आषाढी वारीच्या उत्साहात गोरेवाडी येथे अत्यंत भक्तीमय वातावरणात बहे-बोरगाव येथील संत परंपरेतील दिंडीचे पंढरपूरच्या दिशेने प्रस्थान झाले आहे. दिंडीच्या प्रस्थानापूर्वी सकाळपासूनच संपूर्ण गाव विठ्ठल नामाच्या जयघोषाने दुमदुमले होते. वारकऱ्यांच्या स्वागतासाठी गावात भव्य रिंगण सोहळा पार पडला. तसेच, पिटू व शंकर गणपती शेळके यांच्या निवासस्थानी महाप्रसादाचे आयोजन करण्यात आले होते, ज्याचा शेकडो वारकऱ्यांनी लाभ घेतला. टाळ, मृदंग, झांज आणि विण्याच्या गजरात "ज्ञानोबा तुकाराम" आणि "विठ्ठल विठ्ठल"च्या जयघोषाने संपूर्ण गोरेवाडी परिसर भक्तीरसात न्हाऊन निघाला. या सोहळ्याप्रसंगी सरपंच विवेक गायकवाड, प्रकाश गायकवाड आणि इतर भाविक भक्त उपस्थित होते. उपस्थित सर्वांनी वारकऱ्यांवर पुष्पवृष्टी करून आणि त्यांचे पाय धुऊन वंदन केले. या सोहळ्यामुळे संपूर्ण खानापूर घाटमाता परिसर विठ्ठलमय झाला आहे.

होनाई न्यूज/सा.माणदेश दर्शन

तासगाव, सांगली, महाराष्ट्र•

17 hrs ago

आषाढी वारीच्या उत्साहात गोरेवाडी येथे अत्यंत भक्तीमय वातावरणात बहे-बोरगाव येथील संत परंपरेतील दिंडीचे पंढरपूरच्या दिशेने प्रस्थान झाले आहे. दिंडीच्या प्रस्थानापूर्वी सकाळपासूनच संपूर्ण गाव विठ्ठल नामाच्या जयघोषाने दुमदुमले होते. वारकऱ्यांच्या स्वागतासाठी गावात भव्य रिंगण सोहळा पार पडला. तसेच, पिटू व शंकर गणपती शेळके यांच्या निवासस्थानी महाप्रसादाचे आयोजन करण्यात आले होते, ज्याचा शेकडो वारकऱ्यांनी लाभ घेतला. टाळ, मृदंग, झांज आणि विण्याच्या गजरात "ज्ञानोबा तुकाराम" आणि "विठ्ठल विठ्ठल"च्या जयघोषाने संपूर्ण गोरेवाडी परिसर भक्तीरसात न्हाऊन निघाला. या सोहळ्याप्रसंगी सरपंच विवेक गायकवाड, प्रकाश गायकवाड आणि इतर भाविक भक्त उपस्थित होते. उपस्थित सर्वांनी वारकऱ्यांवर पुष्पवृष्टी करून आणि त्यांचे पाय धुऊन वंदन केले. या सोहळ्यामुळे संपूर्ण खानापूर घाटमाता परिसर विठ्ठलमय झाला आहे.