संत संस्कृतीची परंपरा जपणे काळाची गरज स्वामी अमृताश्रम महाराजांचे प्रतिपादन *"जनसेवा हीच ईश्वरसेवा; संत संस्कृतीची परंपरा जपणे काळाची गरज" - स्वामी अमृताश्रम महाराजांचे प्रतिपादन* पालकमंत्री गुलाबराव पाटील यांच्या अभिष्टचिंतन सप्ताहात भक्तिमय कीर्तनसेवा *पाळधी प्रतिनिधी, दि. 29 मे - "जनसेवा हीच ईश्वरसेवा" हा संदेश देताना समाजातील गरजू, पीडित आणि वंचित घटकांच्या सेवेतच खऱ्या अर्थाने ईश्वराचे दर्शन घडते, असे प्रतिपादन ह.भ.प. स्वामी अमृताश्रम महाराज यांनी केले. लोककल्याणासाठी निस्वार्थ भावनेने कार्य करणारी व्यक्ती समाजासाठी प्रेरणास्थान ठरते, असे सांगत त्यांनी महाराष्ट्राच्या संतपरंपरेचे महत्त्वही अधोरेखित केले.* पाणीपुरवठा व स्वच्छता मंत्री तथा जिल्ह्याचे पालकमंत्री गुलाबराव पाटील यांच्या अभिष्टचिंतन सोहळ्यानिमित्त पाळधी येथे आयोजित भव्य अखंड हरिनाम संकीर्तन सप्ताहात तिसऱ्या दिवसाची सेवा स्वामी अमृताश्रम महाराज यांच्या ओजस्वी, रसाळ व विचारप्रवर्तक कीर्तनाने भक्तिमय वातावरणात संपन्न झाली. *कीर्तनात महाराष्ट्राच्या संत, महंत आणि साधुसंतांच्या पवित्र परंपरेचा उल्लेख करताना स्वामी महाराज म्हणाले की, संतांच्या विचारांनी समाजात प्रेम, समता, सद्भावना आणि अध्यात्मिक जागृती निर्माण होते. महाराष्ट्राच्या संस्कृतीचा अभिमान बाळगत संतविचारांचे जतन व संवर्धन करणे ही प्रत्येकाची जबाबदारी आहे. धर्मनिष्ठा आणि संतांच्या शिकवणीची कास धरल्यास समाज अधिक सुसंस्कृत व सुदृढ बनेल, असेही स्वामी अमृताश्रम महाराज यांनी सांगितले.* यावेळी त्यांनी पालकमंत्री गुलाबराव पाटील यांच्या जनहिताच्या कार्याचा गौरव करताना आरोग्यसेवा, वैद्यकीय मदत, डोळ्यांच्या शस्त्रक्रिया तसेच दीनदुबळ्यांच्या सेवेसाठी त्यांनी सातत्याने घेतलेल्या पुढाकाराचे कौतुक केले. समाजहितासाठी सुरू असलेले त्यांचे कार्य हे जनसेवेचे जिवंत उदाहरण असल्याचे गौरवोद्गार त्यांनी काढले. स्वामी अमृताश्रम महाराज यांच्या प्रभावी कीर्तनाने उपस्थित भाविक मंत्रमुग्ध झाले. टाळ-मृदंगाच्या निनादात आणि विठ्ठलनामाच्या अखंड गजरात संपूर्ण परिसर भक्तिरसात न्हाऊन निघाला. कीर्तनासाठी भगवान महाराज धरणगावकर, माधवानंद महाराज सरस्वती, निंबा महाराज वाघडूतकर, यज्ञेश महाराज माळी, मयूर महाराज दरेकर, कैलास महाराज पवार, शेखरजी वानखेडे, रामेश्वर महाराज नाशिक यांच्यासह अनेक मान्यवर महाराज मंडळी उपस्थित होती. जीपीएस ग्रुप तसेच युवा नेते व जिल्हा परिषद सदस्य प्रतापराव पाटील आणि विक्रम पाटील यांच्या नेतृत्वाखाली व नियोजनातून आयोजित या सप्ताहाच्या तिसऱ्या दिवशी हजारो भाविकांनी उपस्थित राहून हरिनामाचा लाभ घेतला. पाळधी येथे उभारण्यात आलेला भव्य मंडप, आधुनिक ध्वनी व्यवस्था, आकर्षक व भव्यदिव्य व्यासपीठ तसेच भाविकांसाठी उपलब्ध करून देण्यात आलेल्या विविध सुविधांमुळे सप्ताहाचे स्वरूप अधिकच दिमाखदार झाले आहे. एकावेळी 5-6 हजारांहून अधिक भाविक बसू शकतील अशी प्रशस्त व्यवस्था करण्यात आली असून संपूर्ण परिसरात भक्ती, अध्यात्म आणि संतविचारांचा जागर अनुभवायला मिळत आहे. पाळधी परिसरात सुरू असलेल्या या अखंड हरिनाम संकीर्तन सप्ताहामुळे संपूर्ण पंचक्रोशीत भक्तिरसाची उधळण झाली असून दररोज मोठ्या संख्येने भाविक उपस्थित राहून हरिनामाचा लाभ घेत आहेत.

