ଭୁବନେଶ୍ୱରରେ ପୂର୍ବତନ ପିପିଲି ବିଧାୟକ ଯୁଧିଷ୍ଠିର ସାମନ୍ତରାୟଙ୍କ ପୁଅ ତଥା ଲୋକପ୍ରିୟ ଯୁବନେତା ପ୍ରିୟବ୍ରତ (ରାଜା) ସାମନ୍ତରାୟ ଆଜି ହଜାର ହଜାର କର୍ମୀଙ୍କ ସହ କଂଗ୍ରେସରେ ପୁନଃ ଯୋଗ ଦେଇଛନ୍ତି। ପିସିସି ସଭାପତି ଭକ୍ତ ଚରଣ ଦାସଙ୍କ ସହ ଏକ ବାଇକ ରାଲିରେ ସେ ମିଶ୍ରଣ ପର୍ବ ସମାବେଶ ସ୍ଥଳୀକୁ ଯାଇଥିଲେ। ଏହି ସମାବେଶରେ ପିସିସି ସଭାପତି ଭକ୍ତ ଚରଣ ଦାସ, ଓଡ଼ିଶା କଂଗ୍ରେସ ସହ ପ୍ରଭାରୀ ଜେଟ୍ଟୀ କୁସୁମ କୁମାର, ପୂର୍ବତନ ମନ୍ତ୍ରୀ ଓ ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ, ବିଧାୟକ ତାରାପ୍ରସାଦ ବାହିନୀପତି, ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ ଓ ସୁଜିତ ପାଢ଼ୀ, ବରିଷ୍ଠ କଂଗ୍ରେସ ନେତା ସତ୍ୟବ୍ରତ ପାତ୍ର ଏବଂ ପିସିସି କୋଷାଧ୍ୟକ୍ଷ ସିଦ୍ଧାର୍ଥ ଦାଶ ପ୍ରମୁଖ ତାଙ୍କୁ ପୁଷ୍ପମାଲ୍ୟ ଦେଇ ଦଳକୁ ସ୍ୱାଗତ କରିଥିଲେ। ସମାବେଶରେ ଉପସ୍ଥିତ ହଜାର ହଜାର କଂଗ୍ରେସ କର୍ମୀ ଓ ସମର୍ଥକଙ୍କୁ ସମ୍ବୋଧିତ କରି ପିସିସି ସଭାପତି ଭକ୍ତ ଚରଣ ଦାସ କହିଥିଲେ ଯେ, ସ୍ୱର୍ଗତ ଯୁଧିଷ୍ଠିର ସାମନ୍ତରାୟ କେବଳ କଂଗ୍ରେସର ନୁହଁ ବରଂ ସାରା ରାଜ୍ୟର ରାଜନୀତି ଜଗତର ଜଣେ ପ୍ରଥିତଯଶା ବ୍ୟକ୍ତି ଥିଲେ। ସ୍ୱର୍ଗତ ସାମନ୍ତରାୟଙ୍କ ପୁଅ ରାଜା ସାମନ୍ତରାୟ କଂଗ୍ରେସ ପରିବାରର ସଦସ୍ୟ। ସେ ଦଳ ଛାଡ଼ି ଯାଇଥିଲେ ମଧ୍ୟ କଂଗ୍ରେସ ସବୁବେଳେ ତାଙ୍କୁ ନିଜର ବୋଲି ଭାବିଛି। ଶ୍ରୀ ଦାସ ଦୃଢ଼ୋକ୍ତି ପ୍ରକାଶ କରିଥିଲେ ଯେ ରାଜା ବାବୁଙ୍କ ଘର ବାହୁଡ଼ା ପିପିଲି ତଥା ଏହି ଅଞ୍ଚଳରେ କଂଗ୍ରେସର ପତିଆରା ନିଶ୍ଚୟ ବଢ଼ାଇବ। ଏହା ରାଜ୍ୟରେ କଂଗ୍ରେସର ବଢ଼ୁଥିବା ଲୋକପ୍ରିୟତାକୁ ଦର୍ଶାଉଛି ଏବଂ ସାଧାରଣ ଜନତା ବିଜେପି ଓ ବିଜେଡିର କୁଶାସନରେ ଅତିଷ୍ଠ ହୋଇଗଲେଣି। ଆଗାମୀ ଦିନରେ କଂଗ୍ରେସର ଯୁଗ ପୁଣି ଫେରିଆସିବ ବୋଲି ସେ ବିଶ୍ୱାସ ପ୍ରକଟ କରିଥିଲେ। ନିଜ ବକ୍ତବ୍ୟରେ ପ୍ରିୟବ୍ରତ ସାମନ୍ତରାୟ କହିଥିଲେ ଯେ, ତାଙ୍କ ହୃଦୟରେ କଂଗ୍ରେସ ସବୁବେଳେ ଥିଲା, ଅଛି ଏବଂ ରହିବ। ସେ କଂଗ୍ରେସ ଦଳର ଜଣେ ଶୃଙ୍ଖଳିତ କର୍ମୀ ଭାବରେ ସଭାପତି ଭକ୍ତ ଚରଣ ଦାସଙ୍କ ନେତୃତ୍ୱରେ ଦଳକୁ ଶକ୍ତିଶାଳୀ କରିବା ସହ ଅଞ୍ଚଳବାସୀଙ୍କ ସୁଖଦୁଃଖରେ ଭାଗୀଦାର ହୋଇ ସେମାନଙ୍କ ଅଧିକାର ପାଇଁ ଲଢ଼ିବେ। ଏହି ମିଶ୍ରଣ ପର୍ବରେ ପିସିସି ମିଡ଼ିଆ ବିଭାଗ ଅଧ୍ୟକ୍ଷ ଅରବିନ୍ଦ ଦାସ, କଂଗ୍ରେସ ଜିଲ୍ଲା ସଭାପତି ରାଜେଶ ମିଶ୍ର, କୃଷକ ସେଲ ଅଧ୍ୟକ୍ଷ ଅଭୟ ସାହୁ, କଂଗ୍ରେସ ନାରୀ ନେତ୍ରୀ ନିରୁପମା ପାତ୍ର, ନାରୀ ନେତ୍ରୀ ଶିଳ୍ପୀଶ୍ରୀ, ଯୁବ କଂଗ୍ରେସ ନେତା ମିଲନ ପଟ୍ଟନାୟକଙ୍କ ସମେତ ହଜାର ହଜାର କର୍ମକର୍ତ୍ତା ଓ ସମର୍ଥକ ଉପସ୍ଥିତ ଥିଲେ।

NEWS MANORANJAN

ଭୁବନେଶ୍ୱର, ଖୋର୍ଦ୍ଧା, ଓଡ଼ିଶା•

1 hr ago

ଭୁବନେଶ୍ୱରରେ ପୂର୍ବତନ ପିପିଲି ବିଧାୟକ ଯୁଧିଷ୍ଠିର ସାମନ୍ତରାୟଙ୍କ ପୁଅ ତଥା ଲୋକପ୍ରିୟ ଯୁବନେତା ପ୍ରିୟବ୍ରତ (ରାଜା) ସାମନ୍ତରାୟ ଆଜି ହଜାର ହଜାର କର୍ମୀଙ୍କ ସହ କଂଗ୍ରେସରେ ପୁନଃ ଯୋଗ ଦେଇଛନ୍ତି। ପିସିସି ସଭାପତି ଭକ୍ତ ଚରଣ ଦାସଙ୍କ ସହ ଏକ ବାଇକ ରାଲିରେ ସେ ମିଶ୍ରଣ ପର୍ବ ସମାବେଶ ସ୍ଥଳୀକୁ ଯାଇଥିଲେ। ଏହି ସମାବେଶରେ ପିସିସି ସଭାପତି ଭକ୍ତ ଚରଣ ଦାସ, ଓଡ଼ିଶା କଂଗ୍ରେସ ସହ ପ୍ରଭାରୀ ଜେଟ୍ଟୀ କୁସୁମ କୁମାର, ପୂର୍ବତନ ମନ୍ତ୍ରୀ ଓ ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ, ବିଧାୟକ ତାରାପ୍ରସାଦ ବାହିନୀପତି, ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ ଓ ସୁଜିତ ପାଢ଼ୀ, ବରିଷ୍ଠ କଂଗ୍ରେସ ନେତା ସତ୍ୟବ୍ରତ ପାତ୍ର ଏବଂ ପିସିସି କୋଷାଧ୍ୟକ୍ଷ ସିଦ୍ଧାର୍ଥ ଦାଶ ପ୍ରମୁଖ ତାଙ୍କୁ ପୁଷ୍ପମାଲ୍ୟ ଦେଇ ଦଳକୁ ସ୍ୱାଗତ କରିଥିଲେ। ସମାବେଶରେ ଉପସ୍ଥିତ ହଜାର ହଜାର କଂଗ୍ରେସ କର୍ମୀ ଓ ସମର୍ଥକଙ୍କୁ ସମ୍ବୋଧିତ କରି ପିସିସି ସଭାପତି ଭକ୍ତ ଚରଣ ଦାସ କହିଥିଲେ ଯେ, ସ୍ୱର୍ଗତ ଯୁଧିଷ୍ଠିର ସାମନ୍ତରାୟ କେବଳ କଂଗ୍ରେସର ନୁହଁ ବରଂ ସାରା ରାଜ୍ୟର ରାଜନୀତି ଜଗତର ଜଣେ ପ୍ରଥିତଯଶା ବ୍ୟକ୍ତି ଥିଲେ। ସ୍ୱର୍ଗତ ସାମନ୍ତରାୟଙ୍କ ପୁଅ ରାଜା ସାମନ୍ତରାୟ କଂଗ୍ରେସ ପରିବାରର ସଦସ୍ୟ। ସେ ଦଳ ଛାଡ଼ି ଯାଇଥିଲେ ମଧ୍ୟ କଂଗ୍ରେସ ସବୁବେଳେ ତାଙ୍କୁ ନିଜର ବୋଲି ଭାବିଛି। ଶ୍ରୀ ଦାସ ଦୃଢ଼ୋକ୍ତି ପ୍ରକାଶ କରିଥିଲେ ଯେ ରାଜା ବାବୁଙ୍କ ଘର ବାହୁଡ଼ା ପିପିଲି ତଥା ଏହି ଅଞ୍ଚଳରେ କଂଗ୍ରେସର ପତିଆରା ନିଶ୍ଚୟ ବଢ଼ାଇବ। ଏହା ରାଜ୍ୟରେ କଂଗ୍ରେସର ବଢ଼ୁଥିବା ଲୋକପ୍ରିୟତାକୁ ଦର୍ଶାଉଛି ଏବଂ ସାଧାରଣ ଜନତା ବିଜେପି ଓ ବିଜେଡିର କୁଶାସନରେ ଅତିଷ୍ଠ ହୋଇଗଲେଣି। ଆଗାମୀ ଦିନରେ କଂଗ୍ରେସର ଯୁଗ ପୁଣି ଫେରିଆସିବ ବୋଲି ସେ ବିଶ୍ୱାସ ପ୍ରକଟ କରିଥିଲେ। ନିଜ ବକ୍ତବ୍ୟରେ ପ୍ରିୟବ୍ରତ ସାମନ୍ତରାୟ କହିଥିଲେ ଯେ, ତାଙ୍କ ହୃଦୟରେ କଂଗ୍ରେସ ସବୁବେଳେ ଥିଲା, ଅଛି ଏବଂ ରହିବ। ସେ କଂଗ୍ରେସ ଦଳର ଜଣେ ଶୃଙ୍ଖଳିତ କର୍ମୀ ଭାବରେ ସଭାପତି ଭକ୍ତ ଚରଣ ଦାସଙ୍କ ନେତୃତ୍ୱରେ ଦଳକୁ ଶକ୍ତିଶାଳୀ କରିବା ସହ ଅଞ୍ଚଳବାସୀଙ୍କ ସୁଖଦୁଃଖରେ ଭାଗୀଦାର ହୋଇ ସେମାନଙ୍କ ଅଧିକାର ପାଇଁ ଲଢ଼ିବେ। ଏହି ମିଶ୍ରଣ ପର୍ବରେ ପିସିସି ମିଡ଼ିଆ ବିଭାଗ ଅଧ୍ୟକ୍ଷ ଅରବିନ୍ଦ ଦାସ, କଂଗ୍ରେସ ଜିଲ୍ଲା ସଭାପତି ରାଜେଶ ମିଶ୍ର, କୃଷକ ସେଲ ଅଧ୍ୟକ୍ଷ ଅଭୟ ସାହୁ, କଂଗ୍ରେସ ନାରୀ ନେତ୍ରୀ ନିରୁପମା ପାତ୍ର, ନାରୀ ନେତ୍ରୀ ଶିଳ୍ପୀଶ୍ରୀ, ଯୁବ କଂଗ୍ରେସ ନେତା ମିଲନ ପଟ୍ଟନାୟକଙ୍କ ସମେତ ହଜାର ହଜାର କର୍ମକର୍ତ୍ତା ଓ ସମର୍ଥକ ଉପସ୍ଥିତ ଥିଲେ।