జమ్మికుంట మున్సిపాలిటీలో వైకుంఠ రథం పేరుతో జరుగుతున్న వసూళ్లపై ప్రజల్లో తీవ్ర ఆగ్రహం వ్యక్తమవుతోంది. ఒక కుటుంబంలో మరణం సంభవించి తీవ్ర విషాదంలో ఉన్న సమయంలో, అంతిమయాత్ర కోసం ఉపయోగించే వైకుంఠ రథానికి రూ.1000 చొప్పున వసూలు చేస్తున్నారనే ఆరోపణలు వెల్లువెత్తుతున్నాయి. ఈ వసూళ్లు అధికారిక రసీదులతో జరుగుతున్నాయా, మున్సిపాలిటీ ఖాతాల్లో జమ అవుతున్నాయా, లేక ప్రజల దుఃఖాన్ని అవకాశంగా మార్చుకొని కొందరు వ్యక్తులు అక్రమంగా డబ్బులు వసూలు చేస్తున్నారా అనే ప్రశ్నలు తలెత్తుతున్నాయి. ప్రజల పన్నుల డబ్బుతో కొనుగోలు చేసిన లేదా ప్రజా సేవ కోసం ఏర్పాటు చేసిన వైకుంఠ రథాలు సేవ కోసమా, ఆదాయం కోసమా అని ప్రజలు నిలదీస్తున్నారు. మనిషి చనిపోతే "శివైక్యం పొందాడు" అని గౌరవించే సంస్కృతిలో, అదే శవాన్ని ఆధారంగా చేసుకొని డబ్బులు వసూలు చేయడం మానవత్వానికే మచ్చ అని, బాధలో ఉన్న కుటుంబాల కన్నీళ్లపై సంపాదించే ప్రతి రూపాయి సమాజానికి సిగ్గుచేటు అని తీవ్ర ఆవేదన వ్యక్తం అవుతోంది. ఈ వ్యవహారంపై జిల్లా కలెక్టర్, మున్సిపల్ అధికారులు, విజిలెన్స్ శాఖ, అవినీతి నిరోధక శాఖ వెంటనే స్పందించి సమగ్ర విచారణ జరపాలని డిమాండ్ చేస్తున్నారు. ప్రజల నుండి ఒక్క రూపాయి వసూలు చేసినా, దానికి సంబంధించిన పూర్తి వివరాలను బహిర్గతం చేయాలని, అక్రమాలు జరిగి ఉంటే బాధ్యులపై కఠిన చర్యలు తీసుకోవాలని కోరుతున్నారు. మరణం వ్యాపారం కాదని, అంతిమయాత్ర ఆదాయ మార్గం కాదని, మానవత్వం ముందు డబ్బు చిన్నదని పేర్కొంటూ, శవాలపై వసూళ్లు ఆపి ప్రజా సేవలను ప్రజలకే అందించాలని జమ్మికుంట పట్టణ మహిళా కాంగ్రెస్ పార్టీ అధ్యక్షులు పూదరి రేణుక శివకుమార్ గౌడ్ గారు ఉద్ఘాటించారు.

PUDHARI RENUKA GOUD

జమ్మికుంట, కరీంనగర్, తెలంగాణ•

5 hrs ago

జమ్మికుంట మున్సిపాలిటీలో వైకుంఠ రథం పేరుతో జరుగుతున్న వసూళ్లపై ప్రజల్లో తీవ్ర ఆగ్రహం వ్యక్తమవుతోంది. ఒక కుటుంబంలో మరణం సంభవించి తీవ్ర విషాదంలో ఉన్న సమయంలో, అంతిమయాత్ర కోసం ఉపయోగించే వైకుంఠ రథానికి రూ.1000 చొప్పున వసూలు చేస్తున్నారనే ఆరోపణలు వెల్లువెత్తుతున్నాయి. ఈ వసూళ్లు అధికారిక రసీదులతో జరుగుతున్నాయా, మున్సిపాలిటీ ఖాతాల్లో జమ అవుతున్నాయా, లేక ప్రజల దుఃఖాన్ని అవకాశంగా మార్చుకొని కొందరు వ్యక్తులు అక్రమంగా డబ్బులు వసూలు చేస్తున్నారా అనే ప్రశ్నలు తలెత్తుతున్నాయి. ప్రజల పన్నుల డబ్బుతో కొనుగోలు చేసిన లేదా ప్రజా సేవ కోసం ఏర్పాటు చేసిన వైకుంఠ రథాలు సేవ కోసమా, ఆదాయం కోసమా అని ప్రజలు నిలదీస్తున్నారు. మనిషి చనిపోతే "శివైక్యం పొందాడు" అని గౌరవించే సంస్కృతిలో, అదే శవాన్ని ఆధారంగా చేసుకొని డబ్బులు వసూలు చేయడం మానవత్వానికే మచ్చ అని, బాధలో ఉన్న కుటుంబాల కన్నీళ్లపై సంపాదించే ప్రతి రూపాయి సమాజానికి సిగ్గుచేటు అని తీవ్ర ఆవేదన వ్యక్తం అవుతోంది. ఈ వ్యవహారంపై జిల్లా కలెక్టర్, మున్సిపల్ అధికారులు, విజిలెన్స్ శాఖ, అవినీతి నిరోధక శాఖ వెంటనే స్పందించి సమగ్ర విచారణ జరపాలని డిమాండ్ చేస్తున్నారు. ప్రజల నుండి ఒక్క రూపాయి వసూలు చేసినా, దానికి సంబంధించిన పూర్తి వివరాలను బహిర్గతం చేయాలని, అక్రమాలు జరిగి ఉంటే బాధ్యులపై కఠిన చర్యలు తీసుకోవాలని కోరుతున్నారు. మరణం వ్యాపారం కాదని, అంతిమయాత్ర ఆదాయ మార్గం కాదని, మానవత్వం ముందు డబ్బు చిన్నదని పేర్కొంటూ, శవాలపై వసూళ్లు ఆపి ప్రజా సేవలను ప్రజలకే అందించాలని జమ్మికుంట పట్టణ మహిళా కాంగ్రెస్ పార్టీ అధ్యక్షులు పూదరి రేణుక శివకుమార్ గౌడ్ గారు ఉద్ఘాటించారు.