ములుగు జిల్లా కాంగ్రెస్ పార్టీ అధ్యక్షుడు పైడాకుల అశోక్, మంత్రి సీతక్కపై అసత్య ప్రచారాలు చేస్తే తరిమి తరిమి కొడతామని హెచ్చరించారు. ఆదివారం ములుగు డి.ఎల్.ఆర్. గార్డెన్స్‌లో జరిగిన విలేకరుల సమావేశంలో ఆయన మాట్లాడుతూ, గుంటూరు సతీష్ రెడ్డి హైదరాబాద్ నుంచి వచ్చి నెలకోసారి గిరిజన ఆడబిడ్డ సీతక్కపై బురద చల్లుతున్నాడని మండిపడ్డారు. పైడాకుల అశోక్, సతీష్ రెడ్డిని ఉద్దేశించి “12 కోట్ల క్యూబిక్ మీటర్ల ఇసుక దందా, నాలుగు వేల కోట్ల అక్రమ సంపాదన అన్నావ్. దమ్ముంటే నిరూపించు. రేపు ఉదయం 11 గంటలకు మేడారం సమ్మక్క సారలమ్మ సన్నిధికి రా. నువ్వు రాకపోతే మీ కేటీఆర్‌ను పంపించు. ఆధారాలతో బహిరంగ చర్చకు నేను సిద్ధం” అని సవాల్ విసిరారు. ములుగు జిల్లాలో ఇసుక రవాణా అంతా అనుమతులతోనే జరుగుతోందని, గిరిజనుల అభివృద్ధి లక్ష్యంగా ఇసుక సొసైటీలకు అనుమతులు ఇచ్చామని అశోక్ స్పష్టం చేశారు. సీతమ్మ సాగర్ ప్రాజెక్టు సిల్ట్‌కు అనుమతులు ఇచ్చిందే బీఆర్ఎస్ ప్రభుత్వమని, ప్రాజెక్టు కట్టాలంటే ముందు సిల్ట్ తీయాలన్న కనీస అవగాహన కూడా సతీష్ రెడ్డికి లేదని ఎద్దేవా చేశారు. ఆయన ఇంకా మాట్లాడుతూ, “బ్రతుకుదెరువు కోసం గుంటూరు నుంచి వచ్చిన నీకు లగ్జరీ కార్లు, ఇళ్లు, ప్లాట్లు ఎక్కడివి? మంత్రి సీతక్క గారు నిత్యం ప్రజా సేవలో ఉంటారు. కష్టమన్న ప్రతి ఇంటి గడప తొక్కిన వ్యక్తి. అలాంటి నాయకురాలిపై కారు కూతలు కూస్తే నాలుక చీరుతాం. ములుగు గడ్డ మీద అడుగు పెట్టకుండా తరిమికొడతాం” అని తీవ్రంగా హెచ్చరించారు. లిక్కర్ స్కాంలో జైలుకు వెళ్లొచ్చిన కల్వకుంట్ల కవిత సైతం సీతక్క గురించి మాట్లాడటం దారుణమని అశోక్ విమర్శించారు, “నీ స్థాయి ఏంటో మరిచిపోయి మాట్లాడకు” అని సూచించారు. సతీష్ రెడ్డికి ములుగు జిల్లాకు సంబంధం ఏంటని ప్రశ్నించిన అశోక్, పదేళ్లు అధికారంలో ఉన్నప్పుడు జిల్లా ప్రజలకు గానీ, కార్యకర్తలకు గానీ ఏనాడూ సహాయం చేయలేదని, సమస్యలను కేసీఆర్, కేటీఆర్ దృష్టికి తీసుకెళ్లలేదని ఆరోపించారు. ఈ కార్యక్రమంలో ములుగు గ్రంథాలయ సంస్థ చైర్మన్ బానోత్ రవిచందర్, వ్యవసాయ మార్కెట్ కమిటీ చైర్మన్ రేగ కళ్యాణి, స్టేట్ డైరెక్టర్ బైరెడ్డి భగవాన్ రెడ్డి, జిల్లా, మండల, గ్రామ స్థాయి కాంగ్రెస్ నాయకులు, ప్రజాప్రతినిధులు, యూత్, మహిళా నాయకులు, కార్యకర్తలు పాల్గొన్నారు.

