्यावरणपूरक प्रकल्प हेच संस्थेच्या कार्याचा गाभा असल्याचे नमूद करत, या उपक्रमांकडे विशेष लक्ष देण्याचेही त्यांनी आवर्जून सांगितले. संस्थेच्या कनिष्ठ महाविद्यालयातील अध्यापिका श्रीमती किरण सलगर यांनी भौतिकशास्त्र विषयावर लिहिलेल्या पुस्तकाचे प्रकाशन यावेळी आ प्रमोद देशमुख यांच्या हस्ते करण्यात आले. यावेळी व्यासपीठावर सचिव डॉ जयंत जकाते, खजिनदार श्री संजीव सगरोळीकर आणि शालेय व्यवस्थापन समिती अध्यक्ष सुनील देशमुख उपस्थित होते.