लातूरच्या वाहतूक समस्येच्या संदर्भात जिल्हा पोलीस अधीक्षक आणि महानगरपालिकेच्या संबंधित विभागाची बैठक संपन्न वाहतूक समस्येवर कायमस्वरूपी उपाययोजनांसाठी पोलीस अधीक्षकांची महानगरपालिकेत बैठक. लातूर (एल पी उगीले) शहरामध्ये दिवसेंदिवस वाढत असलेल्या वाहतुकीच्या समस्येवर कायमस्वरूपी व प्रभावी उपाययोजना करण्याच्या दृष्टीने आज दिनांक ११ मार्च २०२६ रोजी लातूर महानगरपालिकेमध्ये महत्त्वपूर्ण आढावा बैठक घेण्यात आली. सदर बैठकीचे आयोजन पोलीस अधीक्षक अमोल तांबे व महापालिका आयुक्त मानसी मीना यांच्या पुढाकाराने करण्यात आले असून बैठकीस महापौर जयश्री सोनकांबळे, उपमहापौर स्नेहल उटगे, विरोधी पक्ष नेते देविदास काळे, आरटीओ विनोद चव्हाण यांच्यासह विविध शासकीय विभागांचे वरिष्ठ अधिकारी उपस्थित होते. लातूर शहरातील वाढती वाहतूक कोंडी, अनियंत्रित पार्किंग, चौकांमधील गर्दी, अतिक्रमण तसेच अपुरी वाहतूक शिस्त या समस्यांचा सखोल आढावा या बैठकीमध्ये घेण्यात आला. वाहतूक व्यवस्थापन अधिक प्रभावी व सुटसुटीत करण्यासाठी विविध उपाययोजनांवर चर्चा करून संबंधित विभागांना आवश्यक त्या सूचना देण्यात आल्या. बैठकीत बोलताना पोलीस अधीक्षक अमोल तांबे यांनी वाहतूक नियंत्रणासाठी पोलिसांना सहाय्यभूत ठरतील अशा किमान १०० ट्राफिक वॉर्डनची नियुक्ती महानगरपालिके मार्फत करण्याची आवश्यकता अधोरेखित केली. हे ट्राफिक वॉर्डन शहरातील प्रमुख चौकांमध्ये पोलिसांसोबत कार्यरत राहून वाहतूक सुरळीत ठेवण्यास मदत करतील, असे त्यांनी नमूद केले. यावेळी शहरातील अनेक चौकांमधील कार्यरत नसलेले ट्राफिक सिग्नल व सीसीटीव्ही कॅमेरे, ऑटो रिक्षा पॉईंटचे नियोजन, तसेच महानगरपालिकेच्या सिटी बस परिवहन व्यवस्थेचे प्रभावी नियोजन याबाबतही सविस्तर चर्चा करण्यात आली. लातूर पोलीस वाहतूक समस्येच्या निराकरणासाठी पूर्णपणे कटिबद्ध असल्याचे सांगताना पोलीस अधीक्षक अमोल तांबे यांनी विविध महत्त्वपूर्ण उपाययोजना सुचविल्या. वाहतूक सुरळीत ठेवण्यासाठी प्रत्येक चौकापासून किमान ५० मीटर अंतरापर्यंत “नो पार्किंग झोन” घोषित करण्याचा प्रस्ताव मांडण्यात आला. तसेच त्या पुढील भागात ऑटो रिक्षा पॉईंट, बस थांबे आणि सिटी बस स्टॉप निश्चित करून चौकातील अनावश्यक गर्दी टाळण्याचे नियोजन करण्यात येणार आहे. याशिवाय शहरातील रस्त्यांवर फक्त परवानाधारक ऑटो रिक्षाच धावतील, यासाठी परिवहन विभागाने आवश्यक ती कारवाई करावी, अशी सूचना देण्यात आली. लातूर पोलीस आणि महानगरपालिकेच्या टोइंग व्हॅन समन्वयाने बेकायदेशीर पार्किंगविरोधात कारवाई करण्याबाबतही निर्णय घेण्यात आला. शहरातील अनेक ठिकाणी नो पार्किंग फलक, झेब्रा क्रॉसिंग मार्किंग आणि वाहतूक चिन्हे अंधुक झाली असून ती तात्काळ नूतनीकरण करण्याची आवश्यकता असल्याचेही बैठकीत निदर्शनास आणून देण्यात आले.  