अखेर मुंब्रा-दिवा येथील खारफुटी ऱ्हास प्रकरणी गुन्हा दाखल ठाणे :मुंब्रा-दिवा भागात खाडी किनारी भागात भराव टाकून खारफुटी नष्ट केल्याप्रकरणी अखेर अज्ञातांविरोधात मुंब्रा पोलीस ठाण्यात गुन्हा दाखल झाला आहे. परंतु ही कारवाई गुन्हे दाखल करणे आणि कागदोपत्रीच केली जाते. जागा पूर्ववत करण्यासाठी कोणतेही प्रयत्न केले जात नसल्याचा आरोप पर्यावरणवाद्यांनी केला आहे. ठाणे जिल्ह्यातील मुंब्रा आणि दिवा भागात भूमाफियांकडून मोठ्याप्रमाणात खाडी किनारी, खारफुटींवर भराव टाकण्यात आल्याचे उघडकीस आले आहे. मुंब्रा, दिवा शहरात यापूर्वीही अनेक ठिकाणी भराव टाकून खारफुटी नष्ट करण्यात आली होती. अवघ्या काही लाख रुपयांत चाळी, इमारतींमधील घरे गोर-गरीबांना विक्री केली होती. खारफुटी नष्ट केल्याने गेल्यावर्षी पावसाळ्यात दिवा आणि मुंब्रा शहरात पूर स्थिती निर्माण झाली होती. अनेक घरांमध्ये पाणी शिरले, दुचाकी, घरातील साहित्य पावसाच्या पाण्यात वाहून गेले होते. आता थेट रेल्वे रुळांलगतच खारफुटी नष्ट करुन भराव टाकला जात असल्याने पर्यावरण संवर्धन आणि संरक्षणावर गंभीर स्थिती निर्माण झाली आहे. तसेच रेल्वे रुळ देखील पाण्याखाली जाण्याची भिती व्यक्त केली जात आहे. दरम्यान, वनशक्ती संस्थेचे संचालक स्टॅलिन डी. यांनी या भागात ६६ एकर जागेत भराव टाकल्याचा दावा केला होता. यासंदर्भाचे वृत्त अनेक वृत्तपत्रात प्रसिद्ध झाले होते. वृत्त प्रसिद्ध झाल्यानंतर अखेर दिवा येथील ग्राम महसूल अधिकाऱ्यांनी याप्रकरणी मुंब्रा पोलीस ठाण्यात तक्रार दाखल केली. या तक्रारीच्या आधारे, पर्यावरण (संरक्षण) अधिनियम १९८६ -चे कलम १५, १७ प्रमाणे अज्ञाता विरोधात गुन्हा दाखल झाला आहे. गुन्हा सरकारच्या वतीने दाखल करण्यात आला असला तरीही कारवाईबाबत साशंकता व्यक्त केली जात आहे. फक्त गुन्हा दाखल करु नये, ज्या ठिकाणी भराव टाकण्यात आला. ती जागा पूर्व स्थितीत कधी आणणार आणि दोषींना शिक्षा कधी मिळणार असा प्रश्न पर्यावरणप्रेमी विचारत आहेत.

लोक हिंद चॅनल

Journalist शहापूर, ठाणे, महाराष्ट्र•

1 hr ago

अखेर मुंब्रा-दिवा येथील खारफुटी ऱ्हास प्रकरणी गुन्हा दाखल ठाणे :मुंब्रा-दिवा भागात खाडी किनारी भागात भराव टाकून खारफुटी नष्ट केल्याप्रकरणी अखेर अज्ञातांविरोधात मुंब्रा पोलीस ठाण्यात गुन्हा दाखल झाला आहे. परंतु ही कारवाई गुन्हे दाखल करणे आणि कागदोपत्रीच केली जाते. जागा पूर्ववत करण्यासाठी कोणतेही प्रयत्न केले जात नसल्याचा आरोप पर्यावरणवाद्यांनी केला आहे. ठाणे जिल्ह्यातील मुंब्रा आणि दिवा भागात भूमाफियांकडून मोठ्याप्रमाणात खाडी किनारी, खारफुटींवर भराव टाकण्यात आल्याचे उघडकीस आले आहे. मुंब्रा, दिवा शहरात यापूर्वीही अनेक ठिकाणी भराव टाकून खारफुटी नष्ट करण्यात आली होती. अवघ्या काही लाख रुपयांत चाळी, इमारतींमधील घरे गोर-गरीबांना विक्री केली होती. खारफुटी नष्ट केल्याने गेल्यावर्षी पावसाळ्यात दिवा आणि मुंब्रा शहरात पूर स्थिती निर्माण झाली होती. अनेक घरांमध्ये पाणी शिरले, दुचाकी, घरातील साहित्य पावसाच्या पाण्यात वाहून गेले होते. आता थेट रेल्वे रुळांलगतच खारफुटी नष्ट करुन भराव टाकला जात असल्याने पर्यावरण संवर्धन आणि संरक्षणावर गंभीर स्थिती निर्माण झाली आहे. तसेच रेल्वे रुळ देखील पाण्याखाली जाण्याची भिती व्यक्त केली जात आहे. दरम्यान, वनशक्ती संस्थेचे संचालक स्टॅलिन डी. यांनी या भागात ६६ एकर जागेत भराव टाकल्याचा दावा केला होता. यासंदर्भाचे वृत्त अनेक वृत्तपत्रात प्रसिद्ध झाले होते. वृत्त प्रसिद्ध झाल्यानंतर अखेर दिवा येथील ग्राम महसूल अधिकाऱ्यांनी याप्रकरणी मुंब्रा पोलीस ठाण्यात तक्रार दाखल केली. या तक्रारीच्या आधारे, पर्यावरण (संरक्षण) अधिनियम १९८६ -चे कलम १५, १७ प्रमाणे अज्ञाता विरोधात गुन्हा दाखल झाला आहे. गुन्हा सरकारच्या वतीने दाखल करण्यात आला असला तरीही कारवाईबाबत साशंकता व्यक्त केली जात आहे. फक्त गुन्हा दाखल करु नये, ज्या ठिकाणी भराव टाकण्यात आला. ती जागा पूर्व स्थितीत कधी आणणार आणि दोषींना शिक्षा कधी मिळणार असा प्रश्न पर्यावरणप्रेमी विचारत आहेत.