ଗତକାଲି ଅର୍ଥାତ୍ ଜୁଲାଇ ୧୧ ତାରିଖ ସନ୍ଧ୍ୟାରେ ରବୀନ୍ଦ୍ର ମଣ୍ଡପଠାରେ ତୃତୀୟ ଜାତୀୟ ମୟୂରଭଞ୍ଜ ଛଉ ଉତ୍ସବ ‘ନାଟକି–୨୦୨୬’ ଅତ୍ୟନ୍ତ ଆଡ଼ମ୍ବର ଓ ସଫଳତାର ସହ ଅନୁଷ୍ଠିତ ହୋଇଯାଇଛି। ଏହି ସାଂସ୍କୃତିକ ମହୋତ୍ସବରେ ମାନ୍ୟଗଣ୍ୟ ଅତିଥି ଭାବେ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ଶ୍ରୀ ପୃଥ୍ୱୀରାଜ ହରିଚନ୍ଦନ, ସଂସ୍କାର ଭାରତୀର ରାଷ୍ଟ୍ରୀୟ ମନ୍ତ୍ରୀ ତଥା ସଙ୍ଗୀତ ନାଟକ ଏକାଡେମୀ ଛଉ କେନ୍ଦ୍ର (ଚନ୍ଦନକିଆରୀ, ବୋକାରୋ)ର ନିର୍ଦ୍ଦେଶକ ଡଃ ସଞ୍ଜୟ ଚୌଧୁରୀ, ପ୍ରଖ୍ୟାତ ଗବେଷକ ଓ ସାଧିକା ପଦ୍ମଶ୍ରୀ ଡଃ ଇଲିଆନା ସିତାରିଷ୍ଟି, ଇଣ୍ଡିଆନ୍ ନ୍ୟାସନାଲ୍ ଟ୍ରଷ୍ଟ ଫର୍ ଆର୍ଟ ଆଣ୍ଡ କଲଚରାଲ୍ ହେରିଟେଜ୍ (INTACH) ଓଡ଼ିଶା ଚ୍ୟାପ୍ଟରର ସହ-ସଂଯୋଜକ ଶ୍ରୀ ଅନିଲ ଧୀର ଏବଂ ପ୍ରୋଜେକ୍ଟ ଛଉଣୀର ପ୍ରତିଷ୍ଠାତା ତଥା ପରିଚାଳନା ଟ୍ରଷ୍ଟି ଶ୍ରୀ ରାଜେଶ ପ୍ରଭାକର ପାଟିଲ (ଆଇଏଏସ୍) ଉପସ୍ଥିତ ଥିଲେ। ଅତିଥିମାନେ ଓଡ଼ିଶାର ସାଂସ୍କୃତିକ ପରମ୍ପରାରେ ମୟୂରଭଞ୍ଜ ଛଉର ଗୁରୁତ୍ୱ ଉପରେ ଆଲୋକପାତ କରିବା ସହ ପ୍ରୋଜେକ୍ଟ ଛଉଣୀ ଦ୍ୱାରା ଛଉ କଳାକାରମାନଙ୍କ ଜୀବନଧାରଣର ମାନ ଉନ୍ନତି ପାଇଁ କରାଯାଉଥିବା ନିରନ୍ତର ପ୍ରୟାସର ଉଚ୍ଚ ପ୍ରଶଂସା କରିଥିଲେ। ଏହି ସାଂସ୍କୃତିକ ସନ୍ଧ୍ୟାର କ୍ୟୁରେସନ୍ ପ୍ରୋଜେକ୍ଟ ଛଉଣୀର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଶ୍ରୀମତୀ ସୁଭାଶ୍ରୀ ମୁଖାର୍ଜୀ କରିଥିଲେ। ପରିବେଷିତ ସମସ୍ତ ନୃତ୍ୟ ଭାରତୀୟ ପୁରାଣ ଓ କଳିଙ୍ଗର ଐତିହ୍ୟକୁ ଆଧାର କରି ଉପସ୍ଥାପିତ ହୋଇଥିଲା। ଏଥିରେ ପ୍ରଥମ ପରିବେଷଣ ‘ଚକ୍ରବ୍ୟୂହ’ ପ୍ରୋଜେକ୍ଟ ଛଉଣୀର ବରିଷ୍ଠ କଳାକାରଙ୍କ ଦ୍ୱାରା ପ୍ରଦର୍ଶିତ ହୋଇଥିଲା। ଦ୍ୱିତୀୟ ପରିବେଷଣ ‘ଦୁର୍ଗା–କାଳୀ’ କଲମ୍ବିଆର କାରୋଲିନା ପ୍ରାଡାଙ୍କ ଦ୍ୱାରା ଏବଂ ତୃତୀୟ ପରିବେଷଣ ‘ମଲ୍ଲିକାର୍ଜୁନ’ ମୟୂରଭଞ୍ଜ ଟିଖିଆର ବାବା କାଳା ମହାଦେବଦେବ ଛଉ ନୃତ୍ୟ ପ୍ରତିଷ୍ଠାନ ଦ୍ୱାରା ପରିବେଷିତ ହୋଇଥିଲା। ଏହା ପରେ ମୁମ୍ବାଇର ଅଜୟ ସିଂହ ରାଠୋର, କାଜଲ ଶର୍ମା ଏବଂ କାରୋଲିନା ପ୍ରାଡାଙ୍କ ଦ୍ୱାରା ଶିବଙ୍କ ସୃଷ୍ଟି ଓ ସଂହାର ଶକ୍ତି ଉପରେ ଆଧାରିତ ଚତୁର୍ଥ ପରିବେଷଣ ‘ତ୍ର୍ୟମ୍ବକମ୍’ ଉପସ୍ଥାପିତ ହୋଇଥିଲା। ଶେଷ ପରିବେଷଣ କୋଣାର୍କ ସୂର୍ଯ୍ୟମନ୍ଦିର, ବିଶୁ ମହାରଣା, ଧର୍ମପଦ ଏବଂ ୧୨୦୦ ବଢ଼େଇଙ୍କ ଐତିହାସିକ କାହାଣୀକୁ ନେଇ ପ୍ରସ୍ତୁତ କରାଯାଇଥିଲା। ଉତ୍କୃଷ୍ଟ ଓ ମନୋମୁଗ୍ଧକର କଳା ପ୍ରଦର୍ଶନ ଯୋଗୁଁ ରବୀନ୍ଦ୍ର ମଣ୍ଡପ ଦର୍ଶକଙ୍କ ଦ୍ୱାରା ସମ୍ପୂର୍ଣ୍ଣ ଭରପୂର ରହିଥିଲା ଏବଂ ସମଗ୍ର ସନ୍ଧ୍ୟାରେ ଦର୍ଶକମାନେ ମନ୍ତ୍ରମୁଗ୍ଧ ହୋଇ ରହିଥିଲେ। କାର୍ଯ୍ୟକ୍ରମର ଶେଷରେ ପ୍ରୋଜେକ୍ଟ ଛଉଣୀର ଟ୍ରଷ୍ଟି ଶ୍ରୀ ବିଭୁଦତ୍ତ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।

