शहापूर तालुक्यातील कसारा खुर्द ग्रामपंचायत हद्दीतील विविध आदिवासी पाड्यांमध्ये सुरू असलेली बेकायदेशीर दारू विक्री आणि उघडपणे होणारे दारू सेवन तात्काळ बंद करून संबंधितांवर कठोर कारवाई करण्याची मागणी करत श्रमजीवी संघटनेच्या महिला कार्यकर्त्यांनी आज कसारा पोलीस ठाण्यात निवेदन सादर केले. यावेळी त्यांनी पोलीस निरीक्षक श्री. सुरेश गावित साहेब यांच्याशी फोनद्वारे संपर्क साधला. कसारा खुर्द येथील लतिफवाडी, चिंतामणवाडी, ओहोळाचीवाडी, पारधवाडी, सावंतवाडी, बिबलवाडी, नारळवाडी आणि पायरवाडी या आदिवासी पाड्यांमध्ये मोठ्या प्रमाणावर अवैध दारू विक्री व सेवन सुरू असल्याच्या तक्रारी होत्या. संघटनेने दिलेल्या निवेदनात म्हटले आहे की, दारूच्या व्यसनामुळे अनेक कुटुंबांमध्ये कौटुंबिक हिंसाचार, वाद-विवाद, आर्थिक नुकसान, महिलांवरील अत्याचार तसेच सामाजिक तणाव वाढत आहे. याचा मुलांच्या शिक्षणावरही विपरीत परिणाम होत असून महिला व मुलींच्या सुरक्षिततेबाबत गंभीर चिंता निर्माण झाली आहे. आदिवासी समाजाच्या सामाजिक व आर्थिक विकासातही यामुळे मोठे अडथळे निर्माण होत असल्याचा मुद्दाही निवेदनात मांडण्यात आला आहे. महाराष्ट्र दारूबंदी अधिनियम, १९४९ आणि पेसा कायद्यांतर्गत अनुसूचित क्षेत्रांमध्ये मद्यविक्री व मद्यसेवनावर नियंत्रण ठेवण्याचे अधिकार ग्रामसभांना देण्यात आलेले आहेत. असे असतानाही संबंधित भागात बेकायदेशीर दारू व्यवसाय सुरू असल्याने तात्काळ विशेष मोहीम राबवून छापेमारी, नियमित पोलीस गस्त आणि प्रतिबंधात्मक कारवाई करण्याची मागणी करण्यात आली आहे. तसेच, परिसर दारूमुक्त करण्यासाठी महिला, ग्रामस्थ व सामाजिक संघटनांच्या प्रतिनिधींसमवेत बैठक आयोजित करून प्रभावी उपाययोजना राबविण्याची मागणीही करण्यात आली. या प्रसंगी श्रमजीवी संघटनेचे तालुकाध्यक्ष श्री. मालू हुमणे, तालुका उपाध्यक्ष श्री. पप्पू वाघ, तालुका सचिव श्री. प्रकाश खोडका, गट सचिव श्री. रामा आघाण, गण अध्यक्ष सौ. यमुना गिरे, गण सचिव श्री. राजू आवाटे, ग्रामपंचायत अध्यक्ष सौ. मंदा कवटे, गण सचिव श्री. रमेश वाघ आणि गट सचिव श्री. चंद्रकांत फसाळी यांच्यासह श्रमजीवी संघटनेच्या ८७ महिला पदाधिकारी उपस्थित होत्या.

लोक हिंद चॅनल

Journalist शहापूर, ठाणे, महाराष्ट्र•

3 hrs ago

शहापूर तालुक्यातील कसारा खुर्द ग्रामपंचायत हद्दीतील विविध आदिवासी पाड्यांमध्ये सुरू असलेली बेकायदेशीर दारू विक्री आणि उघडपणे होणारे दारू सेवन तात्काळ बंद करून संबंधितांवर कठोर कारवाई करण्याची मागणी करत श्रमजीवी संघटनेच्या महिला कार्यकर्त्यांनी आज कसारा पोलीस ठाण्यात निवेदन सादर केले. यावेळी त्यांनी पोलीस निरीक्षक श्री. सुरेश गावित साहेब यांच्याशी फोनद्वारे संपर्क साधला. कसारा खुर्द येथील लतिफवाडी, चिंतामणवाडी, ओहोळाचीवाडी, पारधवाडी, सावंतवाडी, बिबलवाडी, नारळवाडी आणि पायरवाडी या आदिवासी पाड्यांमध्ये मोठ्या प्रमाणावर अवैध दारू विक्री व सेवन सुरू असल्याच्या तक्रारी होत्या. संघटनेने दिलेल्या निवेदनात म्हटले आहे की, दारूच्या व्यसनामुळे अनेक कुटुंबांमध्ये कौटुंबिक हिंसाचार, वाद-विवाद, आर्थिक नुकसान, महिलांवरील अत्याचार तसेच सामाजिक तणाव वाढत आहे. याचा मुलांच्या शिक्षणावरही विपरीत परिणाम होत असून महिला व मुलींच्या सुरक्षिततेबाबत गंभीर चिंता निर्माण झाली आहे. आदिवासी समाजाच्या सामाजिक व आर्थिक विकासातही यामुळे मोठे अडथळे निर्माण होत असल्याचा मुद्दाही निवेदनात मांडण्यात आला आहे. महाराष्ट्र दारूबंदी अधिनियम, १९४९ आणि पेसा कायद्यांतर्गत अनुसूचित क्षेत्रांमध्ये मद्यविक्री व मद्यसेवनावर नियंत्रण ठेवण्याचे अधिकार ग्रामसभांना देण्यात आलेले आहेत. असे असतानाही संबंधित भागात बेकायदेशीर दारू व्यवसाय सुरू असल्याने तात्काळ विशेष मोहीम राबवून छापेमारी, नियमित पोलीस गस्त आणि प्रतिबंधात्मक कारवाई करण्याची मागणी करण्यात आली आहे. तसेच, परिसर दारूमुक्त करण्यासाठी महिला, ग्रामस्थ व सामाजिक संघटनांच्या प्रतिनिधींसमवेत बैठक आयोजित करून प्रभावी उपाययोजना राबविण्याची मागणीही करण्यात आली. या प्रसंगी श्रमजीवी संघटनेचे तालुकाध्यक्ष श्री. मालू हुमणे, तालुका उपाध्यक्ष श्री. पप्पू वाघ, तालुका सचिव श्री. प्रकाश खोडका, गट सचिव श्री. रामा आघाण, गण अध्यक्ष सौ. यमुना गिरे, गण सचिव श्री. राजू आवाटे, ग्रामपंचायत अध्यक्ष सौ. मंदा कवटे, गण सचिव श्री. रमेश वाघ आणि गट सचिव श्री. चंद्रकांत फसाळी यांच्यासह श्रमजीवी संघटनेच्या ८७ महिला पदाधिकारी उपस्थित होत्या.