“वेळीच उपाययोजना करा, अन्यथा मुंबई-पुण्यातही गंभीर परिणाम” : रोहिणी खडसे सूरतच्या परिस्थितीवरून सरकारला इशारा जळगाव : प्रतिनिधी गुजरातमधील सूरत शहरात निर्माण झालेल्या परिस्थितीवरून राज्यातील राजकारणात प्रतिक्रिया उमटू लागल्या आहेत. राष्ट्रवादी काँग्रेस पार्टी (शरदचंद्र पवार) पक्षाच्या महिला प्रदेशाध्यक्षा रोहिणी खडसे यांनी महाराष्ट्र सरकारला इशारा देत तातडीने उपाययोजना करण्याचे आवाहन केले आहे. “सूरतच्या घटनेतून धडा घ्या, अन्यथा मुंबई आणि पुण्यासारख्या शहरांनाही याचा फटका बसू शकतो,” अशी ठाम भूमिका त्यांनी मांडली आहे. सुरत येथे स्वयंपाकाच्या गॅसची टंचाई निर्माण झाल्याने स्ट्रीट फूड व्यवसाय, छोटे हॉटेल्स व ढाबे मोठ्या प्रमाणावर बंद पडत असल्याची माहिती समोर आली आहे. यामुळे हजारो व्यावसायिक आणि कामगार बेरोजगार होत असून त्यांच्या उपजीविकेचा प्रश्न निर्माण झाला आहे. याच पार्श्वभूमीवर उत्तर प्रदेश आणि बिहारमधील अनेक कामगार तसेच विद्यार्थी आपल्या गावी परतण्याचा निर्णय घेत आहेत. परिणामी, सूरत रेल्वे स्थानकावर मोठ्या प्रमाणावर गर्दी आणि लांबच लांब रांगा लागल्याचे चित्र दिसून येत आहे. या परिस्थितीचा एक व्हिडिओ सोशल मीडियावर शेअर करत खडसे यांनी तीव्र चिंता व्यक्त केली आहे. “ही दृश्य काळजाला चटका लावणारी आहेत. रोजगार आणि अन्न या दोन्ही मूलभूत गरजा हिरावल्या गेल्याने मजूर गावाकडे परतण्यास मजबूर झाले आहेत,” असे त्या म्हणाल्या. खडसे यांनी स्पष्ट केले की, काही दिवसांपूर्वी मुंबई आणि पुण्यासारख्या शहरांमध्येही हॉटेल्स, खानावळी बंद पडण्याची परिस्थिती निर्माण झाली होती. गावाकडून शिक्षण व रोजगारासाठी शहरांकडे आलेल्या युवकांना अडचणींचा सामना करावा लागला होता. “ही परिस्थिती जर वेळीच नियंत्रित केली नाही, तर महाराष्ट्रातील प्रमुख शहरांमध्येही सूरतसारखीच परिस्थिती निर्माण होऊ शकते,” असा इशाराही त्यांनी दिला आहे. राज्य सरकारवर टीका करत त्यांनी म्हटले की, परिस्थिती गंभीर असतानाही प्रशासन योग्य ती पावले उचलताना दिसत नाही. “सरकार झोपेत आहे का?” असा सवाल उपस्थित करत त्यांनी तातडीने ठोस उपाययोजना करण्याची मागणी केली आहे. यासोबतच, गरिब, कामगार आणि विद्यार्थ्यांच्या अडचणी लक्षात घेऊन त्यांना दिलासा देण्यासाठी विशेष धोरण राबवावे, असेही त्यांनी नमूद केले. सूरतमधील सद्यस्थिती ही केवळ एका शहरापुरती मर्यादित नसून, ती देशातील शहरी व्यवस्थेतील कमकुवत दुव्यांची जाणीव करून देणारी आहे. त्यामुळे राज्य सरकारने वेळ न दवडता योग्य निर्णय घेणे आवश्यक असल्याचे मत व्यक्त होत आहे.

