વિધવા નાણાકીય સહાય (WFA) યોજના હેઠળ ગંગા સ્વરૂપા યોજનાની સહાય હવે ઇન્ડિયા પોસ્ટ પેમેન્ટ્સ બેંકમાં સીધી જમા થશે શૂન્ય બેલેન્સથી ખુલશે IPPB ખાતા, ઘરબેઠા મળશે પૈસા ઉપાડવાની સુવિધા અખબારી યાદી મહેસાણા, ૧૮ ફેબ્રુઆરી ૨૦૨૬ ગુજરાત સરકાર દ્વારા વિધવા મહિલાઓને આર્થિક સ્વાવલંબન અને સન્માનજનક જીવન આપવા માટે અમલમાં મુકાયેલી 'ગંગા સ્વરૂપા આર્થિક સહાય યોજના' (વિધવા નાણાકીય સહાય - WFA)માં મોટો વહીવટી સુધારો કરવામાં આવ્યો છે. હવે આ યોજના હેઠળની સહાયની રકમ સીધી ઇન્ડિયા પોસ્ટ પેમેન્ટ્સ બેંક (IPPB)ના ખાતામાં જમા થશે. આધાર આધારિત ડાયરેક્ટ બેનિફિટ ટ્રાન્સફર (DBT) દ્વારા લાભાર્થીઓને નાણાં સીધા તેમના ખાતામાં પહોંચાડવામાં આવશે, જેથી તેઓને પોસ્ટ ઓફિસ કે બેંક જવાની જરૂર રહેશે નહીં. પોસ્ટમાસ્ટર જનરલ શ્રી કૃષ્ણ કુમાર યાદવે જણાવ્યું કે ઉત્તર ગુજરાત પરિક્ષેત્રમાં હાલમાં ૧,૪૭,૬૪૭ WFA લાભાર્થીઓ પોસ્ટ ઓફિસ ખાતા દ્વારા સહાય મેળવી રહ્યા છે. મહિલા અને બાળ વિકાસ વિભાગ, ગુજરાત સરકારની પહેલથી તમામ લાભાર્થીઓના આધાર-સીડેડ IPPB ખાતા ખોલવાનું કામ ઝડપથી ચાલી રહ્યું છે. આ માટે અમદાવાદ, ગાંધીનગર, મહેસાણા, પાટણ, સાબરકાંઠા, અરવલ્લી અને બનાસકાંઠા જિલ્લાઓમાં ૧૪ થી ૨૦ ફેબ્રુઆરી, ૨૦૨૬ સુધી વિશેષ અભિયાન ચલાવવામાં આવી રહ્યું છે, જેથી નવા IPPB ખાતા ખોલીને યોજના સાથે જોડાઈ શકાય. લાભાર્થીઓએ નજીકની પોસ્ટ ઓફિસનો સંપર્ક કરીને IPPB ખાતું ખોલાવી શકે છે. વિનંતી પર પોસ્ટમેન કે ગ્રામિણ ડાક સેવક ઘરે જઈને પણ ખાતું ખોલી આપશે. ખાતું ખોલવા માટે આધાર કાર્ડ, આધાર સાથે લિંક થયેલ મોબાઇલ નંબર અને બચત ખાતાની પાસબુક જરૂરી રહેશે. આ ખાતા શૂન્ય બેલેન્સથી ખુલી શકે છે. જો પહેલેથી IPPB ખાતું હોય તો માત્ર આધાર સીડિંગ કરાવવું પડશે. આ ખાતું જૂના પોસ્ટ ઓફિસ બચત ખાતા સાથે લિંક કરી શકાય છે, જેથી બંનેના લાભ એકસાથે મળી શકે. મહેસાણા મંડળના અધિક્ષક ડાકઘર સિરાજ યુ. મન્ચુરીએ જણાવ્યું કે મહેસાણા મંડળમાં કુલ ૨૮,૮૯૫ WFA લાભાર્થીઓ છે. જો ખાતું ખોલવામાં કોઈ મુશ્કેલી પડે તો ૯૭૨૬૯૯૯૭૩૭ નંબર પર સંપર્ક કરી શકાય છે. આ નવી વ્યવસ્થાથી વિધવા બહેનોને ઘરબેઠા સુરક્ષિત અને સરળ રીતે સહાય મળશે, જે તેમના આત્મનિર્ભર જીવનને વધુ મજબૂત બનાવશે.
