ಕೊಳ್ಳೇಗಾಲ ನಗರದ ಉಪ ಖಜಾನೆಯಲ್ಲಿ ಸುದೀರ್ಘ 27 ವರ್ಷಗಳ ಸೇವೆ ಸಲ್ಲಿಸಿ ವಯೋ ನಿವೃತ್ತಿ ಹೊಂದಿದ ಕಚೇರಿಯ ಸಹಾಯಕಿ ಡಿ. ಕಮಲಾಕ್ಷಿ ಅವರಿಗೆ ಶನಿವಾರ ಅದ್ದೂರಿ ಬೀಳ್ಕೊಡುಗೆ ಸಮಾರಂಭ ನಡೆಯಿತು. ಜಿಲ್ಲಾ ಉಪ ಖಜಾನೆ ನಿರ್ದೇಶಕಿ ಕೆ.ಎಸ್. ರಾಜೇಶ್ವರಿ ಅವರು ಕಚೇರಿಯ ಆವರಣದಲ್ಲಿ ಆಯೋಜಿಸಿದ್ದ ಈ ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಉದ್ಘಾಟಿಸಿ, ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರನ್ನು ಸನ್ಮಾನಿಸಿ ಗೌರವಿಸಿದರು. ನಂತರ ಮಾತನಾಡಿದ ಕೆ.ಎಸ್. ರಾಜೇಶ್ವರಿ ಅವರು, ಹಲವರು ಕೆಲಸದ ಒತ್ತಡ ಮತ್ತು ಅನಾರೋಗ್ಯದಿಂದಾಗಿ ಸರ್ಕಾರಿ ಸೇವೆಯನ್ನು ಅರ್ಧಕ್ಕೆ ಬಿಡುತ್ತಾರೆ. ಆದರೆ, ಕಮಲಾಕ್ಷಿ ಅವರು 27 ವರ್ಷಗಳ ಸುದೀರ್ಘ ಸೇವೆಯನ್ನು ಪೂರ್ಣಗೊಳಿಸಿ ವಯೋ ನಿವೃತ್ತಿ ಹೊಂದುತ್ತಿರುವುದು ಅವರ ಸೌಭಾಗ್ಯ ಎಂದರು. ಕಮಲಾಕ್ಷಿ ಅವರ ಪರಿಚಯ 15 ವರ್ಷಗಳ ಹಿಂದೆಯೇ ಆಗಿದ್ದು, ಅವರು ಯಾವಾಗಲೂ ನಗುಮುಖದಿಂದ ಕೆಲಸ ನಿರ್ವಹಿಸುತ್ತಾ, ಎಲ್ಲರ ಆದೇಶಗಳನ್ನು ಪಾಲಿಸುತ್ತಾ ಇಲಾಖೆಗೆ ಮಾದರಿಯಾಗಿದ್ದಾರೆ ಎಂದು ಪ್ರಶಂಸಿಸಿದರು. ನಗರದ ಉಪ ಖಜಾನೆಯಲ್ಲಿ ಸುಮಾರು ಆರು ತಿಂಗಳುಗಳ ಕಾಲ ಪ್ರೊಬೇಷನರಿಯಾಗಿ ಕೆಲಸ ಮಾಡುವಾಗ ಕಮಲಾಕ್ಷಿ ಅವರಿಂದ ಅನೇಕ ಕೆಲಸಗಳನ್ನು ಕಲಿತಿದ್ದಾಗಿ ತಿಳಿಸಿದ ರಾಜೇಶ್ವರಿ, ಅವರಿಗೆ ಉತ್ತಮ ನಿವೃತ್ತಿ ಜೀವನವನ್ನು ಹಾರೈಸಿದರು. ತಾಲ್ಲೂಕು ಉಪ ಖಜಾನೆ ಉಪ ನಿರ್ದೇಶಕಿ ಹಾಗೂ ಸಾಹಿತಿ ನಾಗರತ್ನಮ್ಮ ಮಾತನಾಡಿ, ಕಮಲಾಕ್ಷಿ ಅವರಿಗೆ ಉತ್ತಮ ಬೀಳ್ಕೊಡುಗೆ ನೀಡಿದ್ದು, 'ಉದ್ಯೋಗಂ ಸ್ತ್ರೀ ಪುರುಷ ಲಕ್ಷಣಂ' ಎಂಬುದನ್ನು ಅವರು ಸಾಬೀತು ಮಾಡಿದ್ದಾರೆ ಎಂದು ತಿಳಿಸಿದರು. ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರು ತಮ್ಮ ಮಾತುಗಳಲ್ಲಿ, ಪತಿಯ ಹೃದಯಘಾತದಿಂದ ನಿಧನರಾದ ನಂತರ ಸರ್ಕಾರ ತಮಗೆ ಅನುಕಂಪದ ಉದ್ಯೋಗ ನೀಡಿದ್ದನ್ನು ಸ್ಮರಿಸಿದರು. ಆ ಉದ್ಯೋಗವನ್ನು ತಾನು ನಿಷ್ಠೆಯಿಂದ 27 ವರ್ಷಗಳ ಕಾಲ ನಿರ್ವಹಿಸಿದ್ದು, ಕಚೇರಿಯ ಎಲ್ಲ ಸಿಬ್ಬಂದಿಗಳ ಸಹಕಾರದಿಂದ ಇದು ಸಾಧ್ಯವಾಯಿತು ಎಂದು ಕೃತಜ್ಞತೆ ಸಲ್ಲಿಸಿದರು. ಈ ಸಂದರ್ಭದಲ್ಲಿ ತಾಲ್ಲೂಕಿನ ವಿವಿಧ ಇಲಾಖೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರು ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರನ್ನು ಸನ್ಮಾನಿಸಿ ಬೀಳ್ಕೊಟ್ಟರು. ಕಾರ್ಯಕ್ರಮದಲ್ಲಿ ತಾಲ್ಲೂಕು ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಆಲ್ಜೆಂಡರ್, ಜಿಲ್ಲಾ ಖಜಾನೆ ವ್ಯವಸ್ಥಾಪಕ ನಟರಾಜು, ದ್ವಿತೀಯ ಸಹಾಯಕಿ ಶೀಲ ಸತೀಶ್ ಮತ್ತಿತರರು ಉಪಸ್ಥಿತರಿದ್ದರು.

