नैऋत्य मोसमी वाऱ्यांच्या पुढील वाटचालीस पोषक स्थिती निर्माण झाली असून, शनिवारी (ता. ३०) मॉन्सून केरळच्या उंबरठ्यावर पोहोचला आहे. मॉन्सूनने लक्षद्वीप परिसर, कोमोरिन क्षेत्र (कन्याकुमारीजवळील समुद्र भाग), अरबी समुद्राचा नैऋत्य व आग्नेय भाग तसेच बंगालच्या उपसागराच्या नैऋत्य, मध्य आणि ईशान्य भागांपर्यंत मजल मारली आहे. पुढील चार ते पाच दिवसांत मॉन्सून अरबी समुद्राच्या आणखी काही भागांमध्ये, लक्षद्वीप बेटांमध्ये, केरळ आणि तामिळनाडूच्या काही भागांत तसेच बंगालच्या उपसागराच्या नैऋत्य, मध्य, पूर्व-मध्य आणि ईशान्य भागातील आणखी काही क्षेत्रांपर्यंत पुढे सरकण्याची शक्यता हवामानशास्त्र विभागाने वर्तवली आहे. राज्यात विविध भागांत सध्या उन्हाच्या चटक्यासह उकाडा कायम असून, काही ठिकाणी ढगाळ वातावरणासह पूर्वमोसमी पावसाच्या सरी कोसळत आहेत. दरम्यान, विदर्भात तुरळक ठिकाणी विजांच्या कडकडाटासह गारपिटीसह वादळी पावसाचा इशारा देण्यात आला आहे. विशेषतः आज चंद्रपूर, वर्धा आणि यवतमाळ जिल्ह्यांत काही ठिकाणी गारपीटीसह वादळी पावसाचा अंदाज आहे. याशिवाय, अकोला, अमरावती, बुलढाणा, नागपूर, भंडारा, गोंदिया आणि गडचिरोली जिल्ह्यांत तुरळक ठिकाणी विजांच्या कडकडाटासह वादळी पावसाची शक्यता हवामानशास्त्र विभागाने वर्तवली आहे. मराठवाड्यातील छत्रपती संभाजीनगर जिल्ह्यात मेघगर्जनेसह हलक्या ते मध्यम पावसाची शक्यता असून, जालना, परभणी, हिंगोली आणि नांदेड जिल्ह्यांत हलक्या ते मध्यम सरींची हजेरी लागण्याचा अंदाज आहे, तर उर्वरित भागात कोरड्या हवामानासह उन्हाचा चटका कायम राहील. मध्य महाराष्ट्रात धुळे आणि नंदुरबार जिल्ह्यांत तुरळक ठिकाणी विजांच्या कडकडाटासह मध्यम पावसाची शक्यता आहे. जळगाव आणि नाशिक जिल्ह्यांत मेघगर्जनेसह मध्यम पावसाचा अंदाज आहे, तर पुणे, कोल्हापूर, सातारा आणि सांगली जिल्ह्यांत तुरळक ठिकाणी हलक्या सरी हजेरी लावण्याची शक्यता वर्तवण्यात आली आहे. उर्वरित मध्य महाराष्ट्रात कोरडे हवामान राहील, असा अंदाज हवामानशास्त्र विभागाने दिला आहे.

लोक हिंद चॅनल

Journalist शहापूर, ठाणे, महाराष्ट्र•

8 hrs ago

नैऋत्य मोसमी वाऱ्यांच्या पुढील वाटचालीस पोषक स्थिती निर्माण झाली असून, शनिवारी (ता. ३०) मॉन्सून केरळच्या उंबरठ्यावर पोहोचला आहे. मॉन्सूनने लक्षद्वीप परिसर, कोमोरिन क्षेत्र (कन्याकुमारीजवळील समुद्र भाग), अरबी समुद्राचा नैऋत्य व आग्नेय भाग तसेच बंगालच्या उपसागराच्या नैऋत्य, मध्य आणि ईशान्य भागांपर्यंत मजल मारली आहे. पुढील चार ते पाच दिवसांत मॉन्सून अरबी समुद्राच्या आणखी काही भागांमध्ये, लक्षद्वीप बेटांमध्ये, केरळ आणि तामिळनाडूच्या काही भागांत तसेच बंगालच्या उपसागराच्या नैऋत्य, मध्य, पूर्व-मध्य आणि ईशान्य भागातील आणखी काही क्षेत्रांपर्यंत पुढे सरकण्याची शक्यता हवामानशास्त्र विभागाने वर्तवली आहे. राज्यात विविध भागांत सध्या उन्हाच्या चटक्यासह उकाडा कायम असून, काही ठिकाणी ढगाळ वातावरणासह पूर्वमोसमी पावसाच्या सरी कोसळत आहेत. दरम्यान, विदर्भात तुरळक ठिकाणी विजांच्या कडकडाटासह गारपिटीसह वादळी पावसाचा इशारा देण्यात आला आहे. विशेषतः आज चंद्रपूर, वर्धा आणि यवतमाळ जिल्ह्यांत काही ठिकाणी गारपीटीसह वादळी पावसाचा अंदाज आहे. याशिवाय, अकोला, अमरावती, बुलढाणा, नागपूर, भंडारा, गोंदिया आणि गडचिरोली जिल्ह्यांत तुरळक ठिकाणी विजांच्या कडकडाटासह वादळी पावसाची शक्यता हवामानशास्त्र विभागाने वर्तवली आहे. मराठवाड्यातील छत्रपती संभाजीनगर जिल्ह्यात मेघगर्जनेसह हलक्या ते मध्यम पावसाची शक्यता असून, जालना, परभणी, हिंगोली आणि नांदेड जिल्ह्यांत हलक्या ते मध्यम सरींची हजेरी लागण्याचा अंदाज आहे, तर उर्वरित भागात कोरड्या हवामानासह उन्हाचा चटका कायम राहील. मध्य महाराष्ट्रात धुळे आणि नंदुरबार जिल्ह्यांत तुरळक ठिकाणी विजांच्या कडकडाटासह मध्यम पावसाची शक्यता आहे. जळगाव आणि नाशिक जिल्ह्यांत मेघगर्जनेसह मध्यम पावसाचा अंदाज आहे, तर पुणे, कोल्हापूर, सातारा आणि सांगली जिल्ह्यांत तुरळक ठिकाणी हलक्या सरी हजेरी लावण्याची शक्यता वर्तवण्यात आली आहे. उर्वरित मध्य महाराष्ट्रात कोरडे हवामान राहील, असा अंदाज हवामानशास्त्र विभागाने दिला आहे.