वाहतूक समस्येवर दीर्घकालीन उपाययोजना करण्यासाठी विशेष “वर्किंग कमिटी” स्थापन करण्याचा निर्णय घेण्यात आला असून ती समिती शहरातील विविध रस्त्यांचा अभ्यास करून उपाययोजना सुचविणार आहे. तसेच शहरातील काही प्रमुख रस्ते वन-वे करण्याबाबत अभ्यास करण्याचे, रस्त्यांवरील बदल आणि वाहतूक नियमांबाबत महानगरपालिकेने अधिकृत अधिसूचना (नोटिफिकेशन) काढण्याचे निर्देश देण्यात आले. "फ्री लेफ्ट टर्न" ही वाहतूक व्यवस्थापनातील एक महत्त्वाची संकल्पना असून चौकात सिग्नल असतानाही डावीकडे वळणाऱ्या वाहनांना सिग्नलची वाट न पाहता थेट डावीकडे वळण्याची मुभा देता येईल का या संदर्भात नियोजन करणे. वाहतुकीच्या अडथळ्यांचे एक प्रमुख कारण असलेल्या दुकानदार व वाहनधारकांकडून करण्यात आलेल्या अतिक्रमणांवर कारवाई करण्याची आवश्यकता बैठकीत अधोरेखित करण्यात आली. यासाठी महानगरपालिकेच्या अतिक्रमण विभागाला पोलिसांकडून आवश्यक ते बंदोबस्त पुरविण्यात येणार असल्याचे स्पष्ट करण्यात आले. रस्त्यावर लावलेले अनधिकृत साईनबोर्ड, फ्लेक्स आणि जाहिरातीचे फलक काढून टाकण्याची कारवाई करण्यात येणार आहे. यावेळी शहरातील मुख्य चौकांमध्ये किंवा रस्त्यावर एस.टी. बसेस थांबवून प्रवासी घेण्याच्या प्रकारांमुळे वाहतूक कोंडी निर्माण होत असल्याने ते तात्काळ थांबविण्याची आवश्यकता असल्याचेही सांगण्यात आले. काही चौकांमध्ये मध्यभागी बांधलेल्या संरचनांमुळे रस्ते अरुंद झाले असल्याने त्यावरही उपाययोजना करण्याबाबत चर्चा करण्यात आली. शहरातील वाहतूक व्यवस्थेचे मॉडेल तयार करण्यासाठी पीव्हीआर चौक येथे प्रायोगिक तत्त्वावर पायलट प्रोजेक्ट राबविण्याचे नियोजन करण्यात आले आहे. शहरातील सिटी बस सेवा अधिक प्रभावीपणे राबविणे, तसेच प्रत्येक प्रभागामध्ये महिन्याला किमान चार चौकांमध्ये वाहतूक सुधारणा उपाययोजना राबविण्याचे नियोजन करण्याचे ठरविण्यात आले. राजीव गांधी चौकाजवळील राष्ट्रीय महामार्गावर भरत असलेल्या भाजी मार्केटमुळे निर्माण होणारी वाहतूक समस्या गंभीर असल्याचे बैठकीत नमूद करण्यात आले. या ठिकाणी वेगाने धावणाऱ्या वाहनांमुळे शेतकरी व नागरिकांच्या सुरक्षेला धोका निर्माण होण्याची शक्यता असल्याने त्यासाठी योग्य नियोजन व व्यवस्थापन करण्याबाबत संबंधित विभागांना सूचना देण्यात आल्या. सदर बैठकीस