Chunchu Ramesh

Insurance Agent ములుగు, ములుగు, తెలంగాణ•

4 hrs ago

ములుగు జిల్లా కాంగ్రెస్ పార్టీ అధ్యక్షుడు పైడాకుల అశోక్, మంత్రి సీతక్కపై అసత్య ప్రచారాలు చేస్తే తరిమి తరిమి కొడతామని హెచ్చరించారు. ఆదివారం ములుగు డి.ఎల్.ఆర్. గార్డెన్స్‌లో జరిగిన విలేకరుల సమావేశంలో ఆయన మాట్లాడుతూ, గుంటూరు సతీష్ రెడ్డి హైదరాబాద్ నుంచి వచ్చి నెలకోసారి గిరిజన ఆడబిడ్డ సీతక్కపై బురద చల్లుతున్నాడని మండిపడ్డారు. పైడాకుల అశోక్, సతీష్ రెడ్డిని ఉద్దేశించి “12 కోట్ల క్యూబిక్ మీటర్ల ఇసుక దందా, నాలుగు వేల కోట్ల అక్రమ సంపాదన అన్నావ్. దమ్ముంటే నిరూపించు. రేపు ఉదయం 11 గంటలకు మేడారం సమ్మక్క సారలమ్మ సన్నిధికి రా. నువ్వు రాకపోతే మీ కేటీఆర్‌ను పంపించు. ఆధారాలతో బహిరంగ చర్చకు నేను సిద్ధం” అని సవాల్ విసిరారు. ములుగు

జిల్లాలో ఇసుక రవాణా అంతా అనుమతులతోనే జరుగుతోందని, గిరిజనుల అభివృద్ధి లక్ష్యంగా ఇసుక సొసైటీలకు అనుమతులు ఇచ్చామని అశోక్ స్పష్టం చేశారు. సీతమ్మ సాగర్ ప్రాజెక్టు సిల్ట్‌కు అనుమతులు ఇచ్చిందే బీఆర్ఎస్ ప్రభుత్వమని, ప్రాజెక్టు కట్టాలంటే ముందు సిల్ట్ తీయాలన్న కనీస అవగాహన కూడా సతీష్ రెడ్డికి లేదని ఎద్దేవా చేశారు. ఆయన ఇంకా మాట్లాడుతూ, “బ్రతుకుదెరువు కోసం గుంటూరు నుంచి వచ్చిన నీకు లగ్జరీ కార్లు, ఇళ్లు, ప్లాట్లు ఎక్కడివి? మంత్రి సీతక్క గారు నిత్యం ప్రజా సేవలో ఉంటారు. కష్టమన్న ప్రతి ఇంటి గడప తొక్కిన వ్యక్తి. అలాంటి నాయకురాలిపై కారు కూతలు కూస్తే నాలుక చీరుతాం. ములుగు గడ్డ మీద అడుగు పెట్టకుండా తరిమికొడతాం” అని

తీవ్రంగా హెచ్చరించారు. లిక్కర్ స్కాంలో జైలుకు వెళ్లొచ్చిన కల్వకుంట్ల కవిత సైతం సీతక్క గురించి మాట్లాడటం దారుణమని అశోక్ విమర్శించారు, “నీ స్థాయి ఏంటో మరిచిపోయి మాట్లాడకు” అని సూచించారు. సతీష్ రెడ్డికి ములుగు జిల్లాకు సంబంధం ఏంటని ప్రశ్నించిన అశోక్, పదేళ్లు అధికారంలో ఉన్నప్పుడు జిల్లా ప్రజలకు గానీ, కార్యకర్తలకు గానీ ఏనాడూ సహాయం చేయలేదని, సమస్యలను కేసీఆర్, కేటీఆర్ దృష్టికి తీసుకెళ్లలేదని ఆరోపించారు. ఈ కార్యక్రమంలో ములుగు గ్రంథాలయ సంస్థ చైర్మన్ బానోత్ రవిచందర్, వ్యవసాయ మార్కెట్ కమిటీ చైర్మన్ రేగ కళ్యాణి, స్టేట్ డైరెక్టర్ బైరెడ్డి భగవాన్ రెడ్డి, జిల్లా, మండల, గ్రామ స్థాయి కాంగ్రెస్ నాయకులు, ప్రజాప్రతినిధులు, యూత్, మహిళా నాయకులు, కార్యకర్తలు పాల్గొన్నారు.