लातूर जिल्ह्यातील उदगीर शहरालगतच्या ज्ञानेश्वर नगर, शेल्हाळ रोड निडेबन परिसरात अनैतिक संबंधातून एका २४ वर्षीय तरुणाच्या तोंडावर उकळते गोडेतेल ओतून त्याचा खून करण्यात आल्याची अत्यंत धक्कादायक घटना उघडकीस आली आहे. या प्रकरणामुळे परिसरात मोठी खळबळ उडाली असून, उदगीर ग्रामीण पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, नावंदी, ता. उदगीर येथील रहिवासी मयत उद्धव मारोती दहीकांबळे या तरुणाचे गावातील एका महिलेसोबत अनैतिक संबंध होते. मयताच्या वाटणीला येणारी जमीन स्वतःच्या नावावर करून घेण्याच्या कारणावरून, १२ जून रोजी रात्री अडीच वाजता ज्ञानेश्वर नगर, शेल्हाळ रोड निडेबन येथील भाड्याच्या खोलीत त्याच्या तोंडावर उकळते गोडेतेल ओतण्यात आले. यात उद्धव मारोती दहीकांबळे गंभीररित्या भाजले आणि २२ जून रोजी पहाटे साडेचार वाजता लातूर येथे उपचारादरम्यान त्यांचा मृत्यू झाला. घटनेनंतर आरोपी महिला फरार झाली आहे, ज्यामुळे या प्रकरणाला खुनाचे स्वरूप प्राप्त झाले आहे. नावंदी येथील मारोती नरसिंग दहिकांबळे यांच्या फिर्यादीवरून उदगीर ग्रामीण पोलीस ठाण्यात गुन्हा दाखल करण्यात आला आहे. फरार महिलेचा शोध घेण्यासाठी पोलिसांनी विशेष पथके रवाना केली असून, या प्रकरणाचा अधिक तपास सहायक पोलीस निरीक्षक बेंबडे हे करत आहेत.

संग्राम पवार विक्रांत न्युज

Press advisory उदगीर, लातूर, महाराष्ट्र•

3 hrs ago

लातूर जिल्ह्यातील उदगीर शहरालगतच्या ज्ञानेश्वर नगर, शेल्हाळ रोड निडेबन परिसरात अनैतिक संबंधातून एका २४ वर्षीय तरुणाच्या तोंडावर उकळते गोडेतेल ओतून त्याचा खून करण्यात आल्याची अत्यंत धक्कादायक घटना उघडकीस आली आहे. या प्रकरणामुळे परिसरात मोठी खळबळ उडाली असून, उदगीर ग्रामीण पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, नावंदी, ता. उदगीर येथील रहिवासी मयत उद्धव मारोती दहीकांबळे या तरुणाचे गावातील एका महिलेसोबत अनैतिक संबंध होते. मयताच्या वाटणीला येणारी जमीन स्वतःच्या नावावर करून घेण्याच्या कारणावरून, १२ जून रोजी रात्री अडीच वाजता ज्ञानेश्वर नगर, शेल्हाळ रोड निडेबन येथील भाड्याच्या खोलीत त्याच्या तोंडावर उकळते गोडेतेल ओतण्यात आले. यात उद्धव मारोती दहीकांबळे गंभीररित्या भाजले आणि २२ जून रोजी पहाटे साडेचार वाजता लातूर येथे उपचारादरम्यान त्यांचा मृत्यू झाला. घटनेनंतर आरोपी महिला फरार झाली आहे, ज्यामुळे या प्रकरणाला खुनाचे स्वरूप प्राप्त झाले आहे. नावंदी येथील मारोती नरसिंग दहिकांबळे यांच्या फिर्यादीवरून उदगीर ग्रामीण पोलीस ठाण्यात गुन्हा दाखल करण्यात आला आहे. फरार महिलेचा शोध घेण्यासाठी पोलिसांनी विशेष पथके रवाना केली असून, या प्रकरणाचा अधिक तपास सहायक पोलीस निरीक्षक बेंबडे हे करत आहेत.