కన్నీళ్ల సాగరం పుస్తకావిష్కరణ నిర్వాసితులకు కొండంత అండ మల్లన్నసాగర్ ఉద్యమాలను భవిష్యత్ తరాలకు అందించేలా ‘పోరాటాల సాగరం’గా మరో పుస్తకం రావాలి రచయితలకు సీఐటీయూ జిల్లా ఉపాధ్యక్షులు బండ్ల స్వామి విజ్ఞప్తి గజ్వేల్ ప్రజా తెలంగాణ న్యూస్/ మల్లన్నసాగర్ నిర్వాసితుల సమస్యలను, వారి పోరాటాలను అక్షరబద్ధం చేస్తూ ప్రముఖ జర్నలిస్టు సురకంటి రాజేందర్, ఉపాధ్యాయుడు, రైతు బాంధవుడు పులి రాజు ఆధ్వర్యంలో రచించిన ‘కన్నీళ్ల సాగరం’ పుస్తకావిష్కరణ నిర్వాసితులకు కొండంత అండగా నిలిచిందని సీఐటీయూ జిల్లా ఉపాధ్యక్షులు బండ్ల స్వామి అన్నారు. స్థానిక విలేకరులతో ఆయన మాట్లాడుతూ.. మల్లన్నసాగర్ ప్రాజెక్టు నిర్మాణంతో ముంపునకు గురైన గ్రామాల ప్రజల్లో అర్హత ఉన్నప్పటికీ ఇప్పటికీ పలువురికి పరిహారం, పునరావాస ప్యాకేజీలు, ఇళ్లు, ఇంటి స్థలాలు అందలేదన్నారు. నిరుద్యోగులకు ఉపాధి అవకాశాలు లేక అనేక కుటుంబాలు దుర్భర పరిస్థితులను ఎదుర్కొంటున్నాయని తెలిపారు. తమ సమస్యలను అధికారులకు, ప్రజాప్రతినిధులకు పలుమార్లు విన్నవించినా ఆశించిన స్థాయిలో పరిష్కారం లభించలేదని పేర్కొన్నారు.ఇలాంటి కుటుంబాల కన్నీటి గాథలను పుస్తక రూపంలో ఆవిష్కరించడం ద్వారా నిర్వాసితుల సమస్యలను మరోసారి అధికారులకు, ప్రజాప్రతినిధులకు గుర్తు చేసినట్లవుతుందని, ఇది చరిత్రలో నిలిచిపోయే మైలురాయిగా మారుతుందని బండ్ల స్వామి అన్నారు. మల్లన్నసాగర్ భూసేకరణ నోటిఫికేషన్‌ నుంచి ముంపు గ్రామాలను ఖాళీ చేసే వరకు ప్రజలు చేసిన ఉద్యమాలు, ప్రజాప్రతినిధులు–అధికారులతో సాగిన పోరాటాలు, ప్రభుత్వ నిర్ణయాలకు వ్యతిరేకంగా చేపట్టిన ఆందోళనలు, యువత, వివిధ రాజకీయ పార్టీలు, ప్రజాసంఘాల ఉద్యమాలు, న్యాయపోరాటాలను భవిష్యత్ తరాలకు అందించాల్సిన అవసరం ఉందన్నారు.అందుకోసం ‘కన్నీళ్ల సాగరం’కు కొనసాగింపుగా మల్లన్నసాగర్ ఉద్యమ చరిత్రను ప్రతిబింబించేలా ‘పోరాటాల సాగరం’ పేరుతో మరో పుస్తకాన్ని రచించాలని రచయితలకు ఆయన విజ్ఞప్తి చేశారు. వేల సంవత్సరాల చరిత్ర, ప్రత్యేక అస్తిత్వం కలిగిన ముంపు గ్రామాల గుర్తింపును కనుమరుగు చేసేందుకు ప్రభుత్వాలు, పాలకులు ప్రయత్నిస్తున్నారని ఆయన ఆవేదన వ్యక్తం చేశారు. ఇటీవల పంపిణీ చేస్తున్న స్మార్ట్ రేషన్ కార్డుల్లో ముంపు గ్రామాల పేర్లు లేకపోవడాన్ని ఆయన తీవ్రంగా ఖండించారు. ప్రభుత్వం వెంటనే స్పందించి నిర్వాసితులకు అందించే ప్రభుత్వ గుర్తింపు కార్డుల్లో వారి అసలు గ్రామాల పేర్లను నమోదు చేసేలా చర్యలు చేపట్టాలని డిమాండ్ చేశారు. లేనిపక్షంలో నిర్వాసితులతో కలిసి పెద్ద ఎత్తున ఆందోళనలు చేపట్టి హక్కులను సాధించుకుంటామని ప్రభుత్వాన్ని హెచ్చరించారు.‘కన్నీళ్ల సాగరం’ పుస్తకాన్ని రచించిన సురకంటి రాజేందర్, పులి రాజులతో పాటు పుస్తకావిష్కరణ కార్యక్రమంలో పాల్గొన్న ప్రముఖులకు ముంపు గ్రామాల ప్రజల తరఫున బండ్ల స్వామి ప్రత్యేక ధన్యవాదాలు తెలిపారు.

