ଗୋପ ବ୍ଲକଠାରେ ‘ଉତ୍କର୍ଷ ନିମାପଡ଼ା ୨.୦’ ଅଭିଯାନ ଅଧୀନରେ ‘ସୁସ୍ଥ ଗୋପ’ ବାର୍ତ୍ତା ସହ ଏକ ଭବ୍ୟ ‘ଉତ୍କର୍ଷ ମାରାଥନ୍‌’ ସଫଳତାର ସହ ସମ୍ପନ୍ନ ହୋଇଛି। ସମାଜରେ ସ୍ୱାସ୍ଥ୍ୟ ସଚେତନତା ସୃଷ୍ଟି କରିବା ଏବଂ ଏକ ସୁସ୍ଥ ବାତାବରଣ ଗଠନ କରିବା ଲକ୍ଷ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଅଞ୍ଚଳର ଶତାଧିକ ଛାତ୍ରଛାତ୍ରୀ ଓ ଯୁବପିଢ଼ି ବହୁ ସଂଖ୍ୟାରେ ସାମିଲ ହୋଇଥିଲେ। ଏହି ସ୍ୱତନ୍ତ୍ର ଉତ୍ସବରେ ଓଡ଼ିଶାର ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗଦେଇ ମଞ୍ଚ ପରିଚାଳନା କରିବା ସହ ସମସ୍ତଙ୍କୁ ସୁସ୍ଥ ଓ ନିରୋଗ ରହିବା ପାଇଁ ଆହ୍ୱାନ ଦେଇଥିଲେ। ଏଥିସହିତ କୋରେଇର ମାନ୍ୟବର ବିଧାୟକ ତଥା ଲୋକପ୍ରିୟ ଓଲିଉଡ ଅଭିନେତା ଶ୍ରୀ ଆକାଶ ଦାସନାୟକ ଏବଂ ବିଶିଷ୍ଟ ଯୁବ ନେତା ତଥା ଲୋକପ୍ରିୟ ଅଭିନେତା ଶ୍ରୀ ଅରିନ୍ଦମ ରାୟଙ୍କ ଉପସ୍ଥିତି ଏହି କାର୍ଯ୍ୟକ୍ରମରେ ପ୍ରବଳ ଉତ୍ସାହ ଭରିଥିଲା। ପୁରୀ ଜିଲ୍ଲାର ମୁଖ୍ୟ ଉନ୍ନୟନ ଅଧିକାରୀ ତଥା ଜିଲ୍ଲା ପରିଷଦର କାର୍ଯ୍ୟନିର୍ବାହୀ ଅଧିକାରୀ ଶ୍ରୀମତୀ ଅରୁଗୁଳା ସ୍ନେହା, ଗୋପର ସାଂସଦ ପ୍ରତିନିଧି ସୁଶାନ୍ତ ସ୍ଵାଇଁ, ବ୍ଲକ୍ ଉପାଧ୍ୟକ୍ଷ ବନରଞ୍ଜନ ପଟ୍ଟନାୟକ, ଜିଲ୍ଲା ପରିଷଦ ସଭ୍ୟ ପ୍ରମୋଦ ରାୟ, ଜିଲ୍ଲା ସ୍ତରୀୟ କ୍ରୟ କମିଟିର ଚାଷୀ ପ୍ରତିନିଧି ପ୍ରଶାନ୍ତ ସ୍ୱାଇଁ (ଲୁଲୁ), ଉଭୟ ଗୋପ ଓ ନିମାପଡା ବ୍ଲକର ମଣ୍ଡଳ ଉନ୍ନୟନ ଅଧିକାରୀମାନେ ଉପସ୍ଥିତ ରହି ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ। ମଣ୍ଡଳ ସଭାପତି ବିଜୟ କୁମାର ନାୟକ, କିଶୋର ଚନ୍ଦ୍ର ରାଉତ, ନାରୀ ନେତ୍ରୀ ସୌଦାମିନୀ ସେନାପତି, ରାଜକିଶୋର ନାୟକ, ଯୁବ ନେତା ଅନିଲ ପରମାଣିକ, ରଞ୍ଜନ ବିଶ୍ୱାଳ ଓ ଶିବାନୀ ଶଙ୍କର ସେଠୀ, ସନ୍ତୋଷ ଭୋଳ ସମେତ ବିଭିନ୍ନ ପଞ୍ଚାୟତର ପ୍ରମୁଖ ନେତୃମଣ୍ଡଳୀ କାର୍ଯ୍ୟକ୍ରମକୁ ସୁଚାରୁରୂପେ ସମ୍ପାଦନ କରିବାରେ ସହଯୋଗ କରିଥିଲେ। ମାରାଥନ୍‌ରେ ପ୍ରଥମେ ପହଞ୍ଚିଥିବା ୨୫ ଜଣ କୃତୀ ଛାତ୍ରଛାତ୍ରୀ ଓ ଯୁବ ପ୍ରତିଯୋଗୀଙ୍କୁ ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ସ୍ୱତନ୍ତ୍ର ଭାବେ ପୁରସ୍କୃତ ଓ ସମ୍ବର୍ଦ୍ଧିତ କରିଥିଲେ। ଏଥିସହିତ ଦେଶମାତୃକାର ସେବା ପାଇଁ ଅବସରପ୍ରାପ୍ତ ସୈନିକ ସତ୍ୟ ସେନାପତିଙ୍କୁ ଏହି ମଞ୍ଚରେ ବିଶେଷ ଭାବେ ସମ୍ବର୍ଦ୍ଧିତ କରାଯାଇଥିଲା। ଗୋପ ଅଞ୍ଚଳରେ ସୁସ୍ଥତା ଏବଂ ଏକତା ବଜାୟ ରଖିବା ଦିଗରେ ‘ଉତ୍କର୍ଷ ନିମାପଡ଼ା ୨.୦’ର ଏହି ପ୍ରୟାସକୁ ସବୁ ମହଲରେ ବେଶ୍ ପ୍ରଶଂସା କରାଯାଇଛି।