पोलीस अधीक्षक अमोल तांबे, महानगरपालिका आयुक्त मानसी मीना, महापौर जयश्री सोनकांबळे, उपमहापौर स्नेहल उडगे, अतिरिक्त आयुक्त देविदास जाधव, उपायुक्त पंजाब कानसोळे, वसुधा फड, उप पोलीस अधिकारी लातूर शहर समीरसिंह साळवे, तसेच आरटीओ विभाग, सार्वजनिक बांधकाम विभाग, राज्य परिवहन विभाग, विधी अधिकारी, अतिक्रमण विभाग, झोनल अधिकारी आणि इतर विविध विभागांचे अधिकारी मोठ्या संख्येने उपस्थित होते. लातूर शहरातील वाहतूक व्यवस्थेत शिस्त आणण्यासाठी सर्व संबंधित विभागांनी समन्वयाने कार्य केल्यास वाहतूक कोंडी कमी होऊन नागरिकांना मोठा दिलासा मिळेल, असा विश्वास यावेळी व्यक्त करण्यात आला. तसेच या बैठकीत घेण्यात आलेल्या निर्णयांची त्वरित अंमलबजावणी करण्यासाठी उद्यापासूनच प्रत्यक्ष कामाला सुरुवात करण्यात येणार आहे. त्यानुसार दिनांक १२ मार्च २०२६ रोजी सकाळी ९.०० वाजता पोलीस अधीक्षक अमोल तांबे, महानगरपालिका आयुक्त मानसी मीना तसेच बैठकीस उपस्थित सर्व प्रशासकीय अधिकारी पीव्हीआर चौक येथे प्रत्यक्ष पाहणी करणार आहेत. या पाहणीदरम्यान चौकातील प्रत्यक्ष वाहतूक परिस्थिती, अडचणी व समस्यांचा अभ्यास करून स्पॉटवरच योग्य आणि कायमस्वरूपी उपाययोजना निश्चित करण्यात येणार  आहे.

Laxman Ugile

उदगीर, लातूर, महाराष्ट्र•

2 hrs ago

लातूरच्या वाहतूक समस्येच्या संदर्भात जिल्हा पोलीस अधीक्षक आणि महानगरपालिकेच्या संबंधित विभागाची बैठक संपन्न वाहतूक समस्येवर कायमस्वरूपी उपाययोजनांसाठी पोलीस अधीक्षकांची महानगरपालिकेत बैठक. लातूर (एल पी उगीले) शहरामध्ये दिवसेंदिवस वाढत असलेल्या वाहतुकीच्या समस्येवर कायमस्वरूपी व प्रभावी उपाययोजना करण्याच्या दृष्टीने आज दिनांक ११ मार्च २०२६ रोजी लातूर महानगरपालिकेमध्ये महत्त्वपूर्ण आढावा बैठक घेण्यात आली. सदर बैठकीचे आयोजन पोलीस अधीक्षक अमोल तांबे व महापालिका आयुक्त मानसी मीना यांच्या पुढाकाराने करण्यात आले असून बैठकीस महापौर जयश्री सोनकांबळे, उपमहापौर स्नेहल उटगे, विरोधी पक्ष नेते देविदास काळे, आरटीओ विनोद चव्हाण यांच्यासह विविध शासकीय विभागांचे वरिष्ठ अधिकारी उपस्थित होते. लातूर शहरातील वाढती वाहतूक कोंडी, अनियंत्रित पार्किंग, चौकांमधील गर्दी, अतिक्रमण तसेच अपुरी वाहतूक शिस्त या समस्यांचा सखोल आढावा या बैठकीमध्ये घेण्यात आला. वाहतूक व्यवस्थापन अधिक प्रभावी व सुटसुटीत करण्यासाठी विविध उपाययोजनांवर चर्चा करून संबंधित विभागांना आवश्यक त्या सूचना देण्यात आल्या. बैठकीत बोलताना पोलीस अधीक्षक अमोल तांबे यांनी वाहतूक नियंत्रणासाठी