नांदगावच्या तंटामुक्त समिती अध्यक्षपदी प्रदीप भोगावार यांची फेरनिवड नांदगावच्या तंटामुक्त समिती अध्यक्षपदी प्रदीप भोगावार यांची फेरनिवड मुल तालुका | विजय जाधव, नांदगाव प्रतिनिधी मुल तालुक्यातील राजकीयदृष्ट्या संवेदनशील असलेल्या नांदगाव येथे महात्मा गांधी तंटामुक्त गाव समितीच्या अध्यक्षपदी विद्यमान अध्यक्ष तथा पद्मशाली समाजाचे नेते आणि समाजसेवक प्रदीप भोगावार यांची पुन्हा एकदा निवड करण्यात आली. दिनांक २५ ऑगस्ट २०२६ रोजी ग्रामपंचायतीच्या वतीने आयोजित करण्यात आलेल्या तहकूब ग्रामसभेत ही निवड प्रक्रिया पार पडली. तंटामुक्त समितीच्या अध्यक्षपदासाठी प्रारंभी प्रदीप भोगावार, याराना कडवे, कल्पना तुरकीवार आणि संदीप उमक यांनी आपली नावे नोंदविली होती. मात्र, निवडणुकीच्या ऐनवेळी कल्पना तुरकीवार आणि संदीप उमक यांनी आपली उमेदवारी मागे घेतल्याने अध्यक्षपदासाठी प्रदीप भोगावार आणि याराना कडवे यांच्यात थेट लढत झाली. ग्रामसभा सदस्यांमध्ये झालेल्या मतदानात विद्यमान अध्यक्ष प्रदीप भोगावार यांच्या बाजूने स्पष्ट कौल मिळाला. प्रदीप भोगावार यांना १२० मते, तर याराना कडवे यांना ४८ मते मिळाली. त्यामुळे तब्बल ७२ मतांच्या फरकाने प्रदीप भोगावार विजयी झाले. त्यांच्या फेरनिवडीमुळे समर्थकांमध्ये उत्साहाचे वातावरण निर्माण झाले. ग्रामसभेच्या अध्यक्षस्थानी माजी सरपंच तथा प्रशासक कुमारी हिमानी वाकुडकर होत्या. त्यांनी ग्रामसभेचे कामकाज सुरळीतपणे पार पाडले. यावेळी गावातील विविध शासकीय योजना व विषयांची माहिती ग्रामसभा सदस्यांना देण्यात आली. तसेच घरकुल लाभार्थ्यांच्या संभाव्य यादीचे वाचन करण्यात आले. गावातील अतिक्रमण, नालीसफाई, स्वच्छता तसेच इतर स्थानिक प्रश्नांवरही ग्रामसभेत सविस्तर चर्चा करण्यात आली. ग्रामस्थांनी विविध समस्या आणि सूचना मांडल्या. यावेळी माजी सरपंच प्रशांत बांबोडे, माजी उपसरपंच सागर देऊरकर, ग्रामपंचायतीचे माजी सदस्य तसेच ग्रामसभा सदस्य मोठ्या संख्येने उपस्थित होते. नांदगाव ग्रामसभेच्या पार्श्वभूमीवर पोलिसांनी चोख बंदोबस्त ठेवला होता. त्यामुळे संपूर्ण निवड प्रक्रिया शांततेत पार पडली. प्रदीप भोगावार यांच्या फेरनिवडीमुळे गावातील तंटे सामोपचाराने सोडविणे, गावात शांतता व सलोखा कायम ठेवणे आणि सामाजिक एकोपा वाढविण्याच्या समितीच्या कार्याला पुढे चालना मिळण्याची अपेक्षा व्यक्त होत आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

2 hrs ago

नांदगावच्या तंटामुक्त समिती अध्यक्षपदी प्रदीप भोगावार यांची फेरनिवड नांदगावच्या तंटामुक्त समिती अध्यक्षपदी प्रदीप भोगावार यांची फेरनिवड मुल तालुका | विजय जाधव, नांदगाव प्रतिनिधी मुल तालुक्यातील राजकीयदृष्ट्या संवेदनशील असलेल्या नांदगाव येथे महात्मा गांधी तंटामुक्त गाव समितीच्या अध्यक्षपदी विद्यमान अध्यक्ष तथा पद्मशाली समाजाचे नेते आणि समाजसेवक प्रदीप भोगावार यांची पुन्हा एकदा निवड करण्यात आली. दिनांक २५ ऑगस्ट २०२६ रोजी ग्रामपंचायतीच्या वतीने आयोजित करण्यात आलेल्या तहकूब ग्रामसभेत ही निवड प्रक्रिया पार पडली. तंटामुक्त समितीच्या अध्यक्षपदासाठी प्रारंभी प्रदीप भोगावार, याराना कडवे, कल्पना तुरकीवार आणि संदीप उमक यांनी आपली नावे नोंदविली होती. मात्र, निवडणुकीच्या ऐनवेळी कल्पना तुरकीवार आणि संदीप उमक यांनी आपली उमेदवारी मागे घेतल्याने अध्यक्षपदासाठी प्रदीप भोगावार आणि याराना कडवे यांच्यात थेट लढत झाली. ग्रामसभा सदस्यांमध्ये झालेल्या मतदानात विद्यमान अध्यक्ष प्रदीप भोगावार यांच्या बाजूने स्पष्ट कौल मिळाला. प्रदीप भोगावार यांना १२० मते, तर याराना कडवे यांना ४८ मते मिळाली. त्यामुळे तब्बल ७२ मतांच्या फरकाने प्रदीप भोगावार विजयी झाले. त्यांच्या फेरनिवडीमुळे समर्थकांमध्ये उत्साहाचे वातावरण निर्माण झाले. ग्रामसभेच्या अध्यक्षस्थानी माजी सरपंच तथा प्रशासक कुमारी हिमानी वाकुडकर होत्या. त्यांनी ग्रामसभेचे कामकाज सुरळीतपणे पार पाडले. यावेळी गावातील विविध शासकीय योजना व विषयांची माहिती ग्रामसभा सदस्यांना देण्यात आली. तसेच घरकुल लाभार्थ्यांच्या संभाव्य यादीचे वाचन करण्यात आले. गावातील अतिक्रमण, नालीसफाई, स्वच्छता तसेच इतर स्थानिक प्रश्नांवरही ग्रामसभेत सविस्तर चर्चा करण्यात आली. ग्रामस्थांनी विविध समस्या आणि सूचना मांडल्या. यावेळी माजी सरपंच प्रशांत बांबोडे, माजी उपसरपंच सागर देऊरकर, ग्रामपंचायतीचे माजी सदस्य तसेच ग्रामसभा सदस्य मोठ्या संख्येने उपस्थित होते. नांदगाव ग्रामसभेच्या पार्श्वभूमीवर पोलिसांनी चोख बंदोबस्त ठेवला होता. त्यामुळे संपूर्ण निवड प्रक्रिया शांततेत पार पडली. प्रदीप भोगावार यांच्या फेरनिवडीमुळे गावातील तंटे सामोपचाराने सोडविणे, गावात शांतता व सलोखा कायम ठेवणे आणि सामाजिक एकोपा वाढविण्याच्या समितीच्या कार्याला पुढे चालना मिळण्याची अपेक्षा व्यक्त होत आहे.