ପ୍ରଶାନ୍ତ ସ୍ଵାଇଁ

Farmer ଗୋପ, ପୁରୀ, ଓଡ଼ିଶା•

2 hrs ago

ଗୋପ ବ୍ଲକଠାରେ ‘ଉତ୍କର୍ଷ ନିମାପଡ଼ା ୨.୦’ ଅଭିଯାନ ଅଧୀନରେ ‘ସୁସ୍ଥ ଗୋପ’ ବାର୍ତ୍ତା ସହ ଏକ ଭବ୍ୟ ‘ଉତ୍କର୍ଷ ମାରାଥନ୍‌’ ସଫଳତାର ସହ ସମ୍ପନ୍ନ ହୋଇଛି। ସମାଜରେ ସ୍ୱାସ୍ଥ୍ୟ ସଚେତନତା ସୃଷ୍ଟି କରିବା ଏବଂ ଏକ ସୁସ୍ଥ ବାତାବରଣ ଗଠନ କରିବା ଲକ୍ଷ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଅଞ୍ଚଳର ଶତାଧିକ ଛାତ୍ରଛାତ୍ରୀ ଓ ଯୁବପିଢ଼ି ବହୁ ସଂଖ୍ୟାରେ ସାମିଲ ହୋଇଥିଲେ। ଏହି ସ୍ୱତନ୍ତ୍ର ଉତ୍ସବରେ ଓଡ଼ିଶାର ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗଦେଇ ମଞ୍ଚ ପରିଚାଳନା କରିବା ସହ ସମସ୍ତଙ୍କୁ ସୁସ୍ଥ ଓ ନିରୋଗ ରହିବା ପାଇଁ ଆହ୍ୱାନ ଦେଇଥିଲେ। ଏଥିସହିତ କୋରେଇର ମାନ୍ୟବର ବିଧାୟକ ତଥା ଲୋକପ୍ରିୟ ଓଲିଉଡ ଅଭିନେତା ଶ୍ରୀ ଆକାଶ