NEWS 24 MAHARASHTRA

Media house पिंपरी चिंचवड, पुणे, महाराष्ट्र•

6 hrs ago

“वेळीच उपाययोजना करा, अन्यथा मुंबई-पुण्यातही गंभीर परिणाम” : रोहिणी खडसे सूरतच्या परिस्थितीवरून सरकारला इशारा जळगाव : प्रतिनिधी गुजरातमधील सूरत शहरात निर्माण झालेल्या परिस्थितीवरून राज्यातील राजकारणात प्रतिक्रिया उमटू लागल्या आहेत. राष्ट्रवादी काँग्रेस पार्टी (शरदचंद्र पवार) पक्षाच्या महिला प्रदेशाध्यक्षा रोहिणी खडसे यांनी महाराष्ट्र सरकारला इशारा देत तातडीने उपाययोजना करण्याचे आवाहन केले आहे. “सूरतच्या घटनेतून धडा घ्या, अन्यथा मुंबई आणि पुण्यासारख्या शहरांनाही याचा फटका बसू शकतो,” अशी ठाम भूमिका त्यांनी मांडली आहे. सुरत येथे स्वयंपाकाच्या गॅसची टंचाई निर्माण झाल्याने स्ट्रीट फूड व्यवसाय, छोटे हॉटेल्स व ढाबे मोठ्या प्रमाणावर बंद पडत असल्याची माहिती समोर आली आहे. यामुळे हजारो व्यावसायिक आणि कामगार बेरोजगार होत असून त्यांच्या उपजीविकेचा प्रश्न निर्माण झाला आहे. याच पार्श्वभूमीवर उत्तर प्रदेश आणि बिहारमधील अनेक कामगार तसेच विद्यार्थी आपल्या गावी परतण्याचा निर्णय घेत आहेत. परिणामी, सूरत रेल्वे स्थानकावर मोठ्या प्रमाणावर गर्दी आणि लांबच लांब रांगा लागल्याचे चित्र दिसून येत आहे. या परिस्थितीचा एक व्हिडिओ सोशल मीडियावर शेअर करत खडसे यांनी तीव्र चिंता व्यक्त केली आहे. “ही दृश्य काळजाला चटका लावणारी आहेत. रोजगार आणि अन्न या दोन्ही मूलभूत गरजा हिरावल्या गेल्याने मजूर गावाकडे परतण्यास मजबूर झाले आहेत,” असे त्या म्हणाल्या. खडसे यांनी स्पष्ट केले की, काही दिवसांपूर्वी मुंबई आणि पुण्यासारख्या शहरांमध्येही हॉटेल्स, खानावळी बंद पडण्याची परिस्थिती निर्माण झाली होती. गावाकडून शिक्षण व रोजगारासाठी शहरांकडे आलेल्या युवकांना अडचणींचा सामना करावा लागला होता. “ही परिस्थिती जर वेळीच नियंत्रित केली नाही, तर महाराष्ट्रातील प्रमुख शहरांमध्येही सूरतसारखीच परिस्थिती निर्माण होऊ शकते,” असा इशाराही त्यांनी दिला आहे. राज्य सरकारवर टीका करत त्यांनी म्हटले की, परिस्थिती गंभीर असतानाही प्रशासन योग्य ती पावले उचलताना दिसत नाही. “सरकार झोपेत आहे का?” असा सवाल उपस्थित करत त्यांनी तातडीने ठोस उपाययोजना करण्याची मागणी केली आहे. यासोबतच, गरिब, कामगार आणि विद्यार्थ्यांच्या अडचणी लक्षात घेऊन त्यांना दिलासा देण्यासाठी विशेष धोरण राबवावे, असेही त्यांनी नमूद केले. सूरतमधील सद्यस्थिती ही केवळ एका शहरापुरती मर्यादित नसून, ती देशातील शहरी व्यवस्थेतील कमकुवत दुव्यांची जाणीव करून देणारी आहे. त्यामुळे राज्य सरकारने वेळ न दवडता योग्य निर्णय घेणे आवश्यक असल्याचे मत व्यक्त होत आहे.