केंद्रीय सशस्त्र पोलिस दलातील (CAPF) कॉन्स्टेबल पदासाठी अर्ज केलेल्या नागपूरच्या एका तरुणीला हातावरील 'हायपरट्रॉफिक स्कार' (hypertrophic scar) असल्याच्या कारणावरून वैद्यकीय दृष्ट्या अपात्र ठरवण्यात आले होते. या निर्णयाला मुंबई उच्च न्यायालयाच्या नागपूर खंडपीठाने रद्द करत संबंधित उमेदवाराला मोठा दिलासा दिला आहे. हातावरील जखमेच्या डागामुळे उमेदवाराला नोकरीसाठी अपात्र ठरवता येणार नाही, असा महत्त्वपूर्ण निर्वाळा न्यायालयाने दिला. न्यायमूर्ती वाय. जी. खोब्रागडे आणि न्यायमूर्ती सुशील घोडेस्वर यांच्या खंडपीठाने हा निर्णय दिला. कुमारी अर्चंती यांनी कर्मचारी निवड आयोगाच्या भरती प्रक्रियेतील शारीरिक चाचणी, लेखी परीक्षा आणि इतर सर्व टप्पे यशस्वीरित्या पूर्ण केले होते. त्यानंतर झालेल्या वैद्यकीय तपासणीत, तसेच पुनर्वैद्यकीय तपासणीतही त्यांच्या उजव्या हातावरील 'हायपरट्रॉफिक स्कार'चे कारण देत त्यांची उमेदवारी नाकारण्यात आली. याचिकाकर्तीने न्यायालयात दावा केला की, एम्स नागपूरच्या वैद्यकीय अहवालानुसार हा व्रण संसर्गजन्य नसून उपचारक्षम आहे. तसेच, भरती जाहिरातीमध्ये अशा प्रकारच्या व्रणाचा अपात्रतेच्या निकषांमध्ये कोणताही उल्लेख नव्हता. या सुनावणीदरम्यान, न्यायालयाने यापूर्वीच्या विविध न्यायालयीन निर्णयांचा संदर्भ देत स्पष्ट केले की, केलॉइड (keloid) किंवा 'हायपरट्रॉफिक स्कार' हा कार्यक्षमतेवर परिणाम करणारा शारीरिक दोष मानला जात नाही. त्यामुळे केवळ या कारणावरून उमेदवाराला अपात्र ठरवणे योग्य नाही. खंडपीठाने १३ नोव्हेंबर २०२४ रोजीच्या पुनर्वैद्यकीय मंडळाच्या अहवालाला रद्द ठरवले. तसेच, याचिकाकर्ती इतर सर्व निकषांमध्ये पात्र असल्यास तिच्या उमेदवारीचा पुनर्विचार करण्याचे निर्देश संबंधित यंत्रणेला दिले. हा निर्णय केंद्रीय सुरक्षा दलांच्या भरती प्रक्रियेतील वैद्यकीय अपात्रतेच्या निकषांबाबत महत्त्वाचा न्यायनिवाडा ठरला आहे. या निर्णयामुळे अशाच कारणांमुळे अपात्र ठरलेल्या इतर उमेदवारांनाही दिलासा मिळण्याची शक्यता व्यक्त होत आहे. या प्रकरणात पीडित तरुणीची बाजू अँड. राजेंद्र साहू, अँड. गुरप्रीतसिंग चंडोक आणि अँड. गौरव साहू यांनी मांडली.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

3 hrs ago

केंद्रीय सशस्त्र पोलिस दलातील (CAPF) कॉन्स्टेबल पदासाठी अर्ज केलेल्या नागपूरच्या एका तरुणीला हातावरील 'हायपरट्रॉफिक स्कार' (hypertrophic scar) असल्याच्या कारणावरून वैद्यकीय दृष्ट्या अपात्र ठरवण्यात आले होते. या निर्णयाला मुंबई उच्च न्यायालयाच्या नागपूर खंडपीठाने रद्द करत संबंधित उमेदवाराला मोठा दिलासा दिला आहे. हातावरील जखमेच्या डागामुळे उमेदवाराला नोकरीसाठी अपात्र ठरवता येणार नाही, असा महत्त्वपूर्ण निर्वाळा न्यायालयाने दिला. न्यायमूर्ती वाय. जी. खोब्रागडे आणि न्यायमूर्ती सुशील घोडेस्वर यांच्या खंडपीठाने हा निर्णय दिला. कुमारी अर्चंती यांनी कर्मचारी निवड आयोगाच्या भरती प्रक्रियेतील शारीरिक चाचणी, लेखी परीक्षा आणि इतर सर्व टप्पे यशस्वीरित्या पूर्ण केले होते. त्यानंतर झालेल्या वैद्यकीय तपासणीत, तसेच पुनर्वैद्यकीय तपासणीतही त्यांच्या उजव्या हातावरील 'हायपरट्रॉफिक स्कार'चे कारण देत त्यांची उमेदवारी नाकारण्यात आली. याचिकाकर्तीने न्यायालयात दावा केला की, एम्स नागपूरच्या वैद्यकीय अहवालानुसार हा व्रण संसर्गजन्य नसून उपचारक्षम आहे. तसेच, भरती जाहिरातीमध्ये अशा प्रकारच्या व्रणाचा अपात्रतेच्या निकषांमध्ये कोणताही उल्लेख नव्हता. या सुनावणीदरम्यान, न्यायालयाने यापूर्वीच्या विविध न्यायालयीन निर्णयांचा संदर्भ देत स्पष्ट केले की, केलॉइड (keloid) किंवा 'हायपरट्रॉफिक स्कार' हा कार्यक्षमतेवर परिणाम करणारा शारीरिक दोष मानला जात नाही. त्यामुळे केवळ या कारणावरून उमेदवाराला अपात्र ठरवणे योग्य नाही. खंडपीठाने १३ नोव्हेंबर २०२४ रोजीच्या पुनर्वैद्यकीय मंडळाच्या अहवालाला रद्द ठरवले. तसेच, याचिकाकर्ती इतर सर्व निकषांमध्ये पात्र असल्यास तिच्या उमेदवारीचा पुनर्विचार करण्याचे निर्देश संबंधित यंत्रणेला दिले. हा निर्णय केंद्रीय सुरक्षा दलांच्या भरती प्रक्रियेतील वैद्यकीय अपात्रतेच्या निकषांबाबत महत्त्वाचा न्यायनिवाडा ठरला आहे. या निर्णयामुळे अशाच कारणांमुळे अपात्र ठरलेल्या इतर उमेदवारांनाही दिलासा मिळण्याची शक्यता व्यक्त होत आहे. या प्रकरणात पीडित तरुणीची बाजू अँड. राजेंद्र साहू, अँड. गुरप्रीतसिंग चंडोक आणि अँड. गौरव साहू यांनी मांडली.