पालघर जिल्ह्यात झालेल्या मुसळधार पावसामुळे अनेक भागात पूरपरिस्थिती निर्माण झाली असून अनेक गावांचा संपर्क तुटला आहे. पालघर, डहाणू आणि तलासरी तालुक्यातील किरात, चाहाडे, नागझरी, कोकणेर, गुंदाळे, चिंचरा, वाडावळी-सावणे, वासा, गिरगाव, घिमणीया, कोचाई, सुत्राकार, उधवा, मळयाण, बोर्डी, चिखले, सरावली, कोलवली, चिंचणी, सावटा, साये आणि उरसे यासह अनेक गावांमधील जनजीवन विस्कळीत झाले आहे. खबरदारीचा उपाय म्हणून डहाणू, तलासरी आणि पालघर तालुक्यातील २८४ कुटुंबांतील एकूण १,१५५ नागरिकांना सुरक्षित स्थळी हलवण्यात आले आहे. या नागरिकांची सोय शासकीय निवारा केंद्रांमध्ये किंवा त्यांच्या नातेवाईकांकडे करण्यात आली असून त्यांना अन्न, पिण्याचे पाणी, वैद्यकीय मदत व इतर अत्यावश्यक सुविधा पुरवण्यात येत आहेत. या पावसाच्या आपत्तीत डहाणू तालुक्यात ३ जणांचा दुर्दैवी मृत्यू झाला आहे. अगवाण गावातील ३९ वर्षीय जगदीश वसंत माछी हे पुराच्या पाण्यात वाहून गेल्याने, तर अंबेवाडी (लखाटपाडा) येथील ३० वर्षीय रुपेश पांडुरंग धाडगा हे शेतात जाताना पुराच्या पाण्यात घसरून पडल्याने मरण पावले. तसेच तिसऱ्या मृत व्यक्तीची ओळख पटवण्याचे काम सुरू आहे. मृत व्यक्तींच्या कुटुंबांना शासकीय नियमानुसार आर्थिक मदत देण्याची प्रक्रिया लवकरात लवकर सुरू केली जाईल. पुराचे पाणी ओसरलेल्या भागांत महसूल विभागाने नुकसानीचे पंचनामे करण्यास सुरुवात केली असून उर्वरित भागात पाणी ओसरताच पाहणी करून पात्र लाभार्थ्यांना मदत दिली जाणार आहे. मुसळधार पावसामुळे सार्वजनिक बांधकाम विभागांतर्गत तब्बल २९.४५ किलोमीटरचे रस्ते, २४ मोऱ्या/कॉझवे आणि ६ पुलांचे नुकसान झाले असून या दुरुस्तीसाठी प्राथमिक अंदाजानुसार सुमारे १३.५५ कोटी रुपयांचा खर्च अपेक्षित आहे. राष्ट्रीय महामार्ग ४८ (मुंबई-अहमदाबाद महामार्ग) वरील तलासरी-अहमदाबाद टप्प्यासह झाई-बोर्डी-रेड्डी रस्ता, वाणगाव-रानशेत रस्ता आणि इतर मार्गांवर दरड कोसळणे, झाडे पडणे व रस्ते पाण्याखाली गेल्याने वाहतूक विस्कळीत झाली होती. मात्र, पोलीस आणि स्थानिक प्रशासनाने युद्धपातळीवर काम करून पालघर-मनोर-चाहाडे-कोकणेर, सरावली-सावटा, झाई-बोर्डी-रेड्डी, तलासरी-उधवा आणि परनाळी-कोलगाव यांसारख्या बहुतांश मार्गांवर वाहतूक पूर्ववत केली आहे. पालघरच्या जिल्हाधिकारी व जिल्हा आपत्ती व्यवस्थापन प्राधिकरणाच्या अध्यक्ष डॉ. इंदू राणी जाखड यांनी दिलेल्या माहितीनुसार, जिल्हा प्रशासन पूर्णपणे सतर्क असून सर्व यंत्रणा २४ तास कार्यरत आहेत.