ಎನ್. ನಟರಾಜ್

Kollegal, Chamarajanagara•

8 hrs ago

ಕೊಳ್ಳೇಗಾಲ ನಗರದ ಉಪ ಖಜಾನೆಯಲ್ಲಿ ಸುದೀರ್ಘ 27 ವರ್ಷಗಳ ಸೇವೆ ಸಲ್ಲಿಸಿ ವಯೋ ನಿವೃತ್ತಿ ಹೊಂದಿದ ಕಚೇರಿಯ ಸಹಾಯಕಿ ಡಿ. ಕಮಲಾಕ್ಷಿ ಅವರಿಗೆ ಶನಿವಾರ ಅದ್ದೂರಿ ಬೀಳ್ಕೊಡುಗೆ ಸಮಾರಂಭ ನಡೆಯಿತು. ಜಿಲ್ಲಾ ಉಪ ಖಜಾನೆ ನಿರ್ದೇಶಕಿ ಕೆ.ಎಸ್. ರಾಜೇಶ್ವರಿ ಅವರು ಕಚೇರಿಯ ಆವರಣದಲ್ಲಿ ಆಯೋಜಿಸಿದ್ದ ಈ ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಉದ್ಘಾಟಿಸಿ, ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರನ್ನು ಸನ್ಮಾನಿಸಿ ಗೌರವಿಸಿದರು. ನಂತರ ಮಾತನಾಡಿದ ಕೆ.ಎಸ್. ರಾಜೇಶ್ವರಿ ಅವರು, ಹಲವರು ಕೆಲಸದ ಒತ್ತಡ ಮತ್ತು ಅನಾರೋಗ್ಯದಿಂದಾಗಿ ಸರ್ಕಾರಿ ಸೇವೆಯನ್ನು ಅರ್ಧಕ್ಕೆ ಬಿಡುತ್ತಾರೆ. ಆದರೆ, ಕಮಲಾಕ್ಷಿ ಅವರು 27 ವರ್ಷಗಳ ಸುದೀರ್ಘ ಸೇವೆಯನ್ನು ಪೂರ್ಣಗೊಳಿಸಿ ವಯೋ ನಿವೃತ್ತಿ ಹೊಂದುತ್ತಿರುವುದು ಅವರ ಸೌಭಾಗ್ಯ ಎಂದರು. ಕಮಲಾಕ್ಷಿ ಅವರ ಪರಿಚಯ 15 ವರ್ಷಗಳ ಹಿಂದೆಯೇ ಆಗಿದ್ದು, ಅವರು ಯಾವಾಗಲೂ ನಗುಮುಖದಿಂದ ಕೆಲಸ ನಿರ್ವಹಿಸುತ್ತಾ, ಎಲ್ಲರ ಆದೇಶಗಳನ್ನು ಪಾಲಿಸುತ್ತಾ ಇಲಾಖೆಗೆ ಮಾದರಿಯಾಗಿದ್ದಾರೆ ಎಂದು ಪ್ರಶಂಸಿಸಿದರು. ನಗರದ ಉಪ ಖಜಾನೆಯಲ್ಲಿ ಸುಮಾರು ಆರು ತಿಂಗಳುಗಳ ಕಾಲ ಪ್ರೊಬೇಷನರಿಯಾಗಿ ಕೆಲಸ ಮಾಡುವಾಗ ಕಮಲಾಕ್ಷಿ

