गंगाखेड तालुक्यातील राणीसावरगाव येथे राष्ट्रमाता, राजमाता, लोकमाता पुण्यश्लोक अहिल्यादेवी होळकर यांची जयंती मोठ्या उत्साहात आणि भक्तिभावाने साजरी करण्यात आली. या निमित्ताने गावातील अहिल्यादेवी होळकर यांच्या पुतळ्यास पुष्पहार अर्पण करून त्यांना अभिवादन करण्यात आले. जिल्हा परिषद सदस्य अल्ताफ भैय्या यांच्या हस्ते हा पुष्पहार अर्पण करण्यात आला. यावेळी बोलताना अल्ताफ भैय्या यांनी पुण्यश्लोक अहिल्यादेवी होळकर यांच्या लोककल्याणकारी कार्याचा आदर्श समाजाने अंगीकारण्याची गरज असल्याचे सांगितले. त्यांच्या न्यायप्रिय, दूरदृष्टीपूर्ण आणि समाजहिताच्या कार्यातून आजच्या पिढीने प्रेरणा घ्यावी, असे आवाहन त्यांनी केले. याप्रसंगी जयंती उत्सव समितीच्या वतीने नवनिर्वाचित जिल्हा परिषद सदस्य अल्ताफ भैय्या यांचा शाल, श्रीफळ आणि पुष्पगुच्छ देऊन सत्कार करण्यात आला. सत्काराला उत्तर देताना अल्ताफ भैय्या यांनी जनतेने दाखविलेल्या विश्वासाबद्दल कृतज्ञता व्यक्त केली, तसेच परिसराच्या विकासासाठी कटिबद्ध राहण्याचा विश्वास दिला. या कार्यक्रमाला संतोष डोणे, माजी सरपंच तुकाराम हाके, तांदळवाडीचे सरपंच साधू हाके, उमाकांत हाके, शिवाजी दहिफळे, पंडित फुगणर, राजू डोणे, सायस हाके, अजीस शेख, निलेश जाधव, बंडू पुजारी, आकाश हाके, विठ्ठल घडे, राणीसावरगाव जिल्हा परिषद सदस्य प्रतिनिधी तथा उपसरपंच समीर भैय्या यांच्यासह गावातील अनेक मान्यवर, कार्यकर्ते आणि नागरिक मोठ्या संख्येने उपस्थित होते. हा कार्यक्रम उत्साहपूर्ण वातावरणात पार पडला आणि उपस्थितांनी लोकमाता पुण्यश्लोक अहिल्यादेवी होळकर यांच्या कार्याला अभिवादन करत त्यांच्या आदर्श जीवनातून प्रेरणा घेऊन समाजहितासाठी कार्य करण्याचा संकल्प केला.

Suresh Salmote

Lawyer गंगाखेड, परभणी, महाराष्ट्र•

2 hrs ago

गंगाखेड तालुक्यातील राणीसावरगाव येथे राष्ट्रमाता, राजमाता, लोकमाता पुण्यश्लोक अहिल्यादेवी होळकर यांची जयंती मोठ्या उत्साहात आणि भक्तिभावाने साजरी करण्यात आली. या निमित्ताने गावातील अहिल्यादेवी होळकर यांच्या पुतळ्यास पुष्पहार अर्पण करून त्यांना अभिवादन करण्यात आले. जिल्हा परिषद सदस्य अल्ताफ भैय्या यांच्या हस्ते हा पुष्पहार अर्पण करण्यात आला. यावेळी बोलताना अल्ताफ भैय्या यांनी पुण्यश्लोक अहिल्यादेवी होळकर यांच्या लोककल्याणकारी कार्याचा आदर्श समाजाने अंगीकारण्याची गरज असल्याचे सांगितले. त्यांच्या न्यायप्रिय, दूरदृष्टीपूर्ण आणि समाजहिताच्या कार्यातून आजच्या पिढीने प्रेरणा घ्यावी, असे आवाहन त्यांनी केले. याप्रसंगी जयंती उत्सव समितीच्या वतीने नवनिर्वाचित जिल्हा परिषद सदस्य अल्ताफ भैय्या यांचा शाल, श्रीफळ आणि पुष्पगुच्छ देऊन सत्कार करण्यात आला. सत्काराला उत्तर देताना अल्ताफ भैय्या यांनी जनतेने दाखविलेल्या विश्वासाबद्दल कृतज्ञता व्यक्त केली, तसेच परिसराच्या विकासासाठी कटिबद्ध राहण्याचा विश्वास दिला. या कार्यक्रमाला संतोष डोणे, माजी सरपंच तुकाराम हाके, तांदळवाडीचे सरपंच साधू हाके, उमाकांत हाके, शिवाजी दहिफळे, पंडित फुगणर, राजू डोणे, सायस हाके, अजीस शेख, निलेश जाधव, बंडू पुजारी, आकाश हाके, विठ्ठल घडे, राणीसावरगाव जिल्हा परिषद सदस्य प्रतिनिधी तथा उपसरपंच समीर भैय्या यांच्यासह गावातील अनेक मान्यवर, कार्यकर्ते आणि नागरिक मोठ्या संख्येने उपस्थित होते. हा कार्यक्रम उत्साहपूर्ण वातावरणात पार पडला आणि उपस्थितांनी लोकमाता पुण्यश्लोक अहिल्यादेवी होळकर यांच्या कार्याला अभिवादन करत त्यांच्या आदर्श जीवनातून प्रेरणा घेऊन समाजहितासाठी कार्य करण्याचा संकल्प केला.