ആലുവ ജില്ലാ ആശുപത്രിയിൽ പ്രതിരോധ കുത്തിവെപ്പിന് പിന്നാലെ ആറ് മാസം പ്രായമുള്ള കുഞ്ഞിന് പാരസെറ്റാമോൾ മരുന്ന് ഓവർഡോസ് നൽകിയതായി പരാതി. സംഭവത്തിൽ ഡ്യൂട്ടിയിലുണ്ടായിരുന്ന ഡോക്ടർക്കെതിരെ ആലുവ വെസ്റ്റ് പൊലീസ് കേസെടുത്തു. ഒരാഴ്ച മുൻപാണ് മാതാപിതാക്കൾ കുഞ്ഞിന് പ്രതിരോധ കുത്തിവെപ്പ് എടുക്കുന്നതിനായി ആലുവ ജില്ലാ ആശുപത്രിയിൽ എത്തിയത്. കുത്തിവെപ്പിന് ശേഷം ഡോക്ടർ നിർദ്ദേശിച്ച പാരസെറ്റാമോൾ മരുന്നിന്റെ അളവ് കൂടിയതാണ് കുഞ്ഞിന് പെട്ടെന്ന് ഗുരുതരമായ ആരോഗ്യപ്രശ്നങ്ങൾ ഉണ്ടാകാൻ കാരണമായതെന്ന് കുടുംബം ആരോപിക്കുന്നു. മരുന്ന് കഴിച്ചതിന് പിന്നാലെ കുഞ്ഞിന്റെ നില വഷളാവുകയും തുടർന്ന് മാതാപിതാക്കൾ അടിയന്തരമായി കുഞ്ഞിനെ മറ്റൊരു സ്വകാര്യ ആശുപത്രിയിലേക്ക് മാറ്റുകയുമായിരുന്നു. നിലവിൽ കുഞ്ഞ് അപകടാവസ്ഥ തരണം ചെയ്തിട്ടുണ്ട്. സ്വകാര്യ ആശുപത്രിയിലെ ചികിത്സയ്ക്കായി ഇതിനകം ഒരു ലക്ഷത്തോളം രൂപ ചെലവഴിക്കേണ്ടി വന്നതായും കുഞ്ഞിന്റെ മാതാപിതാക്കൾ വ്യക്തമാക്കി. കുഞ്ഞിന്റെ ആരോഗ്യനില മെച്ചപ്പെട്ടതിന് ശേഷമാണ് മാതാപിതാക്കൾ ആലുവ വെസ്റ്റ് പൊലീസിൽ പരാതി നൽകിയത്. പരാതിയുടെ അടിസ്ഥാനത്തിൽ പോലീസ് നടത്തിയ പ്രാഥമിക അന്വേഷണത്തിൽ ഡോക്ടറുടെ ഭാഗത്തുനിന്ന് ഗുരുതരമായ വീഴ്ച സംഭവിച്ചിട്ടുണ്ടെന്നും മരുന്ന് ഓവർഡോസ് നൽകിയിട്ടുണ്ടെന്നും ബോധ്യപ്പെട്ടു. ഇതിന്റെ അടിസ്ഥാനത്തിലാണ് ഡോക്ടർക്കെതിരെ ഇപ്പോൾ കേസെടുത്തിരിക്കുന്നത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് ആലുവ പൊലീസ് അറിയിച്ചു.

സന്തോഷ് ആലുവ

Local News Reporter ആലുവ, എറണാകുളം, കേരളം•

3 hrs ago

ആലുവ ജില്ലാ ആശുപത്രിയിൽ പ്രതിരോധ കുത്തിവെപ്പിന് പിന്നാലെ ആറ് മാസം പ്രായമുള്ള കുഞ്ഞിന് പാരസെറ്റാമോൾ മരുന്ന് ഓവർഡോസ് നൽകിയതായി പരാതി. സംഭവത്തിൽ ഡ്യൂട്ടിയിലുണ്ടായിരുന്ന ഡോക്ടർക്കെതിരെ ആലുവ വെസ്റ്റ് പൊലീസ് കേസെടുത്തു. ഒരാഴ്ച മുൻപാണ് മാതാപിതാക്കൾ കുഞ്ഞിന് പ്രതിരോധ കുത്തിവെപ്പ് എടുക്കുന്നതിനായി ആലുവ ജില്ലാ ആശുപത്രിയിൽ എത്തിയത്. കുത്തിവെപ്പിന് ശേഷം ഡോക്ടർ നിർദ്ദേശിച്ച പാരസെറ്റാമോൾ മരുന്നിന്റെ അളവ് കൂടിയതാണ് കുഞ്ഞിന് പെട്ടെന്ന് ഗുരുതരമായ ആരോഗ്യപ്രശ്നങ്ങൾ ഉണ്ടാകാൻ കാരണമായതെന്ന് കുടുംബം ആരോപിക്കുന്നു. മരുന്ന് കഴിച്ചതിന് പിന്നാലെ കുഞ്ഞിന്റെ നില വഷളാവുകയും തുടർന്ന് മാതാപിതാക്കൾ അടിയന്തരമായി കുഞ്ഞിനെ മറ്റൊരു സ്വകാര്യ ആശുപത്രിയിലേക്ക് മാറ്റുകയുമായിരുന്നു. നിലവിൽ കുഞ്ഞ് അപകടാവസ്ഥ തരണം ചെയ്തിട്ടുണ്ട്. സ്വകാര്യ ആശുപത്രിയിലെ ചികിത്സയ്ക്കായി ഇതിനകം ഒരു ലക്ഷത്തോളം രൂപ ചെലവഴിക്കേണ്ടി വന്നതായും കുഞ്ഞിന്റെ മാതാപിതാക്കൾ വ്യക്തമാക്കി. കുഞ്ഞിന്റെ ആരോഗ്യനില മെച്ചപ്പെട്ടതിന് ശേഷമാണ് മാതാപിതാക്കൾ ആലുവ വെസ്റ്റ് പൊലീസിൽ പരാതി നൽകിയത്. പരാതിയുടെ അടിസ്ഥാനത്തിൽ പോലീസ് നടത്തിയ പ്രാഥമിക അന്വേഷണത്തിൽ ഡോക്ടറുടെ ഭാഗത്തുനിന്ന് ഗുരുതരമായ വീഴ്ച സംഭവിച്ചിട്ടുണ്ടെന്നും മരുന്ന് ഓവർഡോസ് നൽകിയിട്ടുണ്ടെന്നും ബോധ്യപ്പെട്ടു. ഇതിന്റെ അടിസ്ഥാനത്തിലാണ് ഡോക്ടർക്കെതിരെ ഇപ്പോൾ കേസെടുത്തിരിക്കുന്നത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് ആലുവ പൊലീസ് അറിയിച്ചു.