Khabar

Farmer ବାରିପଦା (ଏମ୍), ମୟୂରଭଞ୍ଜ, ଓଡ଼ିଶା•

2 hrs ago

ଗତକାଲି ଅର୍ଥାତ୍ ଜୁଲାଇ ୧୧ ତାରିଖ ସନ୍ଧ୍ୟାରେ ରବୀନ୍ଦ୍ର ମଣ୍ଡପଠାରେ ତୃତୀୟ ଜାତୀୟ ମୟୂରଭଞ୍ଜ ଛଉ ଉତ୍ସବ ‘ନାଟକି–୨୦୨୬’ ଅତ୍ୟନ୍ତ ଆଡ଼ମ୍ବର ଓ ସଫଳତାର ସହ ଅନୁଷ୍ଠିତ ହୋଇଯାଇଛି। ଏହି ସାଂସ୍କୃତିକ ମହୋତ୍ସବରେ ମାନ୍ୟଗଣ୍ୟ ଅତିଥି ଭାବେ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ଶ୍ରୀ ପୃଥ୍ୱୀରାଜ ହରିଚନ୍ଦନ, ସଂସ୍କାର ଭାରତୀର ରାଷ୍ଟ୍ରୀୟ ମନ୍ତ୍ରୀ ତଥା ସଙ୍ଗୀତ ନାଟକ ଏକାଡେମୀ ଛଉ କେନ୍ଦ୍ର (ଚନ୍ଦନକିଆରୀ, ବୋକାରୋ)ର ନିର୍ଦ୍ଦେଶକ ଡଃ ସଞ୍ଜୟ ଚୌଧୁରୀ, ପ୍ରଖ୍ୟାତ ଗବେଷକ ଓ ସାଧିକା ପଦ୍ମଶ୍ରୀ ଡଃ ଇଲିଆନା ସିତାରିଷ୍ଟି, ଇଣ୍ଡିଆନ୍ ନ୍ୟାସନାଲ୍ ଟ୍ରଷ୍ଟ ଫର୍ ଆର୍ଟ ଆଣ୍ଡ କଲଚରାଲ୍ ହେରିଟେଜ୍ (INTACH) ଓଡ଼ିଶା ଚ୍ୟାପ୍ଟରର ସହ-ସଂଯୋଜକ ଶ୍ରୀ ଅନିଲ ଧୀର ଏବଂ ପ୍ରୋଜେକ୍ଟ ଛଉଣୀର ପ୍ରତିଷ୍ଠାତା ତଥା ପରିଚାଳନା ଟ୍ରଷ୍ଟି ଶ୍ରୀ ରାଜେଶ ପ୍ରଭାକର ପାଟିଲ (ଆଇଏଏସ୍) ଉପସ୍ଥିତ ଥିଲେ। ଅତିଥିମାନେ ଓଡ଼ିଶାର ସାଂସ୍କୃତିକ ପରମ୍ପରାରେ ମୟୂରଭଞ୍ଜ ଛଉର ଗୁରୁତ୍ୱ ଉପରେ ଆଲୋକପାତ କରିବା ସହ ପ୍ରୋଜେକ୍ଟ ଛଉଣୀ ଦ୍ୱାରା ଛଉ କଳାକାରମାନଙ୍କ ଜୀବନଧାରଣର ମାନ ଉନ୍ନତି ପାଇଁ କରାଯାଉଥିବା ନିରନ୍ତର ପ୍ରୟାସର ଉଚ୍ଚ ପ୍ରଶଂସା କରିଥିଲେ। ଏହି ସାଂସ୍କୃତିକ ସନ୍ଧ୍ୟାର କ୍ୟୁରେସନ୍ ପ୍ରୋଜେକ୍ଟ ଛଉଣୀର କାର୍ଯ୍ୟନିର୍ବାହୀ

