बीड येथे सामाजिक कार्यकर्ते अक्षय कोकाटे यांना नगर परिषद येथील कथित भ्रष्टाचार उघड केल्याबद्दल खंडणीची ऑफर व जीवे मारण्याच्या धमक्या मिळाल्याचा धक्कादायक प्रकार समोर आला आहे. विशेष म्हणजे, धमकी, दमदाटी आणि आक्रमक हालचालींचा संपूर्ण प्रकार सीसीटीव्ही कॅमेऱ्यात कैद झाल्याचे समोर आल्याने बीड शहरात मोठी खळबळ उडाली आहे. मिळालेल्या माहितीनुसार, अक्षय कोकाटे यांनी २६ मे २०२६ रोजी नगर परिषद बीडचे सहा-लेखापाल गणेश तुळशीराम पगारे यांच्याविरोधात कथित भ्रष्टाचारासंदर्भात लेखी निवेदन देत चौकशी व कठोर कारवाईची मागणी केली होती. ही तक्रार दिल्यानंतर दुसऱ्याच दिवशी, म्हणजेच २७ मे रोजी, कोकाटे यांच्या मोबाईलवर "तुला पंधरा लाख पाहिजेत का", "तुला चांगलं हातात देतो", "फोन उचल", "कानात बीड दिसती का तुला" अशा प्रकारचे धमकीजनक संदेश आले. तसेच, सतत फोन करून मानसिक दबाव टाकत जीवे मारण्याच्या धमक्या दिल्याचा गंभीर आरोप त्यांनी केला आहे. दरम्यान, २७ मे रोजी रात्री अंदाजे ८ वाजण्याच्या सुमारास, नगरसेवक भरत कांबळे यांच्या कार्यालयात तक्रार अर्ज लिहित असताना गणेश पगारे व मुन्ना गायकवाड हे तेथे आले. त्यांनी कार्यालयाबाहेर उभे राहून "कुठं आहे तो अक्षय कोकाटे, त्याला बाहेर काढा, दाखवतो त्याला..." अशी दमदाटी करत अश्लील भाषेत शिवीगाळ केल्याचा आरोप आहे. संबंधितांनी आक्रमक पवित्रा घेत थेट जीवितास धोका निर्माण करण्याचा प्रयत्न केल्याचाही आरोप करण्यात आला असून, हा संपूर्ण प्रकार तेथील सीसीटीव्ही कॅमेऱ्यात कैद झाल्याचे सांगण्यात येत आहे. याप्रकरणी अक्षय कोकाटे यांनी पोलीस अधीक्षक बीड तसेच पेठ बीड पोलीस ठाण्यात लेखी तक्रार दाखल करून संबंधितांवर कठोर कारवाईची मागणी केली आहे. सामाजिक कार्यकर्त्याला भ्रष्टाचार प्रकरण उघड केल्यामुळे धमक्या दिल्या जात असल्याने शहरात संताप व्यक्त केला जात आहे, आणि "जर सामाजिक प्रश्नांवर आवाज उठवणाऱ्यांनाच धमक्या मिळत असतील, तर सामान्य नागरिकांनी न्याय कुणाकडे मागायचा?" असा सवालही नागरिकांतून उपस्थित केला जात आहे. या संपूर्ण प्रकरणाची सखोल चौकशी करून संबंधितांविरोधात खंडणी, धमकी, शिवीगाळ, दबाव टाकणे व जीवितास धोका निर्माण केल्याप्रकरणी तात्काळ गुन्हा दाखल करून कठोर कारवाई करावी, तसेच अक्षय कोकाटे यांना पोलीस संरक्षण द्यावे, अशी मागणी आता जोर धरू लागली आहे.

बालाजी जगतकर

Farmer बीड, बीड, महाराष्ट्र•

1 hr ago

बीड येथे सामाजिक कार्यकर्ते अक्षय कोकाटे यांना नगर परिषद येथील कथित भ्रष्टाचार उघड केल्याबद्दल खंडणीची ऑफर व जीवे मारण्याच्या धमक्या मिळाल्याचा धक्कादायक प्रकार समोर आला आहे. विशेष म्हणजे, धमकी, दमदाटी आणि आक्रमक हालचालींचा संपूर्ण प्रकार सीसीटीव्ही कॅमेऱ्यात कैद झाल्याचे समोर आल्याने बीड शहरात मोठी खळबळ उडाली आहे. मिळालेल्या माहितीनुसार, अक्षय कोकाटे यांनी २६ मे २०२६ रोजी नगर परिषद बीडचे सहा-लेखापाल गणेश तुळशीराम पगारे यांच्याविरोधात कथित भ्रष्टाचारासंदर्भात लेखी निवेदन देत चौकशी व कठोर कारवाईची मागणी केली होती. ही तक्रार दिल्यानंतर दुसऱ्याच दिवशी, म्हणजेच २७ मे रोजी, कोकाटे यांच्या मोबाईलवर "तुला पंधरा लाख पाहिजेत का", "तुला चांगलं हातात देतो", "फोन उचल", "कानात बीड दिसती का तुला" अशा प्रकारचे धमकीजनक संदेश आले. तसेच, सतत फोन करून मानसिक दबाव टाकत जीवे मारण्याच्या धमक्या दिल्याचा गंभीर आरोप त्यांनी केला आहे. दरम्यान, २७ मे रोजी रात्री अंदाजे ८ वाजण्याच्या सुमारास, नगरसेवक भरत कांबळे यांच्या कार्यालयात तक्रार अर्ज लिहित असताना गणेश पगारे व मुन्ना गायकवाड हे तेथे आले. त्यांनी कार्यालयाबाहेर उभे राहून "कुठं आहे तो अक्षय कोकाटे, त्याला बाहेर काढा, दाखवतो त्याला..." अशी दमदाटी करत अश्लील भाषेत शिवीगाळ केल्याचा आरोप आहे. संबंधितांनी आक्रमक पवित्रा घेत थेट जीवितास धोका निर्माण करण्याचा प्रयत्न केल्याचाही आरोप करण्यात आला असून, हा संपूर्ण प्रकार तेथील सीसीटीव्ही कॅमेऱ्यात कैद झाल्याचे सांगण्यात येत आहे. याप्रकरणी अक्षय कोकाटे यांनी पोलीस अधीक्षक बीड तसेच पेठ बीड पोलीस ठाण्यात लेखी तक्रार दाखल करून संबंधितांवर कठोर कारवाईची मागणी केली आहे. सामाजिक कार्यकर्त्याला भ्रष्टाचार प्रकरण उघड केल्यामुळे धमक्या दिल्या जात असल्याने शहरात संताप व्यक्त केला जात आहे, आणि "जर सामाजिक प्रश्नांवर आवाज उठवणाऱ्यांनाच धमक्या मिळत असतील, तर सामान्य नागरिकांनी न्याय कुणाकडे मागायचा?" असा सवालही नागरिकांतून उपस्थित केला जात आहे. या संपूर्ण प्रकरणाची सखोल चौकशी करून संबंधितांविरोधात खंडणी, धमकी, शिवीगाळ, दबाव टाकणे व जीवितास धोका निर्माण केल्याप्रकरणी तात्काळ गुन्हा दाखल करून कठोर कारवाई करावी, तसेच अक्षय कोकाटे यांना पोलीस संरक्षण द्यावे, अशी मागणी आता जोर धरू लागली आहे.