વિધવા નાણાકીય સહાય (WFA) યોજના હેઠળ ગંગા સ્વરૂપા યોજનાની સહાય હવે ઇન્ડિયા પોસ્ટ પેમેન્ટ્સ બેંકમાં સીધી જમા થશે શૂન્ય બેલેન્સથી ખુલશે IPPB ખાતા, ઘરબેઠા મળશે પૈસા ઉપાડવાની સુવિધા અખબારી યાદી મહેસાણા, ૧૮ ફેબ્રુઆરી ૨૦૨૬ ગુજરાત સરકાર દ્વારા વિધવા મહિલાઓને આર્થિક સ્વાવલંબન અને સન્માનજનક જીવન આપવા માટે અમલમાં મુકાયેલી 'ગંગા સ્વરૂપા આર્થિક સહાય યોજના' (વિધવા નાણાકીય સહાય - WFA)માં મોટો વહીવટી સુધારો કરવામાં આવ્યો છે. હવે આ યોજના હેઠળની સહાયની રકમ સીધી ઇન્ડિયા પોસ્ટ પેમેન્ટ્સ બેંક (IPPB)ના ખાતામાં જમા થશે. આધાર આધારિત ડાયરેક્ટ બેનિફિટ ટ્રાન્સફર (DBT) દ્વારા લાભાર્થીઓને નાણાં સીધા તેમના ખાતામાં પહોંચાડવામાં આવશે, જેથી તેઓને પોસ્ટ ઓફિસ કે બેંક જવાની જરૂર રહેશે નહીં. પોસ્ટમાસ્ટર જનરલ શ્રી કૃષ્ણ કુમાર યાદવે જણાવ્યું કે ઉત્તર ગુજરાત પરિક્ષેત્રમાં હાલમાં ૧,૪૭,૬૪૭ WFA લાભાર્થીઓ પોસ્ટ ઓફિસ ખાતા દ્વારા સહાય મેળવી રહ્યા છે. મહિલા અને બાળ વિકાસ વિભાગ, ગુજરાત સરકારની પહેલથી તમામ લાભાર્થીઓના આધાર-સીડેડ IPPB ખાતા ખોલવાનું કામ ઝડપથી ચાલી રહ્યું છે. આ માટે અમદાવાદ, ગાંધીનગર, મહેસાણા, પાટણ, સાબરકાંઠા, અરવલ્લી અને બનાસકાંઠા જિલ્લાઓમાં ૧૪ થી ૨૦ ફેબ્રુઆરી, ૨૦૨૬ સુધી વિશેષ અભિયાન ચલાવવામાં આવી રહ્યું છે, જેથી નવા IPPB ખાતા ખોલીને યોજના સાથે જોડાઈ શકાય. લાભાર્થીઓએ નજીકની પોસ્ટ ઓફિસનો સંપર્ક કરીને IPPB ખાતું ખોલાવી શકે છે. વિનંતી પર પોસ્ટમેન કે ગ્રામિણ ડાક સેવક ઘરે જઈને પણ ખાતું ખોલી આપશે. ખાતું ખોલવા માટે આધાર કાર્ડ, આધાર સાથે લિંક થયેલ મોબાઇલ નંબર અને બચત ખાતાની પાસબુક જરૂરી રહેશે. આ ખાતા શૂન્ય બેલેન્સથી ખુલી શકે છે. જો પહેલેથી IPPB ખાતું હોય તો માત્ર આધાર સીડિંગ કરાવવું પડશે. આ ખાતું જૂના પોસ્ટ ઓફિસ બચત ખાતા સાથે લિંક કરી શકાય છે, જેથી બંનેના લાભ એકસાથે મળી શકે. મહેસાણા મંડળના અધિક્ષક ડાકઘર સિરાજ યુ. મન્ચુરીએ જણાવ્યું કે મહેસાણા મંડળમાં કુલ ૨૮,૮૯૫ WFA લાભાર્થીઓ છે. જો ખાતું ખોલવામાં કોઈ મુશ્કેલી પડે તો ૯૭૨૬૯૯૯૭૩૭ નંબર પર સંપર્ક કરી શકાય છે. આ નવી વ્યવસ્થાથી વિધવા બહેનોને ઘરબેઠા સુરક્ષિત અને સરળ રીતે સહાય મળશે, જે તેમના આત્મનિર્ભર જીવનને વધુ મજબૂત બનાવશે.