ଦାସନାୟକ ଏବଂ ବିଶିଷ୍ଟ ଯୁବ ନେତା ତଥା ଲୋକପ୍ରିୟ ଅଭିନେତା ଶ୍ରୀ ଅରିନ୍ଦମ ରାୟଙ୍କ ଉପସ୍ଥିତି ଏହି କାର୍ଯ୍ୟକ୍ରମରେ ପ୍ରବଳ ଉତ୍ସାହ ଭରିଥିଲା। ପୁରୀ ଜିଲ୍ଲାର ମୁଖ୍ୟ ଉନ୍ନୟନ ଅଧିକାରୀ ତଥା ଜିଲ୍ଲା ପରିଷଦର କାର୍ଯ୍ୟନିର୍ବାହୀ ଅଧିକାରୀ ଶ୍ରୀମତୀ ଅରୁଗୁଳା ସ୍ନେହା, ଗୋପର ସାଂସଦ ପ୍ରତିନିଧି ସୁଶାନ୍ତ ସ୍ଵାଇଁ, ବ୍ଲକ୍ ଉପାଧ୍ୟକ୍ଷ ବନରଞ୍ଜନ ପଟ୍ଟନାୟକ, ଜିଲ୍ଲା ପରିଷଦ ସଭ୍ୟ ପ୍ରମୋଦ ରାୟ, ଜିଲ୍ଲା ସ୍ତରୀୟ କ୍ରୟ କମିଟିର ଚାଷୀ ପ୍ରତିନିଧି ପ୍ରଶାନ୍ତ ସ୍ୱାଇଁ (ଲୁଲୁ), ଉଭୟ ଗୋପ ଓ ନିମାପଡା ବ୍ଲକର ମଣ୍ଡଳ ଉନ୍ନୟନ ଅଧିକାରୀମାନେ ଉପସ୍ଥିତ ରହି ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ। ମଣ୍ଡଳ ସଭାପତି ବିଜୟ କୁମାର ନାୟକ, କିଶୋର ଚନ୍ଦ୍ର ରାଉତ, ନାରୀ ନେତ୍ରୀ ସୌଦାମିନୀ

ସେନାପତି, ରାଜକିଶୋର ନାୟକ, ଯୁବ ନେତା ଅନିଲ ପରମାଣିକ, ରଞ୍ଜନ ବିଶ୍ୱାଳ ଓ ଶିବାନୀ ଶଙ୍କର ସେଠୀ, ସନ୍ତୋଷ ଭୋଳ ସମେତ ବିଭିନ୍ନ ପଞ୍ଚାୟତର ପ୍ରମୁଖ ନେତୃମଣ୍ଡଳୀ କାର୍ଯ୍ୟକ୍ରମକୁ ସୁଚାରୁରୂପେ ସମ୍ପାଦନ କରିବାରେ ସହଯୋଗ କରିଥିଲେ। ମାରାଥନ୍‌ରେ ପ୍ରଥମେ ପହଞ୍ଚିଥିବା ୨୫ ଜଣ କୃତୀ ଛାତ୍ରଛାତ୍ରୀ ଓ ଯୁବ ପ୍ରତିଯୋଗୀଙ୍କୁ ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ସ୍ୱତନ୍ତ୍ର ଭାବେ ପୁରସ୍କୃତ ଓ ସମ୍ବର୍ଦ୍ଧିତ କରିଥିଲେ। ଏଥିସହିତ ଦେଶମାତୃକାର ସେବା ପାଇଁ ଅବସରପ୍ରାପ୍ତ ସୈନିକ ସତ୍ୟ ସେନାପତିଙ୍କୁ ଏହି ମଞ୍ଚରେ ବିଶେଷ ଭାବେ ସମ୍ବର୍ଦ୍ଧିତ କରାଯାଇଥିଲା। ଗୋପ ଅଞ୍ଚଳରେ ସୁସ୍ଥତା ଏବଂ ଏକତା ବଜାୟ ରଖିବା ଦିଗରେ ‘ଉତ୍କର୍ଷ ନିମାପଡ଼ା ୨.୦’ର ଏହି ପ୍ରୟାସକୁ ସବୁ ମହଲରେ ବେଶ୍ ପ୍ରଶଂସା କରାଯାଇଛି।