બોડેલી નગરપાલિકા દ્વારા દબાણ હટાવો ઝુંબેશ શરૂ કરવામાં આવી છે.

બોડેલી નગરપાલિકા દ્વારા દબાણ હટાવવાની એક ડ્રાઈવ હાથ ધરવામાં આવી હતી.

પંજાબ સ્થાનિક સ્વરાજ્યની ચૂંટણીઓમાં આમ આદમી પાર્ટી (AAP) ને મળેલી ઐતિહાસિક જીતની ભવ્ય ઉજવણી ગુજરાતના નર્મદા જિલ્લામાં ઉત્સાહભેર કરવામાં આવી. આ ઉજવણીના ભાગરૂપે, નર્મદા જિલ્લા AAP પ્રમુખ નિરંજન વસાવાની પ્રેરક ઉપસ્થિતિમાં નવા જિલ્લા કાર્યાલયનું ઉદ્ઘાટન કરવામાં આવ્યું, જ્યાં વિજેતા ઉમેદવારોનું સન્માન પણ કરવામાં આવ્યું. નિરંજન વસાવાએ આ પ્રસંગે જણાવ્યું કે પંજાબની જનતાએ ભગવંત માન સરકાર દ્વારા શિક્ષણ અને આરોગ્ય ક્ષેત્રે કરાયેલા કાર્યોને સ્વીકારીને પાર્ટીને ભવ્ય જનાદેશ આપ્યો છે.

સાણંદના વિરોચનનગર ગામે આવેલા ઈદગાહમાં ઈદની નમાઝ અદા કરવામાં આવી હતી. આ અવસરે પોલીસે ત્યાં ઉપસ્થિત સૌને ઈદની શુભેચ્છાઓ પાઠવી હતી.

રાજસ્થાનના બીકાનેરમાં તેજ ગતિએ ફૂંકાયેલી ધૂળભરી આંધીએ સામાન્ય જનજીવનને વ્યાપકપણે પ્રભાવિત કર્યું છે. આ આંધીના કારણે સમગ્ર શહેર ધૂળના ગોટેગોટાથી ઢંકાઈ ગયું, જેના પરિણામે દૃશ્યતા અત્યંત ઓછી થઈ ગઈ. તેજ પવનોના કારણે સ્થાનિક લોકોને અવરજવર કરવામાં ભારે મુશ્કેલીઓનો સામનો કરવો પડ્યો. આ આંધીના અનેક ચોંકાવનારા વીડિયો સોશિયલ મીડિયા પર સામે આવ્યા છે, જેમાં દિવસના સમયે પણ આકાશ સંપૂર્ણપણે અંધકારમય દેખાઈ રહ્યું છે.

કાલોલ તાલુકાના ડેરોલગામમાં ગ્રામ પંચાયત હસ્તકનું વર્ષો જૂનું ગ્રામ સેવકનું ક્વાર્ટર અને ઓફિસ કોઈપણ વહીવટી મંજૂરી વિના જે.સી.બી. મશીન વડે તોડી પાડી, તેમાં વપરાયેલ લોખંડ અને બારી-બારણાં ભંગારમાં વેચી ભ્રષ્ટાચાર આચરવામાં આવ્યો હોવાનો ગંભીર આક્ષેપ કરવામાં આવ્યો છે. આ મામલે તાલુકા વિકાસ અધિકારી (TDO) ને લેખિત ફરિયાદ કરવામાં આવતા પંથકમાં ચકચાર મચી ગઈ છે. અરજદારો પૈકી ડેપ્યુટી સરપંચ હિમાંશુકુમાર હસમુખભાઈ પરમાર અને તાલુકા પંચાયત સદસ્ય સુરેશભાઈ લાલસિંગભાઈ ખડીયાનો સમાવેશ થાય છે. ફરિયાદમાં જણાવ્યા અનુસાર, આ ગ્રામ સેવકનું મકાન સારી હાલતમાં હતું અને રિપેરિંગ કરીને તેનો ફરી ઉપયોગ કરી શકાય તેમ હતો. તેમ છતાં, ગત તારીખ ૨૮/૦૫/૨૦૨૬ ને ગુરુવારના રોજ બકરી ઈદની જાહેર રજાના દિવસે વહીવટી તંત્રની કોઈ પણ પૂર્વ મંજૂરી વગર આ સરકારી મકાન તોડી પાડવામાં આવ્યું હતું. અરજદારોએ ગામના સરપંચ, તેમના પતિ રાજેન્દ્રભાઈ બળવંતભાઈ પટેલ અને વોર્ડ નંબર-૭ ના સભ્ય જયવીરસિંહ વિક્રમસિંહ સોલંકી પર પરસ્પર મિલીભગત કરીને આ કૃત્ય આચરવાનો આરોપ મૂક્યો છે. આક્ષેપો મુજબ, મકાન તોડ્યા બાદ તેમાંથી નીકળેલી લોખંડની જાળીઓ, દરવાજા અને સળિયા ભંગારમાં વેચી દઈ નાણાકીય ગેરરીતિ કરવામાં આવી છે. સરકારી નાણાંનો દુરુપયોગ કરવા અને ત્યાં નવીન હવાડાની ગ્રાન્ટ વાપરવાના બહાને નાણાકીય કૌભાંડ આચરવાના ઈરાદે આ સરકારી મિલકતને નુકસાન પહોંચાડવામાં આવ્યું છે. અરજદારોએ આ મામલે કાલોલ તાલુકા વિકાસ અધિકારી ઉપરાંત જિલ્લા વિકાસ અધિકારી (DDO) ગોધરા અને કાલોલ પોલીસ મથકે પણ લેખિત નકલ રવાના કરી કાયદેસરની કાર્યવાહી કરવા અને ગુનો નોંધવા માંગ કરી છે. તેમણે ચેતવણી આપી છે કે જો આ મામલે તટસ્થ તપાસ કરી કડક પગલાં ભરવામાં નહીં આવે, તો આગામી દિવસોમાં ગ્રામજનો સાથે મળી ગાંધી ચિંધ્યા માર્ગે આંદોલન કરવાની ફરજ પડશે.

વડોદરા શહેરમાં મધ્યરાત્રિના સમયે વાતાવરણમાં અચાનક પલટો આવ્યો હતો. તેજ હવાના ઝોકાં અને વીજળીના કડાકા-ભડાકા સાથે મેઘરાજાએ ધમાકેદાર એન્ટ્રી કરી હતી, જેના કારણે સમગ્ર શહેરમાં વરસાદ શરૂ થયો હતો.

https://youtu.be/RaOGMYk_h4s?si=qmMTdM3Y8OiOgkmf

બોડેલી નગરમાં 59 લાખ રૂપિયાના ખર્ચે નવી સ્ટ્રીટ લાઈટો નાખવામાં આવશે, જેના પરિણામે બોડેલી જળહળતું થશે.

સાણંદમાં ડ્રગ્સના વેચાણ અંગે મળેલી બાતમીના આધારે કાર્યવાહી કરવામાં આવી હતી. આ કાર્યવાહી અંતર્ગત, બાબા ફેશન નામની કપડાની દુકાનમાં દરોડો પાડીને ધવલ દરજી નામના વ્યક્તિની ધરપકડ કરવામાં આવી છે. દરોડા દરમિયાન, દુકાનમાંથી 21.48 ગ્રામ MD ડ્રગ્સ મળી આવ્યું હતું, જેની કિંમત આશરે ₹2.14 લાખ આંકવામાં આવી છે.