கேரள மாநிலம் இடுக்கி மூணாறு அருகே, தமிழகத்தின் சிவகாசியைச் சேர்ந்த சுற்றுலாப் பயணிகளின் வேன் கவிழ்ந்து விபத்துக்குள்ளானது. இந்த விபத்தில் ஸ்டெல்லா மேரி என்ற பெண் ஒருவர் உயிரிழந்ததுடன், பத்துக்கும் மேற்பட்டோர் காயமடைந்தனர். படுகாயமடைந்த சிலர் மேல் சிகிச்சைக்காக தேனி மருத்துவக் கல்லூரி மருத்துவமனைக்கு அனுப்பப்பட்டுள்ளனர்.

தேனி மாவட்டம் ஆண்டிபட்டி பகவதி அம்மன் கோயில் சித்திரைத் திருவிழாவில் 200க்கும் மேற்பட்ட பக்தர்கள் நேர்த்திக்கடன் செலுத்தினர். வாயில் வேல் அழகு குத்தியும், பால்குடம் ஏந்தியும் ஊர்வலமாக வந்த பக்தர்கள் அம்மனுக்கு சிறப்பு பாலபிஷேகம் செய்து வழிபட்டனர். இந்த விழாவில் ஆண்டிபட்டி மற்றும் சுற்றுவட்டாரப் பகுதிகளைச் சேர்ந்த நூற்றுக்கணக்கான பொதுமக்கள் கலந்து கொண்டு அம்மனை தரிசித்தனர்.

உத்தரப் பிரதேசத்தில் வீசிய பயங்கர சூறாவளி காற்றால் ஒரு தொழிற்சாலை தூக்கி வீசப்பட்டது. இந்த அதிர்ச்சியூட்டும் சம்பவத்தின் கொடூர வீடியோ காட்சிகள் வெளியாகி மக்களை பீதியடையச் செய்துள்ளது.

இந்த விளக்கத்தில் சபாநாயகரின் பதவி, அதிகாரங்கள் மற்றும் கடமைகள் பற்றி விரிவாகப் பார்ப்போம். நாடாளுமன்ற நடவடிக்கைகளின் மையமாக இருக்கும் சபாநாயகரின் ஆளுமையும் பொறுப்பும் இங்கு விவாதிக்கப்பட்டுள்ளது.

மதுரை மாவட்டம் பொம்மன்பட்டி கிராமத்தில் நெல் கொள்முதல் நிலையம் செயல்படாததால், விவசாயிகள் ஆட்சியர் அலுவலகம் முன் போராட்டத்தில் ஈடுபட்டனர். கைகளில் நெல்மணிகளை ஏந்தி, உடனடி நடவடிக்கை கோரி முழக்கமிட்டனர்.

தேனியில் நடைபெற்ற மாநில அளவிலான கிக் பாக்ஸிங் போட்டியில் சிவகங்கை மாவட்ட வீரர்கள் 55 பதக்கங்களை வென்று தேசிய பயிற்சிக்கு தகுதி பெற்றனர். ஆனால், 2023 முதல் நிலுவையில் உள்ள ₹5 லட்சம் வரையிலான ஊக்கத்தொகையை தமிழக அரசு உடனடியாக வழங்க வேண்டும் என வீரர், வீராங்கனைகள் கோரிக்கை விடுத்துள்ளனர்.

திருச்சி மாவட்டம் வளநாடு அருகே சின்னகோனார்பட்டி கிராமத்தில் உள்ள கோனார் குளத்தில் அனுமதியின்றி வெள்ளை கற்களை தோண்டியெடுத்த சின்னையா கைது செய்யப்பட்டார். கனிமவளத்துறை அதிகாரிகள் நடத்திய சோதனையில், கல் தோண்ட பயன்படுத்தப்பட்ட பொக்லைன் வாகனமும் பறிமுதல் செய்யப்பட்டது. வளநாடு காவல்துறையினர் அவர் மீது வழக்குப்பதிவு செய்து விசாரணை நடத்தி வருகின்றனர்.

ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. கைது செய்யப்பட்டவர்களிடமிருந்து எட்டு கிலோ கஞ்சா பறிமுதல். காவல்துறையினர் வழக்கு பதிவு செய்து விசாரணை. தேனி மாவட்டம் பெரியகுளம் தென்கரை காவல்துறையினருக்கு பேருந்தில் கஞ்சா கடத்தி வருவதாக ரகசிய தகவல் கிடைத்தது. மேலும் அந்த ரகசிய தகவலின் அடிப்படையில் தென்கரை காவல்துறையினர் வடுகபட்டி அருகே உள்ள பெரியகுளம் புறவழிச் சாலைப் பகுதியில் தீவிர கண்காணிப்பில் ஈடுபட்டனர். அப்பொழுது தேனி நோக்கிச் சென்ற அதிவிரைவு அரசு பேருந்தில் இருந்து இறங்கி நடந்து சென்றனர். மேலும் அவர்களை மரித்து சந்தேகிக்கும் படியாக இருந்த நான்கு சிறுவர்கள் உட்பட ஐந்து நபர்களின் உடைமைகள் பையை சோதனை செய்த பொழுது அவற்றில் கஞ்சா பதுக்கி வைத்திருந்தது தெரிய வந்தது. இதனைத் தொடர்ந்து நான்கு சிறுவர்கள் உட்பட ஐந்து நபர்களையும் கைது செய்த தென்கரை காவல் துறையினர் விசாரணை மேற்கொண்டதில், கம்பம் புதுப்பட்டியைச் சேர்ந்த ராஜேஷ் என்ற இளைஞர் நான்கு சிறுவர்களை அழைத்துக் கொண்டு ஆந்திர மாநிலம் விசாகப்பட்டினத்திற்கு சென்று கஞ்சா வாங்கியதாகவும், வாங்கிய எட்டு கிலோ கஞ்சாவை ஆந்திராவில் இருந்து ரயில் மூலமாக சென்னை வந்து அதன் பின் சென்னையில் இருந்து தேனி சென்ற அரசு விரைவு பேருந்தில் கஞ்சாவை கடத்தி வந்ததாக காவல்துறை விசாரணையில் தெரியவந்துள்ளது. அதனைத் தொடர்ந்து நான்கு சிறுவர்கள் உட்பட ஐந்து பேரை கைது செய்த காவல்துறையினர் எட்டு கிலோ கஞ்சாவையும் பறிமுதல் செய்து விசாரணை மேற்கொண்டு வருகின்றனர்

தேனியில் நிகழ்ந்த ஒரு உருக்கமான சம்பவத்தில், அலட்சியம் காரணமாக ஏற்பட்ட இழப்பை, இடைவிடாத தேடலும் உண்மையான அன்பும் தகர்த்தெறிந்தன. உறவுகளின் மதிப்பை உணர்த்திய இந்த நிகழ்வு, அப்பகுதி மக்களை நெகிழ்ச்சியில் ஆழ்த்தியுள்ளது.

பட்டிவீரன்பட்டி அருகே நடந்து சென்றவர்கள் மீது கார் மோதிய பகீர் சிசிடிவி காட்சி வெளியானது. விபத்தில் காயமடைந்தவர்கள் திண்டுக்கல் அரசு மருத்துவமனையில் அனுமதிக்கப்பட்டு, பட்டிவீரன்பட்டி காவல்துறை விசாரணை நடத்தி வருகிறது.