नागपूर जिल्ह्यातील कुही फाटा ते आंभोरा दरम्यानच्या मुख्य मार्गावर मोठ्या प्रमाणात अनधिकृत होर्डिंग्ज आणि जाहिरात फलक उभारण्यात आले आहेत. रस्त्याच्या कडेला विनापरवानगी लावण्यात आलेल्या या होर्डिंग्जमुळे वाहनचालकांचे लक्ष विचलित होत असून, अपघाताचा गंभीर धोका निर्माण झाल्याने नागरिकांमध्ये तीव्र नाराजी व्यक्त होत आहे. प्रशासनाच्या दुर्लक्षामुळे हा धोका वाढल्याचे चित्र आहे. अनेक ठिकाणी हे होर्डिंग्ज रस्त्याच्या अगदी जवळ, वळणदार रस्ते, चौक आणि वाहतुकीच्या दृष्टीने संवेदनशील ठिकाणी लावण्यात आले आहेत. यामुळे वाहनचालकांना समोरून येणारी वाहने, दिशादर्शक फलक किंवा रस्त्याची स्पष्ट दृश्यता दिसत नसल्याची तक्रार प्रवासी करत आहेत. याच संदर्भात, नुकतेच २५ मे रोजी रात्री कुही शहराबाहेरील भटरा फाटा परिसरात एक चारचाकी वाहन रस्त्यालगतच्या होर्डिंगच्या लोखंडी पोलवर आदळून अपघात झाला. या धडकेत होर्डिंगचा मोठा लोखंडी पोल तुटून पडला. सुदैवाने वाहनातील आधुनिक सुरक्षा प्रणाली कार्यान्वित झाल्याने प्रवाशांची जीवितहानी टळली, मात्र कारचे मोठे नुकसान झाले. या घटनेमुळे रस्त्यालगतच्या धोकादायक होर्डिंग्जचा प्रश्न पुन्हा ऐरणीवर आला आहे. स्थानिक नागरिकांच्या मते, संबंधित विभागाची कोणतीही परवानगी न घेता अनेक व्यावसायिक व राजकीय स्वरूपाचे मोठमोठे होर्डिंग्ज उभारले गेले आहेत. काही ठिकाणी लोखंडी अँगल व पोल थेट रस्त्याच्या कडेला असल्याने रात्रीच्या वेळी मोठ्या अपघाताची शक्यता बळावली आहे. पावसाळ्याच्या पार्श्वभूमीवर, जोरदार वाऱ्यामुळे हे मोठे फलक कोसळण्याचा धोकाही वाढला आहे, ज्यामुळे प्रवासी, दुचाकीस्वार व पादचारी यांच्या सुरक्षिततेचा प्रश्न निर्माण झाला आहे. त्यामुळे सार्वजनिक बांधकाम विभाग, महसूल प्रशासन आणि स्थानिक स्वराज्य संस्थांनी तातडीने कारवाई करून हे अनधिकृत होर्डिंग्ज हटवावेत, अशी मागणी नागरिकांकडून होत आहे.

Reporter Kharabe

Local News Reporter कुही, नागपूर, महाराष्ट्र•

2 hrs ago

नागपूर जिल्ह्यातील कुही फाटा ते आंभोरा दरम्यानच्या मुख्य मार्गावर मोठ्या प्रमाणात अनधिकृत होर्डिंग्ज आणि जाहिरात फलक उभारण्यात आले आहेत. रस्त्याच्या कडेला विनापरवानगी लावण्यात आलेल्या या होर्डिंग्जमुळे वाहनचालकांचे लक्ष विचलित होत असून, अपघाताचा गंभीर धोका निर्माण झाल्याने नागरिकांमध्ये तीव्र नाराजी व्यक्त होत आहे. प्रशासनाच्या दुर्लक्षामुळे हा धोका वाढल्याचे चित्र आहे. अनेक ठिकाणी हे होर्डिंग्ज रस्त्याच्या अगदी जवळ, वळणदार रस्ते, चौक आणि वाहतुकीच्या दृष्टीने संवेदनशील ठिकाणी लावण्यात आले आहेत. यामुळे वाहनचालकांना समोरून येणारी वाहने, दिशादर्शक फलक किंवा रस्त्याची स्पष्ट दृश्यता दिसत नसल्याची तक्रार प्रवासी करत आहेत. याच संदर्भात, नुकतेच २५ मे रोजी रात्री कुही शहराबाहेरील भटरा फाटा परिसरात एक चारचाकी वाहन रस्त्यालगतच्या होर्डिंगच्या लोखंडी पोलवर आदळून अपघात झाला. या धडकेत होर्डिंगचा मोठा लोखंडी पोल तुटून पडला. सुदैवाने वाहनातील आधुनिक सुरक्षा प्रणाली कार्यान्वित झाल्याने प्रवाशांची जीवितहानी टळली, मात्र कारचे मोठे नुकसान झाले. या घटनेमुळे रस्त्यालगतच्या धोकादायक होर्डिंग्जचा प्रश्न पुन्हा ऐरणीवर आला आहे. स्थानिक नागरिकांच्या मते, संबंधित विभागाची कोणतीही परवानगी न घेता अनेक व्यावसायिक व राजकीय स्वरूपाचे मोठमोठे होर्डिंग्ज उभारले गेले आहेत. काही ठिकाणी लोखंडी अँगल व पोल थेट रस्त्याच्या कडेला असल्याने रात्रीच्या वेळी मोठ्या अपघाताची शक्यता बळावली आहे. पावसाळ्याच्या पार्श्वभूमीवर, जोरदार वाऱ्यामुळे हे मोठे फलक कोसळण्याचा धोकाही वाढला आहे, ज्यामुळे प्रवासी, दुचाकीस्वार व पादचारी यांच्या सुरक्षिततेचा प्रश्न निर्माण झाला आहे. त्यामुळे सार्वजनिक बांधकाम विभाग, महसूल प्रशासन आणि स्थानिक स्वराज्य संस्थांनी तातडीने कारवाई करून हे अनधिकृत होर्डिंग्ज हटवावेत, अशी मागणी नागरिकांकडून होत आहे.