72-ാമത് നെഹ്റു ട്രോഫി ജലമേള മുൻനിശ്ചയിച്ച പ്രകാരം ആഗസ്റ്റ് 22-ന് നടത്താൻ എൻടിബിആർ സൊസൈറ്റിയുടെ ആദ്യ ജനറൽ ബോഡി യോഗത്തിൽ തീരുമാനമായി. എംപിമാരായ കെ.സി. വേണുഗോപാൽ, കൊടിക്കുന്നിൽ സുരേഷ് എന്നിവരുടെ നേതൃത്വത്തിൽ കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിൽ സൊസൈറ്റി ചെയർമാനും ജില്ലാ കളക്ടറുമായ ഷാജി വി. നായർ അധ്യക്ഷത വഹിച്ചു. നേരത്തെ ആഗസ്റ്റ് രണ്ടാം ശനിയാഴ്ച നടത്താൻ തീരുമാനിച്ചിരുന്ന വള്ളംകളി ഓഗസ്റ്റ് 22-ലേക്ക് മാറ്റിയത് തെറ്റായ നടപടിയാണെന്നും നെഹ്റു ട്രോഫിയുമായി പണ്ഡിറ്റ് ജവഹർലാൽ നെഹ്റുവിന് വൈകാരിക ബന്ധമുണ്ടായിരുന്നതിനാൽ രണ്ടാം ശനിയാഴ്ച തന്നെ നടത്തുന്നതാണ് ഉചിതമെന്നും കെ.സി. വേണുഗോപാൽ എംപി അഭിപ്രായപ്പെട്ടു. എന്നാൽ, തീയതി നേരത്തെ പ്രഖ്യാപിച്ചത് മൂലം തയ്യാറെടുപ്പ് തുടങ്ങിയ വള്ളസമിതികൾക്കും ക്ലബുകൾക്കും പ്രായോഗികമായ ബുദ്ധിമുട്ടുകൾ ഒഴിവാക്കാനാണ് ഇത്തവണ 22-ന് തന്നെ വള്ളംകളി നടത്താൻ തീരുമാനമെടുത്തതെന്നും അദ്ദേഹം ചൂണ്ടിക്കാട്ടി. എൻടിബിആർ സൊസൈറ്റിയും സർക്കാർ ഉദ്യോഗസ്ഥരും ഒരുമിച്ച് പ്രവർത്തിച്ച് ആലപ്പുഴയുടെ പൈതൃകമായ ഈ ജലോത്സവം വൻ വിജയമാക്കണമെന്ന് കൊടിക്കുന്നിൽ സുരേഷ് എംപി പറഞ്ഞു. കഴിഞ്ഞ വർഷത്തെ ജലമേള വലിയ വിജയമാക്കുന്നതിൽ കെ.സി. വേണുഗോപാൽ എംപിയുടെ പങ്ക് നിർണായകമായിരുന്നുവെന്ന് ജില്ലാ കളക്ടർ ആമുഖ പ്രസംഗത്തിൽ എടുത്തുപറഞ്ഞു. യോഗത്തിൽ 2026-ലെ ജലമേളയുടെ ബജറ്റ് അവതരിപ്പിച്ച് പാസാക്കി. 6,04,70,000 രൂപയുടെ ബജറ്റിൽ 3.5 കോടി രൂപ സ്പോൺസർഷിപ്പിലൂടെയും 1 കോടി രൂപ സംസ്ഥാന ടൂറിസം ഗ്രാന്റിലൂടെയും 50 ലക്ഷം രൂപ കേന്ദ്ര ടൂറിസം ഗ്രാന്റിലൂടെയും കണ്ടെത്താൻ ലക്ഷ്യമിടുന്നു. ടിക്കറ്റ് വിൽപനയിലൂടെ 90 ലക്ഷം രൂപയും ആങ്കറിങ് ചാർജായി 10 ലക്ഷം രൂപയും പ്രതീക്ഷിക്കുന്നുണ്ട്. 1.65 കോടി രൂപ ബോണസിനായി മാറ്റിവെച്ചപ്പോൾ, ഇൻഫ്രാസ്ട്രക്ചർ കമ്മിറ്റിക്ക് 60 ലക്ഷവും 2024, 2025 മെയിന്റനൻസ് ഗ്രാന്റിനത്തിൽ 36 ലക്ഷവും കൾച്ചറൽ കമ്മിറ്റിക്ക് 15 ലക്ഷവും പബ്ലിസിറ്റിക്ക് 9 ലക്ഷവും പ്രൈസ് മണിക്ക് 8.25 ലക്ഷം രൂപയും വകയിരുത്തിയിട്ടുണ്ട്. വള്ളംകളിയുടെ ഉദ്ഘാടന ചടങ്ങിലേക്കുള്ള മുഖ്യാതിഥികളെ കണ്ടെത്താൻ ജില്ലാ കളക്ടറെ ചുമതലപ്പെടുത്തി. പ്രവേശന ടിക്കറ്റ് നിരക്കിൽ മാറ്റമില്ലാതെ തുടരാനും