మేడ్చల్ జిల్లా, కేశవరంకు చెందిన మాచన రఘునందన్, సరఫరాల శాఖ ఎన్ఫోర్స్మెంట్ డిప్యూటీ తహశీల్దారుగా పనిచేస్తూనే, స్వార్థం లేకుండా గత 22 సంవత్సరాలుగా సిగరెట్ మత్తులో ఉన్న ఎందరో అభాగ్యులకు జ్ఞానోదయం కలిగిస్తున్నారు. పొగాకు వాడకం వల్ల కలిగే నష్టాలను వివరిస్తూ, వేలాది మంది జీవితాలను బాగుచేసిన దేవునిగా ఆయన నిలిచారు. దేశవ్యాప్తంగా వైద్య నిపుణులు, సామాజిక కార్యకర్తల దృష్టిని మాత్రమే గాక, సుప్రీంకోర్టును, రాష్ట్రపతి భవన్‌ను సైతం ఆకర్షించిన ఈ కృషికి గాను, ఆయన జాతీయ స్థాయిలో ప్రతిష్ఠాత్మక 'నేషనల్ టుబాకో కంట్రోల్ హీరో' అవార్డును అనూహ్యంగా కైవసం చేసుకున్నారు. తాను డిగ్రీ చదువుకునే రోజుల్లో తన తల్లి స్వల్ప వేతనం కోసం న్యూ బాకారం బాలాజీ టాకీస్ ఏరియా నుంచి రోజుకు 20 కిలోమీటర్లు (పోను రాను) నడిచి ఓ స్కూల్‌లో టీచర్‌గా పనిచేసి వచ్చేదని, ఆ బాధనే తనను గొప్పగా పని చేయాలనే సంకల్పానికి పురికొల్పిందని మాచన రఘునందన్ తెలిపారు. ఈ 22 ఏళ్ల ప్రయాణం తన తల్లికి ఇచ్చే బహుమతేనని ఆయన అన్నారు. గడిచిన ఐదు సంవత్సరాల్లో 500 గ్రామాలు, 5000 కిలోమీటర్లు టూ వీలర్‌పై ప్రయాణించి, విద్యార్థులకు, యువతకు సిగరెట్, డ్రగ్స్ వంటి వాటి బారిన పడకుండా పొగాకు వాడకం వల్ల కలిగే ప్రమాదాలపై అవగాహన కల్పించారు. పొగాకు నియంత్రణ విషయంలో దేశంలోనే అత్యున్నత పురస్కారం అందుకుని, ఆ అవార్డును తన తల్లికి బహుమతిగా అందించే వరకు తన ప్రయాణం కొనసాగుతుందని ఆయన పేర్కొన్నారు. గత సంవత్సరం దసరా పండుగ రోజు అఖిల భారత వైద్య విజ్ఞాన సంస్థ (ఏయిమ్స్) వైద్యులతో పాటు దేశవ్యాప్తంగా ఉన్న టుబాకో కంట్రోల్ నిపుణులు ఆయనకు ఫోన్ చేసి అభినందనలు తెలపడం ఓ మధురానుభూతి అని రఘునందన్ చెప్పారు. పాఠశాలలు, కళాశాలల ఆవరణలో సిగరెట్, పొగాకు ఉత్పత్తుల విక్రయాలను నిషేధించాలని కోరుతూ ఆయన రాష్ట్రపతి భవన్‌కు లేఖ రాయగా, అక్కడి నుంచి అనూహ్యంగా స్పందన రావడం అద్భుతమని అభివర్ణించారు. దేశ భవిష్యత్తు కోసం ఆలోచించాలని, రాబోయే తరాలకు మంచి భవిష్యత్తును అందించే బాధ్యత మనందరిపైనా ఉందని, చేయి చేయి కలిపితేనే దేశంలోని భావితరాలు బాగుపడతాయని, ప్రతి క్షణం ఆలోచించి అడుగులు వేసి టోబాకో లేని దేశంగా తీర్చిదిద్దుదామని ఆయన పిలుపునిచ్చారు. 'స్మోకింగ్ ఈజ్ ఇంజూరియస్ టు హెల్త్' అని ఆయన నొక్కి చెప్పారు. చిన్న ఉద్యోగం చేస్తూనే ప్రజలకు ఏదో ఒక న్యాయం చేయాలనే గట్టి సంకల్పంతో రాష్ట్రపతి మెచ్చుకునే స్థాయికి ఎదిగిన మాచన రఘునందన్ ఒక అసాధారణ వ్యక్తిగా గుర్తింపు పొందారు. మే 31 ప్రపంచ పొగాకు వ్యతిరేక దినోత్సవం సందర్భంగా ఈ ప్రత్యేక కథనం ప్రచురితమైంది. ఆయన ఒక సామాన్యుడు అయినా, నిజంగానే టుబాకో కంట్రోల్ హీరో.

