नागपूरचे ज्येष्ठ समाजसेवक प्रभाकर मनोहर शिंदे यांची २० जून रोजी प्रतिष्ठित 'राजर्षी शाहू महाराज सामाजिक न्याय पुरस्कार २०२६' साठी निवड करण्यात आली आहे. सामाजिक, शैक्षणिक आणि जनकल्याणाच्या क्षेत्रात केलेल्या उल्लेखनीय आणि सातत्यपूर्ण योगदानाबद्दल त्यांना हा सन्मान जाहीर झाला आहे. राज्यस्तरीय सामाजिक न्याय परिषद २०२६ अंतर्गत विदर्भ विभागातून शिंदे यांना हा मानाचा पुरस्कार प्रदान करण्यात येणार आहे. विवेक विचार मंच, विदर्भ प्रांताचे पालक सुनील कीटकरू आणि राजू छाया साळवे यांनी प्रभाकर शिंदे यांची भेट घेऊन त्यांना या निवडीची अधिकृत माहिती दिली आणि त्यांचे अभिनंदन केले. हा पुरस्कार २८ जून रोजी रायगड जिल्ह्यातील महाड येथे आयोजित विशेष समारंभात प्रदान केला जाईल, असेही यावेळी सांगण्यात आले. याप्रसंगी विवेक विचार मंचने प्रभाकर शिंदे यांचा पुष्पगुच्छ देऊन विशेष सत्कार केला. त्यांच्या सामाजिक न्याय, शिक्षण आणि जनहिताच्या कार्याची दखल म्हणून हा पुरस्कार मिळाल्याचे नमूद करत, त्यांच्या पुढील वाटचालीस शुभेच्छाही देण्यात आल्या. या गौरवपूर्ण निवडीमुळे नागपूरसह संपूर्ण विदर्भातील सामाजिक क्षेत्रात आनंदाचे वातावरण असून, विविध सामाजिक, शैक्षणिक आणि राजकीय क्षेत्रातील मान्यवरांकडून त्यांच्यावर अभिनंदनाचा वर्षाव होत आहे. हा पुरस्कार त्यांच्या दीर्घकाळ केलेल्या समाजसेवेचा सन्मान मानला जात आहे.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

6 hrs ago

नागपूरचे ज्येष्ठ समाजसेवक प्रभाकर मनोहर शिंदे यांची २० जून रोजी प्रतिष्ठित 'राजर्षी शाहू महाराज सामाजिक न्याय पुरस्कार २०२६' साठी निवड करण्यात आली आहे. सामाजिक, शैक्षणिक आणि जनकल्याणाच्या क्षेत्रात केलेल्या उल्लेखनीय आणि सातत्यपूर्ण योगदानाबद्दल त्यांना हा सन्मान जाहीर झाला आहे. राज्यस्तरीय सामाजिक न्याय परिषद २०२६ अंतर्गत विदर्भ विभागातून शिंदे यांना हा मानाचा पुरस्कार प्रदान करण्यात येणार आहे. विवेक विचार मंच, विदर्भ प्रांताचे पालक सुनील कीटकरू आणि राजू छाया साळवे यांनी प्रभाकर शिंदे यांची भेट घेऊन त्यांना या निवडीची अधिकृत माहिती दिली आणि त्यांचे अभिनंदन केले. हा पुरस्कार २८ जून रोजी रायगड जिल्ह्यातील महाड येथे आयोजित विशेष समारंभात प्रदान केला जाईल, असेही यावेळी सांगण्यात आले. याप्रसंगी विवेक विचार मंचने प्रभाकर शिंदे यांचा पुष्पगुच्छ देऊन विशेष सत्कार केला. त्यांच्या सामाजिक न्याय, शिक्षण आणि जनहिताच्या कार्याची दखल म्हणून हा पुरस्कार मिळाल्याचे नमूद करत, त्यांच्या पुढील वाटचालीस शुभेच्छाही देण्यात आल्या. या गौरवपूर्ण निवडीमुळे नागपूरसह संपूर्ण विदर्भातील सामाजिक क्षेत्रात आनंदाचे वातावरण असून, विविध सामाजिक, शैक्षणिक आणि राजकीय क्षेत्रातील मान्यवरांकडून त्यांच्यावर अभिनंदनाचा वर्षाव होत आहे. हा पुरस्कार त्यांच्या दीर्घकाळ केलेल्या समाजसेवेचा सन्मान मानला जात आहे.