Gopal Sonawane

Local News Reporter धरणगाव, जळगाव, महाराष्ट्र•

4 hrs ago

संत संस्कृतीची परंपरा जपणे काळाची गरज स्वामी अमृताश्रम महाराजांचे प्रतिपादन *"जनसेवा हीच ईश्वरसेवा; संत संस्कृतीची परंपरा जपणे काळाची गरज" - स्वामी अमृताश्रम महाराजांचे प्रतिपादन* पालकमंत्री गुलाबराव पाटील यांच्या अभिष्टचिंतन सप्ताहात भक्तिमय कीर्तनसेवा *पाळधी प्रतिनिधी, दि. 29 मे - "जनसेवा हीच ईश्वरसेवा" हा संदेश देताना समाजातील गरजू, पीडित आणि वंचित घटकांच्या सेवेतच खऱ्या अर्थाने ईश्वराचे दर्शन घडते, असे प्रतिपादन ह.भ.प. स्वामी अमृताश्रम महाराज यांनी केले. लोककल्याणासाठी निस्वार्थ भावनेने कार्य करणारी व्यक्ती समाजासाठी प्रेरणास्थान ठरते, असे सांगत त्यांनी महाराष्ट्राच्या संतपरंपरेचे महत्त्वही अधोरेखित केले.* पाणीपुरवठा व स्वच्छता मंत्री तथा जिल्ह्याचे पालकमंत्री गुलाबराव पाटील यांच्या अभिष्टचिंतन सोहळ्यानिमित्त पाळधी येथे आयोजित भव्य अखंड हरिनाम संकीर्तन सप्ताहात तिसऱ्या दिवसाची सेवा स्वामी अमृताश्रम महाराज यांच्या ओजस्वी, रसाळ व विचारप्रवर्तक कीर्तनाने भक्तिमय वातावरणात संपन्न झाली. *कीर्तनात महाराष्ट्राच्या संत, महंत आणि साधुसंतांच्या पवित्र परंपरेचा उल्लेख करताना स्वामी महाराज म्हणाले की, संतांच्या विचारांनी समाजात प्रेम, समता, सद्भावना आणि अध्यात्मिक जागृती निर्माण होते. महाराष्ट्राच्या संस्कृतीचा अभिमान बाळगत संतविचारांचे जतन व संवर्धन करणे ही प्रत्येकाची जबाबदारी आहे. धर्मनिष्ठा आणि संतांच्या शिकवणीची कास धरल्यास समाज अधिक सुसंस्कृत व सुदृढ बनेल, असेही स्वामी अमृताश्रम महाराज यांनी सांगितले.* यावेळी त्यांनी पालकमंत्री गुलाबराव पाटील यांच्या जनहिताच्या कार्याचा गौरव करताना आरोग्यसेवा, वैद्यकीय मदत, डोळ्यांच्या शस्त्रक्रिया तसेच दीनदुबळ्यांच्या सेवेसाठी त्यांनी सातत्याने घेतलेल्या पुढाकाराचे कौतुक केले. समाजहितासाठी सुरू असलेले त्यांचे कार्य हे जनसेवेचे जिवंत उदाहरण असल्याचे गौरवोद्गार त्यांनी काढले. स्वामी अमृताश्रम महाराज यांच्या प्रभावी कीर्तनाने उपस्थित भाविक मंत्रमुग्ध झाले. टाळ-मृदंगाच्या निनादात आणि विठ्ठलनामाच्या अखंड गजरात संपूर्ण परिसर भक्तिरसात न्हाऊन निघाला. कीर्तनासाठी भगवान महाराज धरणगावकर, माधवानंद महाराज सरस्वती, निंबा महाराज वाघडूतकर, यज्ञेश महाराज माळी, मयूर महाराज दरेकर, कैलास महाराज पवार, शेखरजी वानखेडे, रामेश्वर महाराज नाशिक यांच्यासह अनेक मान्यवर महाराज मंडळी उपस्थित होती. जीपीएस ग्रुप तसेच युवा नेते व जिल्हा परिषद सदस्य प्रतापराव पाटील आणि विक्रम पाटील यांच्या नेतृत्वाखाली व नियोजनातून आयोजित या सप्ताहाच्या तिसऱ्या दिवशी हजारो भाविकांनी उपस्थित राहून हरिनामाचा लाभ घेतला. पाळधी येथे उभारण्यात आलेला भव्य मंडप, आधुनिक ध्वनी व्यवस्था, आकर्षक व भव्यदिव्य व्यासपीठ तसेच भाविकांसाठी उपलब्ध करून देण्यात आलेल्या विविध सुविधांमुळे सप्ताहाचे स्वरूप अधिकच दिमाखदार झाले आहे. एकावेळी 5-6 हजारांहून अधिक भाविक बसू शकतील अशी प्रशस्त व्यवस्था करण्यात आली असून संपूर्ण परिसरात भक्ती, अध्यात्म आणि संतविचारांचा जागर अनुभवायला मिळत आहे. पाळधी परिसरात सुरू असलेल्या या अखंड हरिनाम संकीर्तन सप्ताहामुळे संपूर्ण पंचक्रोशीत भक्तिरसाची उधळण झाली असून दररोज मोठ्या संख्येने भाविक उपस्थित राहून हरिनामाचा लाभ घेत आहेत.