Elluru Varaprasad

Local News Reporter గద్వాల్, జోగులాంబ గద్వాల్, తెలంగాణ•

3 hrs ago

మేడ్చల్ జిల్లా, కేశవరంకు చెందిన మాచన రఘునందన్, సరఫరాల శాఖ ఎన్ఫోర్స్మెంట్ డిప్యూటీ తహశీల్దారుగా పనిచేస్తూనే, స్వార్థం లేకుండా గత 22 సంవత్సరాలుగా సిగరెట్ మత్తులో ఉన్న ఎందరో అభాగ్యులకు జ్ఞానోదయం కలిగిస్తున్నారు. పొగాకు వాడకం వల్ల కలిగే నష్టాలను వివరిస్తూ, వేలాది మంది జీవితాలను బాగుచేసిన దేవునిగా ఆయన నిలిచారు. దేశవ్యాప్తంగా వైద్య నిపుణులు, సామాజిక కార్యకర్తల దృష్టిని మాత్రమే గాక, సుప్రీంకోర్టును, రాష్ట్రపతి భవన్‌ను సైతం ఆకర్షించిన ఈ కృషికి గాను, ఆయన జాతీయ స్థాయిలో ప్రతిష్ఠాత్మక 'నేషనల్ టుబాకో కంట్రోల్ హీరో' అవార్డును అనూహ్యంగా కైవసం చేసుకున్నారు. తాను డిగ్రీ చదువుకునే రోజుల్లో తన తల్లి స్వల్ప వేతనం కోసం న్యూ బాకారం బాలాజీ టాకీస్ ఏరియా నుంచి రోజుకు 20 కిలోమీటర్లు (పోను రాను) నడిచి ఓ స్కూల్‌లో టీచర్‌గా పనిచేసి వచ్చేదని, ఆ బాధనే తనను గొప్పగా పని చేయాలనే సంకల్పానికి పురికొల్పిందని మాచన రఘునందన్ తెలిపారు. ఈ 22 ఏళ్ల ప్రయాణం తన తల్లికి ఇచ్చే బహుమతేనని ఆయన అన్నారు. గడిచిన ఐదు సంవత్సరాల్లో 500 గ్రామాలు, 5000 కిలోమీటర్లు టూ వీలర్‌పై ప్రయాణించి, విద్యార్థులకు, యువతకు సిగరెట్, డ్రగ్స్ వంటి వాటి బారిన పడకుండా పొగాకు వాడకం వల్ల కలిగే ప్రమాదాలపై అవగాహన కల్పించారు. పొగాకు నియంత్రణ విషయంలో దేశంలోనే అత్యున్నత పురస్కారం అందుకుని, ఆ అవార్డును తన తల్లికి బహుమతిగా అందించే వరకు తన ప్రయాణం కొనసాగుతుందని ఆయన పేర్కొన్నారు. గత సంవత్సరం దసరా పండుగ రోజు అఖిల భారత వైద్య విజ్ఞాన సంస్థ (ఏయిమ్స్) వైద్యులతో పాటు దేశవ్యాప్తంగా ఉన్న టుబాకో కంట్రోల్ నిపుణులు ఆయనకు ఫోన్ చేసి అభినందనలు తెలపడం ఓ మధురానుభూతి అని రఘునందన్ చెప్పారు. పాఠశాలలు, కళాశాలల ఆవరణలో సిగరెట్, పొగాకు ఉత్పత్తుల విక్రయాలను నిషేధించాలని కోరుతూ ఆయన రాష్ట్రపతి భవన్‌కు లేఖ రాయగా, అక్కడి నుంచి అనూహ్యంగా స్పందన రావడం అద్భుతమని అభివర్ణించారు. దేశ భవిష్యత్తు కోసం ఆలోచించాలని, రాబోయే తరాలకు మంచి భవిష్యత్తును అందించే బాధ్యత మనందరిపైనా ఉందని, చేయి చేయి కలిపితేనే దేశంలోని భావితరాలు బాగుపడతాయని, ప్రతి క్షణం ఆలోచించి అడుగులు వేసి టోబాకో లేని దేశంగా తీర్చిదిద్దుదామని ఆయన పిలుపునిచ్చారు. 'స్మోకింగ్ ఈజ్ ఇంజూరియస్ టు హెల్త్' అని ఆయన నొక్కి చెప్పారు. చిన్న ఉద్యోగం చేస్తూనే ప్రజలకు ఏదో ఒక న్యాయం చేయాలనే గట్టి సంకల్పంతో రాష్ట్రపతి మెచ్చుకునే స్థాయికి ఎదిగిన మాచన రఘునందన్ ఒక అసాధారణ వ్యక్తిగా గుర్తింపు పొందారు. మే 31 ప్రపంచ పొగాకు వ్యతిరేక దినోత్సవం సందర్భంగా ఈ ప్రత్యేక కథనం ప్రచురితమైంది. ఆయన ఒక సామాన్యుడు అయినా, నిజంగానే టుబాకో కంట్రోల్ హీరో.