Gousuddin Md

అంబర్‌పేట్, హైదరాబాద్, తెలంగాణ•

1 hr ago

కన్నీళ్ల సాగరం పుస్తకావిష్కరణ నిర్వాసితులకు కొండంత అండ మల్లన్నసాగర్ ఉద్యమాలను భవిష్యత్ తరాలకు అందించేలా ‘పోరాటాల సాగరం’గా మరో పుస్తకం రావాలి రచయితలకు సీఐటీయూ జిల్లా ఉపాధ్యక్షులు బండ్ల స్వామి విజ్ఞప్తి గజ్వేల్ ప్రజా తెలంగాణ న్యూస్/ మల్లన్నసాగర్ నిర్వాసితుల సమస్యలను, వారి పోరాటాలను అక్షరబద్ధం చేస్తూ ప్రముఖ జర్నలిస్టు సురకంటి రాజేందర్, ఉపాధ్యాయుడు, రైతు బాంధవుడు పులి రాజు ఆధ్వర్యంలో రచించిన ‘కన్నీళ్ల సాగరం’ పుస్తకావిష్కరణ నిర్వాసితులకు కొండంత అండగా నిలిచిందని సీఐటీయూ జిల్లా ఉపాధ్యక్షులు బండ్ల స్వామి అన్నారు. స్థానిక విలేకరులతో ఆయన మాట్లాడుతూ.. మల్లన్నసాగర్ ప్రాజెక్టు నిర్మాణంతో ముంపునకు గురైన గ్రామాల ప్రజల్లో అర్హత ఉన్నప్పటికీ ఇప్పటికీ పలువురికి పరిహారం, పునరావాస ప్యాకేజీలు, ఇళ్లు, ఇంటి స్థలాలు అందలేదన్నారు. నిరుద్యోగులకు ఉపాధి అవకాశాలు లేక అనేక కుటుంబాలు దుర్భర పరిస్థితులను ఎదుర్కొంటున్నాయని తెలిపారు. తమ సమస్యలను అధికారులకు, ప్రజాప్రతినిధులకు పలుమార్లు విన్నవించినా ఆశించిన స్థాయిలో పరిష్కారం లభించలేదని పేర్కొన్నారు.ఇలాంటి కుటుంబాల కన్నీటి గాథలను పుస్తక రూపంలో ఆవిష్కరించడం ద్వారా నిర్వాసితుల సమస్యలను మరోసారి అధికారులకు, ప్రజాప్రతినిధులకు గుర్తు చేసినట్లవుతుందని, ఇది చరిత్రలో నిలిచిపోయే మైలురాయిగా మారుతుందని బండ్ల స్వామి అన్నారు. మల్లన్నసాగర్ భూసేకరణ నోటిఫికేషన్‌ నుంచి ముంపు గ్రామాలను ఖాళీ చేసే వరకు ప్రజలు చేసిన ఉద్యమాలు, ప్రజాప్రతినిధులు–అధికారులతో సాగిన పోరాటాలు, ప్రభుత్వ నిర్ణయాలకు వ్యతిరేకంగా చేపట్టిన ఆందోళనలు, యువత, వివిధ రాజకీయ పార్టీలు, ప్రజాసంఘాల ఉద్యమాలు, న్యాయపోరాటాలను భవిష్యత్ తరాలకు అందించాల్సిన అవసరం ఉందన్నారు.అందుకోసం ‘కన్నీళ్ల సాగరం’కు కొనసాగింపుగా మల్లన్నసాగర్ ఉద్యమ చరిత్రను ప్రతిబింబించేలా ‘పోరాటాల సాగరం’ పేరుతో మరో పుస్తకాన్ని రచించాలని రచయితలకు ఆయన విజ్ఞప్తి చేశారు. వేల సంవత్సరాల చరిత్ర, ప్రత్యేక అస్తిత్వం కలిగిన ముంపు గ్రామాల గుర్తింపును కనుమరుగు చేసేందుకు ప్రభుత్వాలు, పాలకులు ప్రయత్నిస్తున్నారని ఆయన ఆవేదన వ్యక్తం చేశారు. ఇటీవల పంపిణీ చేస్తున్న స్మార్ట్ రేషన్ కార్డుల్లో ముంపు గ్రామాల పేర్లు లేకపోవడాన్ని ఆయన తీవ్రంగా ఖండించారు. ప్రభుత్వం వెంటనే స్పందించి నిర్వాసితులకు అందించే ప్రభుత్వ గుర్తింపు కార్డుల్లో వారి అసలు గ్రామాల పేర్లను నమోదు చేసేలా చర్యలు చేపట్టాలని డిమాండ్ చేశారు. లేనిపక్షంలో నిర్వాసితులతో కలిసి పెద్ద ఎత్తున ఆందోళనలు చేపట్టి హక్కులను సాధించుకుంటామని ప్రభుత్వాన్ని హెచ్చరించారు.‘కన్నీళ్ల సాగరం’ పుస్తకాన్ని రచించిన సురకంటి రాజేందర్, పులి రాజులతో పాటు పుస్తకావిష్కరణ కార్యక్రమంలో పాల్గొన్న ప్రముఖులకు ముంపు గ్రామాల ప్రజల తరఫున బండ్ల స్వామి ప్రత్యేక ధన్యవాదాలు తెలిపారు.