पोलिसांना सहाय्यभूत ठरतील अशा किमान १०० ट्राफिक वॉर्डनची नियुक्ती महानगरपालिके मार्फत करण्याची आवश्यकता अधोरेखित केली. हे ट्राफिक वॉर्डन शहरातील प्रमुख चौकांमध्ये पोलिसांसोबत कार्यरत राहून वाहतूक सुरळीत ठेवण्यास मदत करतील, असे त्यांनी नमूद केले. यावेळी शहरातील अनेक चौकांमधील कार्यरत नसलेले ट्राफिक सिग्नल व सीसीटीव्ही कॅमेरे, ऑटो रिक्षा पॉईंटचे नियोजन, तसेच महानगरपालिकेच्या सिटी बस परिवहन व्यवस्थेचे प्रभावी नियोजन याबाबतही सविस्तर चर्चा करण्यात आली. लातूर पोलीस वाहतूक समस्येच्या निराकरणासाठी पूर्णपणे कटिबद्ध असल्याचे सांगताना पोलीस अधीक्षक अमोल तांबे यांनी विविध महत्त्वपूर्ण उपाययोजना सुचविल्या. वाहतूक सुरळीत ठेवण्यासाठी प्रत्येक चौकापासून किमान ५० मीटर अंतरापर्यंत “नो पार्किंग झोन” घोषित करण्याचा प्रस्ताव मांडण्यात आला. तसेच त्या पुढील भागात ऑटो रिक्षा पॉईंट, बस थांबे आणि सिटी बस स्टॉप निश्चित करून चौकातील अनावश्यक गर्दी टाळण्याचे नियोजन करण्यात येणार आहे. याशिवाय शहरातील रस्त्यांवर फक्त परवानाधारक ऑटो रिक्षाच धावतील, यासाठी परिवहन विभागाने आवश्यक ती कारवाई करावी, अशी सूचना देण्यात आली. लातूर पोलीस आणि महानगरपालिकेच्या टोइंग व्हॅन समन्वयाने बेकायदेशीर पार्किंगविरोधात कारवाई करण्याबाबतही निर्णय घेण्यात आला. शहरातील अनेक ठिकाणी नो पार्किंग फलक, झेब्रा क्रॉसिंग मार्किंग आणि वाहतूक चिन्हे अंधुक झाली असून ती तात्काळ नूतनीकरण करण्याची आवश्यकता असल्याचेही बैठकीत निदर्शनास आणून देण्यात आले.  वाहतूक समस्येवर दीर्घकालीन उपाययोजना करण्यासाठी विशेष “वर्किंग कमिटी” स्थापन करण्याचा निर्णय घेण्यात आला असून ती समिती शहरातील विविध रस्त्यांचा अभ्यास करून उपाययोजना सुचविणार आहे. तसेच शहरातील काही प्रमुख रस्ते वन-वे करण्याबाबत अभ्यास करण्याचे, रस्त्यांवरील बदल आणि वाहतूक नियमांबाबत महानगरपालिकेने अधिकृत अधिसूचना (नोटिफिकेशन) काढण्याचे निर्देश देण्यात आले. "फ्री लेफ्ट टर्न" ही वाहतूक व्यवस्थापनातील एक महत्त्वाची संकल्पना असून चौकात सिग्नल असतानाही डावीकडे वळणाऱ्या वाहनांना सिग्नलची वाट न पाहता थेट डावीकडे वळण्याची मुभा देता येईल का या संदर्भात नियोजन करणे. वाहतुकीच्या अडथळ्यांचे एक प्रमुख कारण असलेल्या दुकानदार व वाहनधारकांकडून करण्यात आलेल्या अतिक्रमणांवर कारवाई करण्याची आवश्यकता बैठकीत अधोरेखित करण्यात आली. यासाठी महानगरपालिकेच्या अतिक्रमण विभागाला पोलिसांकडून आवश्यक ते बंदोबस्त पुरविण्यात येणार असल्याचे स्पष्ट करण्यात आले. रस्त्यावर लावलेले अनधिकृत साईनबोर्ड, फ्लेक्स आणि जाहिरातीचे फलक काढून टाकण्याची कारवाई करण्यात येणार आहे. यावेळी शहरातील मुख्य चौकांमध्ये किंवा रस्त्यावर एस.