ପlରିବାରିକ ବିରୋଧର ଭୟଙ୍କର ପରିଣାମ: ନିଆଁରେ ଜଳିଗଲା ସ୍ୱପ୍ନର ଘର, ବାସହରା ହେଲେ ମାଆ ଓ ଶିଶୁ ଉଦଳା (ମୟୁରଭଞ୍ଜ): - ପlରିବାରିକ ବିରୋଧ କେତେ ଭୟଙ୍କର ରୂପ ନେଇପାରେ, ତାହାର ଏକ ଜ୍ୱଳନ୍ତ ଉଦାହରଣ ସାମ୍ନାକୁ ଆସିଛି ମୟୁରଭଞ୍ଜ ଜିଲ୍ଲାର କପ୍ତିପଦା ଥାନା ଅଧୀନ ଗୌଡ଼ଗାଁ ନିକଟସ୍ଥ କୁଆଗୁଠଣା ଗ୍ରାମରେ। ବିଳମ୍ବିତ ରାତ୍ରି ସମୟରେ ଘଟିଥିବା ଏକ ଅଗ୍ନିକାଣ୍ଡ ଘଟଣାରେ ନିଆଁରେ ଜଳିପୋଡ଼ି ଗଲା ଏକ ପରିବାରର ସମ୍ପୂର୍ଣ୍ଣ ଆଶ୍ରୟସ୍ଥଳ। ଏହି ଘଟଣା ପରେ ଜଣେ ମାଆ ଓ ତାଙ୍କ ଛୋଟ ଶିଶୁ ସମ୍ପୂର୍ଣ୍ଣ ବାସହୀନ ହୋଇପଡ଼ିଛନ୍ତି। ସୂଚନା ଅନୁଯାୟୀ, ଶାଶୁଙ୍କ ଦେହାନ୍ତ ପରେ ସ୍ୱାମୀ ଓ ଶ୍ୱଶୁର ଦୀର୍ଘଦିନ ଧରି ଅନ୍ୟତ୍ର ରହୁଥିବା ବେଳେ, ପୀଡ଼ିତା ମହିଳା ତାଙ୍କ ଛୋଟ ଶିଶୁ ସହିତ ଶ୍ୱଶୁର ଘରେ ବସବାସ କରୁଥିଲେ। ଅଭିଯୋଗ ଅନୁଯାୟୀ, ସ୍ୱାମୀ ଓ ଶ୍ୱଶୁର ପକ୍ଷର ଲୋକେ ବାରମ୍ବାର ଘର ଛାଡ଼ିବାକୁ ଚାପ ଦେଉଥିଲେ। ମାରଧର, ଧମକ ଏବଂ ଜୀବନ ନେଇ ଆତଙ୍କ ସୃଷ୍ଟି କରାଯାଉଥିବା ନେଇ ପୂର୍ବରୁ ଥାନାରେ ଅନେକଥର ଅଭିଯୋଗ ମଧ୍ୟ ହୋଇଥିବା ଜଣାପଡ଼ିଛି। ଗତକାଲି ପୀଡ଼ିତା ଓ ତାଙ୍କ ଶିଶୁ ଘରେ ନଥିବା ସୁଯୋଗକୁ ନେଇ, ଶ୍ୱଶୁର ପକ୍ଷର ଲୋକେ ବିଳମ୍ବିତ ରାତ୍ରିରେ ଘରେ ନିଆଁ ଲଗାଇ ଦେଇଥିବା ଗୁରୁତର ଅଭିଯୋଗ ହୋଇଛି। ଏହି ଅଗ୍ନିକାଣ୍ଡରେ ଘରେ ଥିବା ସମସ୍ତ ଆସବାବପତ୍ର, ମୂଲ୍ୟବାନ ସାର୍ଟିଫିକେଟ, ସୁନା ଗହଣା, ନଗଦ ଟଙ୍କା ସହିତ ଧାନ, ଚାଉଳ ଓ ଅନ୍ୟାନ୍ୟ ଘରୋଇ ସାମଗ୍ରୀ ସମ୍ପୂର୍ଣ୍ଣ ପୋଡ଼ି ପାଉଁଶ ହୋଇଯାଇଛି। ଆଖି ଆଗରେ ସ୍ୱପ୍ନର ଘର ଜଳିପୋଡ଼ିଯିବା ପରେ, ଏବେ ପୀଡ଼ିତା ଓ ତାଙ୍କ ଶିଶୁ ପିନ୍ଧିଥିବା ବସ୍ତ୍ର ଛଡ଼ା ଆଉ କିଛି ନଥିବା ଅବସ୍ଥାରେ ଚରମ ଅନିଶ୍ଚିତତା ଓ ଅସହାୟତାର ସମ୍ମୁଖୀନ। ଘଟଣା ସମ୍ପର୍କରେ ଖବର ପାଇ କପ୍ତିପଦା ପୋଲିସ ଓ ରାଜସ୍ୱ ବିଭାଗର ଅଧିକାରୀ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପୀଡ଼ିତା କପ୍ତିପଦା ଥାନାରେ ଲିଖିତ ଅଭିଯୋଗ ଦାଖଲ କରି ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଓ ନ୍ୟାୟ ଦାବି କରିଛନ୍ତି। ଏହି ଘଟଣାକୁ ନେଇ ସମଗ୍ର ଅଞ୍ଚଳରେ ତୀବ୍ର ଅସନ୍ତୋଷ ଓ ଆକ୍ରୋଶ ଦେଖାଦେଇଛି। ଦୋଷୀଙ୍କୁ ଶୀଘ୍ର ଗିରଫ କରି କଠୋର ଦଣ୍ଡ ଦେବା ସହ ପୀଡ଼ିତ ପରିବାରକୁ ତୁରନ୍ତ ସହାୟତା ପ୍ରଦାନ କରିବାକୁ ଦାବି ଜୋର ଧରିଛି।

Rajib Behera

Journalist Mayurbhanj•

13 hrs ago

गर्भवती महिलाओं के जीवन के साथ खिलवाड़ #Bamra_Bilung #latestnews #viralvideo #CMOOdisha #cdmosambalpur #rabinaik #DharmendraPradhan #SHGSupport #dmsambalpur #bdobamra