സ്പോൺസർഷിപ്പിന് ടെൻഡർ ക്ഷണിക്കാനും യോഗം തീരുമാനിച്ചു. സബ് കമ്മിറ്റികളുടെ രൂപീകരണത്തിന് അതത് കൺവീനർമാരെയും ഇന്റേണൽ ഓഡിറ്റ് കമ്മിറ്റി രൂപീകരണത്തിന് കൺവീനറെയും ചുമതലപ്പെടുത്തി. ആലപ്പുഴ ആർഡിഒ (ഫിനാൻസ്, സ്പോൺസർഷിപ്പ് കമ്മിറ്റികൾ), ഇറിഗേഷൻ എക്സിക്യൂട്ടീവ് എഞ്ചിനീയർ (ഇൻഫ്രാസ്ട്രക്ചർ കമ്മിറ്റി), എഡിഎം (സുവനീർ), ജില്ലാ ഇൻഫർമേഷൻ ഓഫീസർ (പബ്ലിസിറ്റി), അമ്പലപ്പുഴ തഹസിൽദാർ (ഫുഡ്), ആലപ്പുഴ നഗരസഭ ചെയർമാൻ (കൾച്ചറൽ), ബോട്ട് ഇൻസ്പെക്ടർ (ട്രാൻസ്പോർട്ട്), ജില്ലാ ഇൻഫർമാറ്റിക്സ് ഓഫീസർ (ഐടി) എന്നിവരാണ് വിവിധ സബ് കമ്മിറ്റികളുടെ കൺവീനർമാർ. മുൻ എംഎൽഎമാരായ അഡ്വ. എ.എ. ഷുക്കൂർ, സി.കെ. സദാശിവൻ, കെ.കെ. ഷാജു, എഡിഎം സി. പ്രേംജി, ഡെപ്യൂട്ടി കളക്ടറും ആർഡിഒ ഇൻചാർജുമായ കല ഭാസ്കർ, ഇറിഗേഷൻ എക്സിക്യൂട്ടീവ് എഞ്ചിനീയർ പി.എസ്. വിനോദ്, ഡെപ്യൂട്ടി പോലീസ് സൂപ്രണ്ട് ഗിൽസൺ മാത്യു, ചുണ്ടൻവള്ളം ഉടമ അസോസിയേഷൻ പ്രസിഡന്റ് ആർ.കെ. കുറുപ്പ്, ജനറൽ ബോഡി അംഗങ്ങൾ, വിവിധ വകുപ്പുകളിലെ ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

Voiceofnewskerala

Teacher മാവേലിക്കര, ആലപ്പുഴ, കേരളം•

4 hrs ago

72-ാമത് നെഹ്റു ട്രോഫി ജലമേള മുൻനിശ്ചയിച്ച പ്രകാരം ആഗസ്റ്റ് 22-ന് നടത്താൻ എൻടിബിആർ സൊസൈറ്റിയുടെ ആദ്യ ജനറൽ ബോഡി യോഗത്തിൽ തീരുമാനമായി. എംപിമാരായ കെ.സി. വേണുഗോപാൽ, കൊടിക്കുന്നിൽ സുരേഷ് എന്നിവരുടെ നേതൃത്വത്തിൽ കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിൽ സൊസൈറ്റി ചെയർമാനും ജില്ലാ കളക്ടറുമായ ഷാജി വി. നായർ അധ്യക്ഷത വഹിച്ചു. നേരത്തെ ആഗസ്റ്റ് രണ്ടാം ശനിയാഴ്ച നടത്താൻ തീരുമാനിച്ചിരുന്ന വള്ളംകളി ഓഗസ്റ്റ് 22-ലേക്ക് മാറ്റിയത് തെറ്റായ നടപടിയാണെന്നും നെഹ്റു ട്രോഫിയുമായി പണ്ഡിറ്റ് ജവഹർലാൽ നെഹ്റുവിന് വൈകാരിക ബന്ധമുണ്ടായിരുന്നതിനാൽ രണ്ടാം ശനിയാഴ്ച തന്നെ നടത്തുന്നതാണ് ഉചിതമെന്നും കെ.സി. വേണുഗോപാൽ എംപി അഭിപ്രായപ്പെട്ടു. എന്നാൽ, തീയതി നേരത്തെ പ്രഖ്യാപിച്ചത് മൂലം തയ്യാറെടുപ്പ് തുടങ്ങിയ വള്ളസമിതികൾക്കും ക്ലബുകൾക്കും പ്രായോഗികമായ ബുദ്ധിമുട്ടുകൾ ഒഴിവാക്കാനാണ് ഇത്തവണ 22-ന് തന്നെ വള്ളംകളി നടത്താൻ തീരുമാനമെടുത്തതെന്നും അദ്ദേഹം ചൂണ്ടിക്കാട്ടി. എൻടിബിആർ സൊസൈറ്റിയും സർക്കാർ ഉദ്യോഗസ്ഥരും ഒരുമിച്ച് പ്രവർത്തിച്ച് ആലപ്പുഴയുടെ പൈതൃകമായ ഈ ജലോത്സവം വൻ വിജയമാക്കണമെന്ന് കൊടിക്കുന്നിൽ സുരേഷ് എംപി പറഞ്ഞു. കഴിഞ്ഞ വർഷത്തെ ജലമേള വലിയ വിജയമാക്കുന്നതിൽ കെ.