ಅವರಿಂದ ಅನೇಕ ಕೆಲಸಗಳನ್ನು ಕಲಿತಿದ್ದಾಗಿ ತಿಳಿಸಿದ ರಾಜೇಶ್ವರಿ, ಅವರಿಗೆ ಉತ್ತಮ ನಿವೃತ್ತಿ ಜೀವನವನ್ನು ಹಾರೈಸಿದರು. ತಾಲ್ಲೂಕು ಉಪ ಖಜಾನೆ ಉಪ ನಿರ್ದೇಶಕಿ ಹಾಗೂ ಸಾಹಿತಿ ನಾಗರತ್ನಮ್ಮ ಮಾತನಾಡಿ, ಕಮಲಾಕ್ಷಿ ಅವರಿಗೆ ಉತ್ತಮ ಬೀಳ್ಕೊಡುಗೆ ನೀಡಿದ್ದು, 'ಉದ್ಯೋಗಂ ಸ್ತ್ರೀ ಪುರುಷ ಲಕ್ಷಣಂ' ಎಂಬುದನ್ನು ಅವರು ಸಾಬೀತು ಮಾಡಿದ್ದಾರೆ ಎಂದು ತಿಳಿಸಿದರು. ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರು ತಮ್ಮ ಮಾತುಗಳಲ್ಲಿ, ಪತಿಯ ಹೃದಯಘಾತದಿಂದ ನಿಧನರಾದ ನಂತರ ಸರ್ಕಾರ ತಮಗೆ ಅನುಕಂಪದ ಉದ್ಯೋಗ ನೀಡಿದ್ದನ್ನು ಸ್ಮರಿಸಿದರು. ಆ ಉದ್ಯೋಗವನ್ನು ತಾನು ನಿಷ್ಠೆಯಿಂದ 27 ವರ್ಷಗಳ ಕಾಲ ನಿರ್ವಹಿಸಿದ್ದು, ಕಚೇರಿಯ ಎಲ್ಲ ಸಿಬ್ಬಂದಿಗಳ ಸಹಕಾರದಿಂದ ಇದು ಸಾಧ್ಯವಾಯಿತು ಎಂದು ಕೃತಜ್ಞತೆ ಸಲ್ಲಿಸಿದರು. ಈ ಸಂದರ್ಭದಲ್ಲಿ ತಾಲ್ಲೂಕಿನ ವಿವಿಧ ಇಲಾಖೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರು ನಿವೃತ್ತಿ ಹೊಂದಿದ ಡಿ. ಕಮಲಾಕ್ಷಿ ಅವರನ್ನು ಸನ್ಮಾನಿಸಿ ಬೀಳ್ಕೊಟ್ಟರು. ಕಾರ್ಯಕ್ರಮದಲ್ಲಿ ತಾಲ್ಲೂಕು ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಆಲ್ಜೆಂಡರ್, ಜಿಲ್ಲಾ ಖಜಾನೆ ವ್ಯವಸ್ಥಾಪಕ ನಟರಾಜು, ದ್ವಿತೀಯ ಸಹಾಯಕಿ ಶೀಲ ಸತೀಶ್ ಮತ್ತಿತರರು ಉಪಸ್ಥಿತರಿದ್ದರು.