କେନ୍ଦୁଝରଗଡ଼ ପୌରପାଳିକାର ୯ ନମ୍ବର ୱାର୍ଡ ଅନ୍ତର୍ଗତ ଜଗନ୍ନାଥପୁର ସାହିରେ ରାସ୍ତା କାମ ଦୀର୍ଘ ମାସ ଧରି ଅସମ୍ପୂର୍ଣ୍ଣ ହୋଇ ପଡ଼ିରହିଛି। ଏହାର ଫଳସ୍ୱରୂପ, ବର୍ଷା ଜଳ ରାସ୍ତାରେ ଜମି ନାଳରେ ପରିଣତ ହୋଇଛି, ଯାହାଦ୍ୱାରା ଲୋକମାନେ ପାଣିରେ ପଶି ଯାତାୟାତ କରିବାକୁ ବାଧ୍ୟ ହେଉଛନ୍ତି। ବିଶେଷକରି ପଥଚାରୀମାନେ ଅକଥନୀୟ ଦୁର୍ଦ୍ଦଶା ଭୋଗୁଛନ୍ତି। ସାହିର ଏହି ରାସ୍ତାରେ ପେଭର ପକାଇ ନିର୍ମାଣ କରିବା ପାଇଁ ଟେଣ୍ଡର ହୋଇଥିଲେ ମଧ୍ୟ କାମ ଆରମ୍ଭ ହେବା ପରେ ପ୍ରାୟ ଦୁଇ ମାସ ଧରି ବନ୍ଦ ରହିଛି। ରାସ୍ତାରେ ଚିପ୍ସ, ବାଲି ଏବଂ ମୋରମ ପଡ଼ିରହିଛି। ସାମାନ୍ୟ ବର୍ଷା ହେଲେ ପାଣି ଜମି ରହୁଛି ଏବଂ ଆଗକୁ ବର୍ଷା ଦିନ ଆସୁଥିବାରୁ କାମ ନ ସରିଲେ ଭୟାବହ ପରିସ୍ଥିତି ଉପୁଜିବ ବୋଲି ଶତାଧିକ ପରିବାର ଚିନ୍ତାରେ ଅଛନ୍ତି। ବର୍ଷା ଦିନରେ ଜଳ ନିଷ୍କାସିତ ହୋଇ ନ ପାରି ରାସ୍ତାରେ ଜମା ହୋଇ ରହିବା ସହ ଲୋକଙ୍କ ଘର ଭିତରେ ପଶିବାର ଆଶଙ୍କା ପ୍ରକାଶ ପାଇଛି। ରାସ୍ତା ନିର୍ମାଣରେ ବିଳମ୍ବ ହେତୁ ପରିବେଶ ପ୍ରଦୂଷିତ ହେଉଛି ଏବଂ ଲୋକମାନେ ମଇଳା ଆବର୍ଜନା ପାଣିରେ ଯିବା ଆସିବା କରୁଛନ୍ତି। ଏହାବ୍ୟତୀତ, କେତେକ ବ୍ୟକ୍ତି ରାସ୍ତାକୁ ଜବରଦଖଲ କରି ପାଚେରୀ ନିର୍ମାଣ କରିଥିଲେ ମଧ୍ୟ ସେଗୁଡ଼ିକୁ ଉଚ୍ଛେଦ କରାଯାଉ ନାହିଁ, ଯାହାଦ୍ୱାରା ରାସ୍ତା ସଙ୍କୁଚିତ ହୋଇପଡ଼ିଛି ଏବଂ ଡ୍ରେନ ନିର୍ମାଣ ହୋଇପାରୁ ନାହିଁ। ଏଣୁ, ସ୍ଥାନୀୟ ଲୋକମାନେ ଜବରଦଖଲ ଉଚ୍ଛେଦ କରି ରାସ୍ତା ପ୍ରଶସ୍ତୀକରଣ କରିବା ସହ ସ୍ଥାୟୀ ଡ୍ରେନେଜ ବ୍ୟବସ୍ଥା କରିବାକୁ ଦାବି କରିଛନ୍ତି। ବାରମ୍ବାର ଅଭିଯୋଗ ସତ୍ତ୍ୱେ କେହି ଶୁଣୁ ନ ଥିବାରୁ ସାହି ବାସିନ୍ଦା ଜିଲ୍ଲାପାଳଙ୍କୁ ତୁରନ୍ତ ଏ ଦିଗରେ ପଦକ୍ଷେପ ନେବାକୁ ନିବେଦନ କରିଛନ୍ତି, ଯାହାଦ୍ୱାରା ବର୍ଷା ଦିନ ପୂର୍ବରୁ ରାସ୍ତା ନିର୍ମାଣ କାମ ସମାପ୍ତ ହୋଇ ଏକ ସୁଦୃଢ଼ ଯାତାୟାତ ବ୍ୟବସ୍ଥା ସୃଷ୍ଟି ହୋଇପାରିବ।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

