सिंहस्थ कुंभमेळ्याच्या पार्श्वभूमीवर नाशिक पूर्व मतदारसंघातील आडगाव, नांदूर मानूर, पचक, मखमलाबाद येथे विविध रस्ते व इतर विकासकामे प्रस्तावित आहेत. या कामांसाठी मोठ्या प्रमाणात शेतजमीन आणि खासगी आस्थापना अधिग्रहित केली जाणार असल्याने स्थानिकांवर अन्याय होत असल्याची तक्रार नागरिकांनी आमदार राहुल ढिकले यांच्याकडे केली होती. या भूसंपादन प्रक्रियेत अनेक त्रुटी असल्याचा नागरिकांचा आक्षेप आहे. या तक्रारींच्या अनुषंगाने आमदार राहुल ढिकले यांनी जिल्हाधिकारी आयुष प्रसाद यांची भेट घेऊन संबंधित विषयांवर सविस्तर चर्चा केली. यावेळी त्यांनी जिल्हाधिकारी आयुष प्रसाद यांना शेतकरी व नागरिकांच्या भावना, त्यांच्या अडचणी आणि मागण्यांबाबत माहिती दिली. या चर्चेदरम्यान तहसीलदार अमोल निकम, पाटबंधारे विभागाच्या कार्यकारी अभियंता सोनल शहाणे आणि सार्वजनिक बांधकाम विभागाचे मुख्य अभियंता प्रशांत औटी उपस्थित होते. नाशिक पूर्व मतदारसंघातील नागरिकांच्या या तक्रारींची दखल घेत, आमदार राहुल ढिकले आता जिल्हाधिकारी आयुष प्रसाद यांच्यासह नागरिकांची बैठक घेणार आहेत.

PRASIDDHI PRAMUKH NEWS

पत्रकार नाशिक, नाशिक, महाराष्ट्र•

12 hrs ago

सिंहस्थ कुंभमेळ्याच्या पार्श्वभूमीवर नाशिक पूर्व मतदारसंघातील आडगाव, नांदूर मानूर, पचक, मखमलाबाद येथे विविध रस्ते व इतर विकासकामे प्रस्तावित आहेत. या कामांसाठी मोठ्या प्रमाणात शेतजमीन आणि खासगी आस्थापना अधिग्रहित केली जाणार असल्याने स्थानिकांवर अन्याय होत असल्याची तक्रार नागरिकांनी आमदार राहुल ढिकले यांच्याकडे केली होती. या भूसंपादन प्रक्रियेत अनेक त्रुटी असल्याचा नागरिकांचा आक्षेप आहे. या तक्रारींच्या अनुषंगाने आमदार राहुल ढिकले यांनी जिल्हाधिकारी आयुष प्रसाद यांची भेट घेऊन संबंधित विषयांवर सविस्तर चर्चा केली. यावेळी त्यांनी जिल्हाधिकारी आयुष प्रसाद यांना शेतकरी व नागरिकांच्या भावना, त्यांच्या अडचणी आणि मागण्यांबाबत माहिती दिली. या चर्चेदरम्यान तहसीलदार अमोल निकम, पाटबंधारे विभागाच्या कार्यकारी अभियंता सोनल शहाणे आणि सार्वजनिक बांधकाम विभागाचे मुख्य अभियंता प्रशांत औटी उपस्थित होते. नाशिक पूर्व मतदारसंघातील नागरिकांच्या या तक्रारींची दखल घेत, आमदार राहुल ढिकले आता जिल्हाधिकारी आयुष प्रसाद यांच्यासह नागरिकांची बैठक घेणार आहेत.