जळगाव जिल्ह्यातील पाचोरा शहरात तरुण व्यावसायिक रवींद्र संजय मोरे यांच्या लॉजमधील संशयास्पद मृत्यू प्रकरणाला आता एक धक्कादायक कलाटणी मिळाली आहे. सुरुवातीला रवींद्रचा मृतदेह लॉजमध्ये गळफास घेतलेल्या अवस्थेत आढळल्याने मोठी खळबळ उडाली होती. मात्र, आता या प्रकरणात रवींद्रसोबत त्याच्या अल्पवयीन प्रेयसीनेही लॉजमध्ये आत्महत्येचा प्रयत्न केल्याचे समोर आले असून, याप्रकरणी लॉज मालक, मॅनेजर आणि अल्पवयीन प्रेयसीवरही गुन्हा दाखल करण्यात आल्याने शहरात प्रचंड खळबळ उडाली आहे. पाचोरा शहरातील गोराडखेडा रोडवरील एका लॉजमध्ये झालेल्या या घटनेत गिरड, ता. भडगाव येथील २५ वर्षीय रवींद्र मोरे याचा मृत्यू झाला, तर त्याची अल्पवयीन प्रेयसी दोरीचा फास तुटल्याने बचावली. रवींद्र मोरे याच्या मृत्यूबाबत नातेवाइकांनी सुरुवातीपासूनच संशय व्यक्त केला होता. या प्रकरणात संबंधित लॉज चालकांवर कारवाईच्या मागणीसाठी संतप्त नातेवाइकांनी पाचोरा शहरात तीव्र आंदोलन छेडले. छत्रपती शिवाजी महाराज चौकासह विविध ठिकाणी ठिय्या आंदोलन केल्यानंतर, आंदोलकांनी थेट पाचोरा पोलीस ठाण्यावर मोर्चा काढला. पोलिसांनी उभारलेले बॅरिकेड्स हटवत आंदोलकांनी पोलीस ठाण्यात प्रवेश केला. विशेष म्हणजे, जळगाव येथे शवविच्छेदन करून आणलेला रवींद्रचा मृतदेहही आंदोलकांनी पोलीस ठाण्यात आणल्याने वातावरण अधिकच तणावपूर्ण बनले होते. नातेवाइकांनी या प्रकरणात गुन्हा दाखल करण्यास आणि पंचनामा प्रक्रियेस झालेल्या विलंबाबाबत प्रश्नचिन्ह उपस्थित केले. अखेर, पोलिसांनी संबंधित लॉजचा मालक सूरज शिंदे आणि व्यवस्थापक नितीन जंजाळ यांना अटक केल्याची माहिती आंदोलकांना दिल्यानंतर आंदोलन मागे घेण्यात आले. रवींद्र मोरे याचा महिन्याभरापूर्वीच साखरपुडा झाला असल्याने, दोघांनी गळफास का घेतला आणि रवींद्रच्या मृत्यूमागील नेमके कारण काय, याबाबत पोलिसांकडून सर्व पैलूंचा तपास सुरू असून पुढील तपासाकडे सर्वांचे लक्ष लागले आहे. दरम्यान, संबंधित अल्पवयीन मुलीला पुढील कार्यवाहीसाठी बाल सुधारगृहात रवाना करण्यात आल्याची माहिती समोर आली आहे.

Kiran Mali

Local News Reporter धरणगाव, जळगाव, महाराष्ट्र•

14 hrs ago

जळगाव जिल्ह्यातील पाचोरा शहरात तरुण व्यावसायिक रवींद्र संजय मोरे यांच्या लॉजमधील संशयास्पद मृत्यू प्रकरणाला आता एक धक्कादायक कलाटणी मिळाली आहे. सुरुवातीला रवींद्रचा मृतदेह लॉजमध्ये गळफास घेतलेल्या अवस्थेत आढळल्याने मोठी खळबळ उडाली होती. मात्र, आता या प्रकरणात रवींद्रसोबत त्याच्या अल्पवयीन प्रेयसीनेही लॉजमध्ये आत्महत्येचा प्रयत्न केल्याचे समोर आले असून, याप्रकरणी लॉज मालक, मॅनेजर आणि अल्पवयीन प्रेयसीवरही गुन्हा दाखल करण्यात आल्याने शहरात प्रचंड खळबळ उडाली आहे. पाचोरा शहरातील गोराडखेडा रोडवरील एका लॉजमध्ये झालेल्या या घटनेत गिरड, ता. भडगाव येथील २५ वर्षीय रवींद्र मोरे याचा मृत्यू झाला, तर त्याची अल्पवयीन प्रेयसी दोरीचा फास तुटल्याने बचावली. रवींद्र मोरे याच्या मृत्यूबाबत नातेवाइकांनी सुरुवातीपासूनच संशय व्यक्त केला होता. या प्रकरणात संबंधित लॉज चालकांवर कारवाईच्या मागणीसाठी संतप्त नातेवाइकांनी पाचोरा शहरात तीव्र आंदोलन छेडले. छत्रपती शिवाजी महाराज चौकासह विविध ठिकाणी ठिय्या आंदोलन केल्यानंतर, आंदोलकांनी थेट पाचोरा पोलीस ठाण्यावर मोर्चा काढला. पोलिसांनी उभारलेले बॅरिकेड्स हटवत आंदोलकांनी पोलीस ठाण्यात प्रवेश केला. विशेष म्हणजे, जळगाव येथे शवविच्छेदन करून आणलेला रवींद्रचा मृतदेहही आंदोलकांनी पोलीस ठाण्यात आणल्याने वातावरण अधिकच तणावपूर्ण बनले होते. नातेवाइकांनी या प्रकरणात गुन्हा दाखल करण्यास आणि पंचनामा प्रक्रियेस झालेल्या विलंबाबाबत प्रश्नचिन्ह उपस्थित केले. अखेर, पोलिसांनी संबंधित लॉजचा मालक सूरज शिंदे आणि व्यवस्थापक नितीन जंजाळ यांना अटक केल्याची माहिती आंदोलकांना दिल्यानंतर आंदोलन मागे घेण्यात आले. रवींद्र मोरे याचा महिन्याभरापूर्वीच साखरपुडा झाला असल्याने, दोघांनी गळफास का घेतला आणि रवींद्रच्या मृत्यूमागील नेमके कारण काय, याबाबत पोलिसांकडून सर्व पैलूंचा तपास सुरू असून पुढील तपासाकडे सर्वांचे लक्ष लागले आहे. दरम्यान, संबंधित अल्पवयीन मुलीला पुढील कार्यवाहीसाठी बाल सुधारगृहात रवाना करण्यात आल्याची माहिती समोर आली आहे.