7 hrs ago

କେନ୍ଦୁଝରଗଡ଼ ପୌରପାଳିକାର ୯ ନମ୍ବର ୱାର୍ଡ ଅନ୍ତର୍ଗତ ଜଗନ୍ନାଥପୁର ସାହିରେ ରାସ୍ତା କାମ ଦୀର୍ଘ ମାସ ଧରି ଅସମ୍ପୂର୍ଣ୍ଣ ହୋଇ ପଡ଼ିରହିଛି। ଏହାର ଫଳସ୍ୱରୂପ, ବର୍ଷା ଜଳ ରାସ୍ତାରେ ଜମି ନାଳରେ ପରିଣତ ହୋଇଛି, ଯାହାଦ୍ୱାରା ଲୋକମାନେ ପାଣିରେ ପଶି ଯାତାୟାତ କରିବାକୁ ବାଧ୍ୟ ହେଉଛନ୍ତି। ବିଶେଷକରି ପଥଚାରୀମାନେ ଅକଥନୀୟ ଦୁର୍ଦ୍ଦଶା ଭୋଗୁଛନ୍ତି। ସାହିର ଏହି ରାସ୍ତାରେ ପେଭର ପକାଇ ନିର୍ମାଣ କରିବା ପାଇଁ ଟେଣ୍ଡର ହୋଇଥିଲେ ମଧ୍ୟ କାମ ଆରମ୍ଭ ହେବା ପରେ ପ୍ରାୟ ଦୁଇ ମାସ ଧରି ବନ୍ଦ ରହିଛି। ରାସ୍ତାରେ ଚିପ୍ସ, ବାଲି ଏବଂ ମୋରମ ପଡ଼ିରହିଛି। ସାମାନ୍ୟ ବର୍ଷା ହେଲେ ପାଣି ଜମି ରହୁଛି ଏବଂ ଆଗକୁ ବର୍ଷା ଦିନ ଆସୁଥିବାରୁ କାମ ନ ସରିଲେ ଭୟାବହ ପରିସ୍ଥିତି ଉପୁଜିବ ବୋଲି ଶତାଧିକ ପରିବାର ଚିନ୍ତାରେ ଅଛନ୍ତି। ବର୍ଷା ଦିନରେ ଜଳ ନିଷ୍କାସିତ ହୋଇ ନ ପାରି ରାସ୍ତାରେ ଜମା ହୋଇ ରହିବା ସହ ଲୋକଙ୍କ ଘର ଭିତରେ ପଶିବାର ଆଶଙ୍କା ପ୍ରକାଶ ପାଇଛି। ରାସ୍ତା ନିର୍ମାଣରେ ବିଳମ୍ବ ହେତୁ ପରିବେଶ ପ୍ରଦୂଷିତ ହେଉଛି ଏବଂ ଲୋକମାନେ ମଇଳା ଆବର୍ଜନା ପାଣିରେ ଯିବା ଆସିବା କରୁଛନ୍ତି। ଏହାବ୍ୟତୀତ, କେତେକ ବ୍ୟକ୍ତି ରାସ୍ତାକୁ ଜବରଦଖଲ କରି ପାଚେରୀ ନିର୍ମାଣ କରିଥିଲେ ମଧ୍ୟ ସେଗୁଡ଼ିକୁ ଉଚ୍ଛେଦ କରାଯାଉ ନାହିଁ, ଯାହାଦ୍ୱାରା ରାସ୍ତା ସଙ୍କୁଚିତ ହୋଇପଡ଼ିଛି ଏବଂ ଡ୍ରେନ ନିର୍ମାଣ ହୋଇପାରୁ ନାହିଁ। ଏଣୁ, ସ୍ଥାନୀୟ ଲୋକମାନେ ଜବରଦଖଲ ଉଚ୍ଛେଦ କରି ରାସ୍ତା ପ୍ରଶସ୍ତୀକରଣ କରିବା ସହ ସ୍ଥାୟୀ ଡ୍ରେନେଜ ବ୍ୟବସ୍ଥା କରିବାକୁ ଦାବି କରିଛନ୍ତି। ବାରମ୍ବାର ଅଭିଯୋଗ ସତ୍ତ୍ୱେ କେହି ଶୁଣୁ ନ ଥିବାରୁ ସାହି ବାସିନ୍ଦା ଜିଲ୍ଲାପାଳଙ୍କୁ ତୁରନ୍ତ ଏ ଦିଗରେ ପଦକ୍ଷେପ ନେବାକୁ ନିବେଦନ କରିଛନ୍ତି, ଯାହାଦ୍ୱାରା ବର୍ଷା ଦିନ ପୂର୍ବରୁ ରାସ୍ତା ନିର୍ମାଣ କାମ ସମାପ୍ତ ହୋଇ ଏକ ସୁଦୃଢ଼ ଯାତାୟାତ ବ୍ୟବସ୍ଥା ସୃଷ୍ଟି ହୋଇପାରିବ।