ନିର୍ଦ୍ଦେଶିକା ଶ୍ରୀମତୀ ସୁଭାଶ୍ରୀ ମୁଖାର୍ଜୀ କରିଥିଲେ। ପରିବେଷିତ ସମସ୍ତ ନୃତ୍ୟ ଭାରତୀୟ ପୁରାଣ ଓ କଳିଙ୍ଗର ଐତିହ୍ୟକୁ ଆଧାର କରି ଉପସ୍ଥାପିତ ହୋଇଥିଲା। ଏଥିରେ ପ୍ରଥମ ପରିବେଷଣ ‘ଚକ୍ରବ୍ୟୂହ’ ପ୍ରୋଜେକ୍ଟ ଛଉଣୀର ବରିଷ୍ଠ କଳାକାରଙ୍କ ଦ୍ୱାରା ପ୍ରଦର୍ଶିତ ହୋଇଥିଲା। ଦ୍ୱିତୀୟ ପରିବେଷଣ ‘ଦୁର୍ଗା–କାଳୀ’ କଲମ୍ବିଆର କାରୋଲିନା ପ୍ରାଡାଙ୍କ ଦ୍ୱାରା ଏବଂ ତୃତୀୟ ପରିବେଷଣ ‘ମଲ୍ଲିକାର୍ଜୁନ’ ମୟୂରଭଞ୍ଜ ଟିଖିଆର ବାବା କାଳା ମହାଦେବଦେବ ଛଉ ନୃତ୍ୟ ପ୍ରତିଷ୍ଠାନ ଦ୍ୱାରା ପରିବେଷିତ ହୋଇଥିଲା। ଏହା ପରେ ମୁମ୍ବାଇର ଅଜୟ ସିଂହ ରାଠୋର, କାଜଲ ଶର୍ମା ଏବଂ କାରୋଲିନା ପ୍ରାଡାଙ୍କ ଦ୍ୱାରା ଶିବଙ୍କ ସୃଷ୍ଟି ଓ ସଂହାର ଶକ୍ତି ଉପରେ ଆଧାରିତ ଚତୁର୍ଥ ପରିବେଷଣ ‘ତ୍ର୍ୟମ୍ବକମ୍’ ଉପସ୍ଥାପିତ ହୋଇଥିଲା। ଶେଷ ପରିବେଷଣ କୋଣାର୍କ ସୂର୍ଯ୍ୟମନ୍ଦିର, ବିଶୁ ମହାରଣା, ଧର୍ମପଦ ଏବଂ ୧୨୦୦ ବଢ଼େଇଙ୍କ ଐତିହାସିକ କାହାଣୀକୁ ନେଇ ପ୍ରସ୍ତୁତ କରାଯାଇଥିଲା। ଉତ୍କୃଷ୍ଟ ଓ ମନୋମୁଗ୍ଧକର କଳା ପ୍ରଦର୍ଶନ ଯୋଗୁଁ ରବୀନ୍ଦ୍ର ମଣ୍ଡପ ଦର୍ଶକଙ୍କ ଦ୍ୱାରା ସମ୍ପୂର୍ଣ୍ଣ ଭରପୂର ରହିଥିଲା ଏବଂ ସମଗ୍ର ସନ୍ଧ୍ୟାରେ ଦର୍ଶକମାନେ ମନ୍ତ୍ରମୁଗ୍ଧ ହୋଇ ରହିଥିଲେ। କାର୍ଯ୍ୟକ୍ରମର ଶେଷରେ ପ୍ରୋଜେକ୍ଟ ଛଉଣୀର ଟ୍ରଷ୍ଟି ଶ୍ରୀ ବିଭୁଦତ୍ତ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।