आपले मानवाधिकार

Psychologist Mumbai, Maharashtra•

17 hrs ago

पालघर जिल्ह्यात झालेल्या मुसळधार पावसामुळे अनेक भागात पूरपरिस्थिती निर्माण झाली असून अनेक गावांचा संपर्क तुटला आहे. पालघर, डहाणू आणि तलासरी तालुक्यातील किरात, चाहाडे, नागझरी, कोकणेर, गुंदाळे, चिंचरा, वाडावळी-सावणे, वासा, गिरगाव, घिमणीया, कोचाई, सुत्राकार, उधवा, मळयाण, बोर्डी, चिखले, सरावली, कोलवली, चिंचणी, सावटा, साये आणि उरसे यासह अनेक गावांमधील जनजीवन विस्कळीत झाले आहे. खबरदारीचा उपाय म्हणून डहाणू, तलासरी आणि पालघर तालुक्यातील २८४ कुटुंबांतील एकूण १,१५५ नागरिकांना सुरक्षित स्थळी हलवण्यात आले आहे. या नागरिकांची सोय शासकीय निवारा केंद्रांमध्ये किंवा त्यांच्या नातेवाईकांकडे करण्यात आली असून त्यांना अन्न, पिण्याचे पाणी, वैद्यकीय मदत व इतर अत्यावश्यक सुविधा पुरवण्यात येत आहेत. या

पावसाच्या आपत्तीत डहाणू तालुक्यात ३ जणांचा दुर्दैवी मृत्यू झाला आहे. अगवाण गावातील ३९ वर्षीय जगदीश वसंत माछी हे पुराच्या पाण्यात वाहून गेल्याने, तर अंबेवाडी (लखाटपाडा) येथील ३० वर्षीय रुपेश पांडुरंग धाडगा हे शेतात जाताना पुराच्या पाण्यात घसरून पडल्याने मरण पावले. तसेच तिसऱ्या मृत व्यक्तीची ओळख पटवण्याचे काम सुरू आहे. मृत व्यक्तींच्या कुटुंबांना शासकीय नियमानुसार आर्थिक मदत देण्याची प्रक्रिया लवकरात लवकर सुरू केली जाईल. पुराचे पाणी ओसरलेल्या भागांत महसूल विभागाने नुकसानीचे पंचनामे करण्यास सुरुवात केली असून उर्वरित भागात पाणी ओसरताच पाहणी करून पात्र लाभार्थ्यांना मदत दिली जाणार आहे. मुसळधार पावसामुळे सार्वजनिक बांधकाम विभागांतर्गत तब्बल २९.४५ किलोमीटरचे

रस्ते, २४ मोऱ्या/कॉझवे आणि ६ पुलांचे नुकसान झाले असून या दुरुस्तीसाठी प्राथमिक अंदाजानुसार सुमारे १३.५५ कोटी रुपयांचा खर्च अपेक्षित आहे. राष्ट्रीय महामार्ग ४८ (मुंबई-अहमदाबाद महामार्ग) वरील तलासरी-अहमदाबाद टप्प्यासह झाई-बोर्डी-रेड्डी रस्ता, वाणगाव-रानशेत रस्ता आणि इतर मार्गांवर दरड कोसळणे, झाडे पडणे व रस्ते पाण्याखाली गेल्याने वाहतूक विस्कळीत झाली होती. मात्र, पोलीस आणि स्थानिक प्रशासनाने युद्धपातळीवर काम करून पालघर-मनोर-चाहाडे-कोकणेर, सरावली-सावटा, झाई-बोर्डी-रेड्डी, तलासरी-उधवा आणि परनाळी-कोलगाव यांसारख्या बहुतांश मार्गांवर वाहतूक पूर्ववत केली आहे. पालघरच्या जिल्हाधिकारी व जिल्हा आपत्ती व्यवस्थापन प्राधिकरणाच्या अध्यक्ष डॉ. इंदू राणी जाखड यांनी दिलेल्या माहितीनुसार, जिल्हा प्रशासन पूर्णपणे सतर्क असून सर्व यंत्रणा २४ तास कार्यरत आहेत.