येवला तालुक्यातील रेल्वे गेट क्रमांक ७७, ७६ आणि ७४ वरील वाहतूक कोंडीची समस्या लवकरच सुटणार आहे. मंत्रालयात अन्न व नागरी पुरवठा मंत्री छगन भुजबळ आणि सार्वजनिक बांधकाम मंत्री शिवेंद्रराजे भोसले यांच्या उपस्थितीत झालेल्या बैठकीत या तीन उड्डाणपुलांच्या (ROB) कामांना मंजुरी देण्यात आली. मध्य रेल्वेच्या २०२६-२७ मधील 'अंब्रेला योजने'तून या कामांसाठी जून महिन्यात १३६.७९ कोटी रुपयांचा निधी उपलब्ध करून दिला जाणार आहे. दौंड-मनमाड मार्गावर मोठ्या प्रमाणात रेल्वे वाहतूक असल्याने या गेटवर सतत ट्रॅफिक जॅम होतो. विशेषतः नगरसूल स्थानकावर उतरणाऱ्या साईभक्तांना शिर्डीकडे जाताना गेट क्र. ७७ मुळे मोठा त्रास सहन करावा लागत होता. या बैठकीत रेल्वे प्रशासनाने सांगितले की, प्रकल्पाचे आराखडे पूर्ण झाले असून जूनपासून कामाला गती मिळेल. मंत्री शिवेंद्रराजे भोसले यांनी भूसंपादन व इतर तांत्रिक कामांसाठी राज्य सरकारकडून पूर्ण सहकार्य करण्याचे निर्देश दिले आहेत. यावेळी माजी खासदार समीर भुजबळ व सार्वजनिक बांधकाम विभागाचे वरिष्ठ अधिकारी उपस्थित होते. ब्युरो रिपोर्ट सचिन वखारे येवला

Sachin Dilip Wakhare

Reporter येवला, नाशिक, महाराष्ट्र•

16 hrs ago