സി. വേണുഗോപാൽ എംപിയുടെ പങ്ക് നിർണായകമായിരുന്നുവെന്ന് ജില്ലാ കളക്ടർ ആമുഖ പ്രസംഗത്തിൽ എടുത്തുപറഞ്ഞു. യോഗത്തിൽ 2026-ലെ ജലമേളയുടെ ബജറ്റ് അവതരിപ്പിച്ച് പാസാക്കി. 6,04,70,000 രൂപയുടെ ബജറ്റിൽ 3.5 കോടി രൂപ സ്പോൺസർഷിപ്പിലൂടെയും 1 കോടി രൂപ സംസ്ഥാന ടൂറിസം ഗ്രാന്റിലൂടെയും 50 ലക്ഷം രൂപ കേന്ദ്ര ടൂറിസം ഗ്രാന്റിലൂടെയും കണ്ടെത്താൻ ലക്ഷ്യമിടുന്നു. ടിക്കറ്റ് വിൽപനയിലൂടെ 90 ലക്ഷം രൂപയും ആങ്കറിങ് ചാർജായി 10 ലക്ഷം രൂപയും പ്രതീക്ഷിക്കുന്നുണ്ട്. 1.65 കോടി രൂപ ബോണസിനായി മാറ്റിവെച്ചപ്പോൾ, ഇൻഫ്രാസ്ട്രക്ചർ കമ്മിറ്റിക്ക് 60 ലക്ഷവും 2024, 2025 മെയിന്റനൻസ് ഗ്രാന്റിനത്തിൽ 36 ലക്ഷവും കൾച്ചറൽ കമ്മിറ്റിക്ക് 15 ലക്ഷവും പബ്ലിസിറ്റിക്ക് 9 ലക്ഷവും പ്രൈസ് മണിക്ക് 8.25 ലക്ഷം രൂപയും വകയിരുത്തിയിട്ടുണ്ട്. വള്ളംകളിയുടെ ഉദ്ഘാടന ചടങ്ങിലേക്കുള്ള മുഖ്യാതിഥികളെ കണ്ടെത്താൻ ജില്ലാ കളക്ടറെ ചുമതലപ്പെടുത്തി. പ്രവേശന ടിക്കറ്റ് നിരക്കിൽ മാറ്റമില്ലാതെ തുടരാനും സ്പോൺസർഷിപ്പിന് ടെൻഡർ ക്ഷണിക്കാനും യോഗം തീരുമാനിച്ചു. സബ് കമ്മിറ്റികളുടെ രൂപീകരണത്തിന് അതത് കൺവീനർമാരെയും ഇന്റേണൽ ഓഡിറ്റ് കമ്മിറ്റി രൂപീകരണത്തിന് കൺവീനറെയും ചുമതലപ്പെടുത്തി. ആലപ്പുഴ ആർഡിഒ (ഫിനാൻസ്, സ്പോൺസർഷിപ്പ് കമ്മിറ്റികൾ), ഇറിഗേഷൻ എക്സിക്യൂട്ടീവ് എഞ്ചിനീയർ (ഇൻഫ്രാസ്ട്രക്ചർ കമ്മിറ്റി), എഡിഎം (സുവനീർ), ജില്ലാ ഇൻഫർമേഷൻ ഓഫീസർ (പബ്ലിസിറ്റി), അമ്പലപ്പുഴ തഹസിൽദാർ (ഫുഡ്), ആലപ്പുഴ നഗരസഭ ചെയർമാൻ (കൾച്ചറൽ), ബോട്ട് ഇൻസ്പെക്ടർ (ട്രാൻസ്പോർട്ട്), ജില്ലാ ഇൻഫർമാറ്റിക്സ് ഓഫീസർ (ഐടി) എന്നിവരാണ് വിവിധ സബ് കമ്മിറ്റികളുടെ കൺവീനർമാർ. മുൻ എംഎൽഎമാരായ അഡ്വ. എ.എ. ഷുക്കൂർ, സി.കെ. സദാശിവൻ, കെ.കെ. ഷാജു, എഡിഎം സി. പ്രേംജി, ഡെപ്യൂട്ടി കളക്ടറും ആർഡിഒ ഇൻചാർജുമായ കല ഭാസ്കർ, ഇറിഗേഷൻ എക്സിക്യൂട്ടീവ് എഞ്ചിനീയർ പി.എസ്. വിനോദ്, ഡെപ്യൂട്ടി പോലീസ് സൂപ്രണ്ട് ഗിൽസൺ മാത്യു, ചുണ്ടൻവള്ളം ഉടമ അസോസിയേഷൻ പ്രസിഡന്റ് ആർ.കെ. കുറുപ്പ്, ജനറൽ ബോഡി അംഗങ്ങൾ, വിവിധ വകുപ്പുകളിലെ ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.