टी. बसेस थांबवून प्रवासी घेण्याच्या प्रकारांमुळे वाहतूक कोंडी निर्माण होत असल्याने ते तात्काळ थांबविण्याची आवश्यकता असल्याचेही सांगण्यात आले. काही चौकांमध्ये मध्यभागी बांधलेल्या संरचनांमुळे रस्ते अरुंद झाले असल्याने त्यावरही उपाययोजना करण्याबाबत चर्चा करण्यात आली. शहरातील वाहतूक व्यवस्थेचे मॉडेल तयार करण्यासाठी पीव्हीआर चौक येथे प्रायोगिक तत्त्वावर पायलट प्रोजेक्ट राबविण्याचे नियोजन करण्यात आले आहे. शहरातील सिटी बस सेवा अधिक प्रभावीपणे राबविणे, तसेच प्रत्येक प्रभागामध्ये महिन्याला किमान चार चौकांमध्ये वाहतूक सुधारणा उपाययोजना राबविण्याचे नियोजन करण्याचे ठरविण्यात आले. राजीव गांधी चौकाजवळील राष्ट्रीय महामार्गावर भरत असलेल्या भाजी मार्केटमुळे निर्माण होणारी वाहतूक समस्या गंभीर असल्याचे बैठकीत नमूद करण्यात आले. या ठिकाणी वेगाने धावणाऱ्या वाहनांमुळे शेतकरी व नागरिकांच्या सुरक्षेला धोका निर्माण होण्याची शक्यता असल्याने त्यासाठी योग्य नियोजन व व्यवस्थापन करण्याबाबत संबंधित विभागांना सूचना देण्यात आल्या. सदर बैठकीस पोलीस अधीक्षक अमोल तांबे, महानगरपालिका आयुक्त मानसी मीना, महापौर जयश्री सोनकांबळे, उपमहापौर स्नेहल उडगे, अतिरिक्त आयुक्त देविदास जाधव, उपायुक्त पंजाब कानसोळे, वसुधा फड, उप पोलीस अधिकारी लातूर शहर समीरसिंह साळवे, तसेच आरटीओ विभाग, सार्वजनिक बांधकाम विभाग, राज्य परिवहन विभाग, विधी अधिकारी, अतिक्रमण विभाग, झोनल अधिकारी आणि इतर विविध विभागांचे अधिकारी मोठ्या संख्येने उपस्थित होते. लातूर शहरातील वाहतूक व्यवस्थेत शिस्त आणण्यासाठी सर्व संबंधित विभागांनी समन्वयाने कार्य केल्यास वाहतूक कोंडी कमी होऊन नागरिकांना मोठा दिलासा मिळेल, असा विश्वास यावेळी व्यक्त करण्यात आला. तसेच या बैठकीत घेण्यात आलेल्या निर्णयांची त्वरित अंमलबजावणी करण्यासाठी उद्यापासूनच प्रत्यक्ष कामाला सुरुवात करण्यात येणार आहे. त्यानुसार दिनांक १२ मार्च २०२६ रोजी सकाळी ९.०० वाजता पोलीस अधीक्षक अमोल तांबे, महानगरपालिका आयुक्त मानसी मीना तसेच बैठकीस उपस्थित सर्व प्रशासकीय अधिकारी पीव्हीआर चौक येथे प्रत्यक्ष पाहणी करणार आहेत. या पाहणीदरम्यान चौकातील प्रत्यक्ष वाहतूक परिस्थिती, अडचणी व समस्यांचा अभ्यास करून स्पॉटवरच योग्य आणि कायमस्वरूपी उपाययोजना निश्चित करण्यात येणार  आहे.