కర్నూలు నగర శివారులోని మాంటిస్సోరి ఇండస్ పాఠశాలలో ఏర్పాటు చేసిన మెగా రక్తదాన శిబిరాన్ని, ఉచిత వైద్య శిబిరాన్ని కర్నూలు ఎంపీ బస్తిపాటి నాగరాజు ప్రారంభించారు. మాంటిస్సోరి విద్యాసంస్థల స్వర్ణోత్సవ వేడుకల సందర్భంగా ఈ శిబిరాలను ఏర్పాటు చేశారు. ఈ సందర్భంగా ఆయన మాట్లాడుతూ, ప్రజా సేవలో ప్రతి ఒక్కరూ భాగస్వాములు కావాలని పిలుపునిచ్చారు. రక్తదానం చేయడం ద్వారా అత్యవసర పరిస్థితుల్లో ప్రాణాపాయంలో ఉన్న వారికి జీవదానం చేసిన వారవుతామని ఎంపీ నాగరాజు పేర్కొన్నారు. సమాజంలో ప్రతి ఒక్కరూ స్వచ్ఛందంగా రక్తదానం చేసి మానవతా దృక్పథాన్ని చాటాలని ఆయన సూచించారు. గత 50 సంవత్సరాలుగా విలువలతో కూడిన నాణ్యమైన విద్యను అందిస్తూ మాంటిస్సోరి విద్యాసంస్థలు విద్యా రంగంలో విశిష్ట సేవలు అందిస్తున్నాయని కొనియాడారు. తన కుమారుడు కూడా ఇదే విద్యాసంస్థలో చదువుతున్నాడని ఈ సందర్భంగా ఆయన గుర్తుచేశారు. ఈ కార్యక్రమంలో రెడ్ క్రాస్ సొసైటీ చైర్మన్ డాక్టర్ గోవింద రెడ్డి, డీఎస్పీ మహబూబ్ బాషా, పలు ప్రైవేట్ విద్యాసంస్థల అధినేతలు తదితరులు పాల్గొన్నారు.

చక్రం

Farmer ఆలూరు, కర్నూలు, ఆంధ్రప్రదేశ్•

1 hr ago

కర్నూలు నగర శివారులోని మాంటిస్సోరి ఇండస్ పాఠశాలలో ఏర్పాటు చేసిన మెగా రక్తదాన శిబిరాన్ని, ఉచిత వైద్య శిబిరాన్ని కర్నూలు ఎంపీ బస్తిపాటి నాగరాజు ప్రారంభించారు. మాంటిస్సోరి విద్యాసంస్థల స్వర్ణోత్సవ వేడుకల సందర్భంగా ఈ శిబిరాలను ఏర్పాటు చేశారు. ఈ సందర్భంగా ఆయన మాట్లాడుతూ, ప్రజా సేవలో ప్రతి ఒక్కరూ భాగస్వాములు కావాలని పిలుపునిచ్చారు. రక్తదానం చేయడం ద్వారా అత్యవసర పరిస్థితుల్లో ప్రాణాపాయంలో ఉన్న వారికి జీవదానం చేసిన వారవుతామని ఎంపీ నాగరాజు పేర్కొన్నారు. సమాజంలో ప్రతి ఒక్కరూ స్వచ్ఛందంగా రక్తదానం చేసి మానవతా దృక్పథాన్ని చాటాలని ఆయన సూచించారు. గత 50 సంవత్సరాలుగా విలువలతో కూడిన నాణ్యమైన విద్యను అందిస్తూ మాంటిస్సోరి విద్యాసంస్థలు విద్యా రంగంలో విశిష్ట సేవలు అందిస్తున్నాయని కొనియాడారు. తన కుమారుడు కూడా ఇదే విద్యాసంస్థలో చదువుతున్నాడని ఈ సందర్భంగా ఆయన గుర్తుచేశారు. ఈ కార్యక్రమంలో రెడ్ క్రాస్ సొసైటీ చైర్మన్ డాక్టర్ గోవింద రెడ్డి, డీఎస్పీ మహబూబ్ బాషా, పలు ప్రైవేట్ విద్యాసంస్థల అధినేతలు తదితరులు పాల్గొన్నారు.