- રણાસણ રેપડી માતાજી મંદિરે મહાશિવરાત્રી ૨ મહોત્સવમાં મહાલઘુરૂદ્ર યજ્ઞ, કાલ ભૈરવ યજ્ઞ, ભંડારા અને ભજન-સત્સંગ સહિતના તમામ કાર્યક્રમો સફળતાપૂર્વક પૂર્ણ મહેસાણા જિલ્લાના વિજાપુર તાલુકાના રણાસણ ગામમાં આવેલ રેપડી માતાજી મંદિર ખાતે મહાશિવરાત્રીના પર્વ દરમિયાન શિવ ગોરખ અઘોર અખાડા દ્વારા આયોજિત મહાશિવરાત્રી ૨ મહોત્સવ તથા મહા લઘુરૂદ્ર યજ્ઞ હવે સમાપ્ત થઈ ગયો છે. આ ત્રણ દિવસીય ભવ્ય કાર્યક્રમમાં હજારો ભક્તો, સાધુ-સંતો અને શ્રદ્ધાળુઓ ઉમટ્યા હતા જેના કારણે ગોરખ ધુણા ખાતે પ્રભુનાથજી ગિરનારી બાપાની સમાધિ પાસે ભક્તિમય અને ઉત્સાહભર્યું વાતાવરણ જોવા મળ્યું હતું. કાર્યક્રમના મુખ્ય મુદ્દાઓમાં મહા લઘુરૂદ્ર યજ્ઞનો આરંભ પ્રથમ દિવસે સવારે ૯ વાગ્યે થયો હતો. કાર્યક્રમના બીજા દિવસે સાધુ-સંતો તથા મહેમાનો માટે વિશાળ ભંડારાનું આયોજન કરવામાં આવ્યું હતું જેમાં અનેક લોકોએ ભાગ લીધો હતો. તે જ દિવસે રાત્રે ૯ વાગ્યે ભજન-સત્સંગનો કાર્યક્રમ યોજાયો હતો જેમાં ભક્તોને ભક્તિરસનો અનુભવ થયો હતો. છેલ્લા દિવસે સાંજે ૪ વાગ્યે યજ્ઞની પૂર્ણાહુતિ સાથે સમગ્ર મહોત્સવનું સમાપન થયું હતું. આ મહોત્સવમાં કાલ ભૈરવ યજ્ઞ, પ્રભુનાથજીની સમાધિ તિથિ તથા અઘોરી બાપુના ધુણા સાથે જોડાયેલા તમામ પરંપરાગત વિધિ-વિધાનો પણ સંપન્ન થયા હતા. આયોજનમાં અઘોરી યોગી સાગરનાથ બાપુએ અધ્યક્ષ/પ્રમુખ તરીકે, સાવરીયા શેઠે સનરક્ષક તરીકે અને એડવોકેટ હાર્દિક પટેલ હીરાનાથે ઉપાધ્યક્ષ તરીકે મુખ્ય જવાબદારી નિભાવી હતી. યોગી બાબા સાગરનાથજી તથા માતાજી નિર્મલનાથજીના માર્ગદર્શન હેઠળ આયોજિત આ કાર્યક્રમ સુરક્ષિત, શાંતિપૂર્ણ અને વ્યવસ્થિત રીતે પૂર્ણ થયો હોવાનું આયોજકોએ જણાવ્યું હતું.1BABA SAIYAD
- ઇડર ખાતે ગુજરાત સાહિત્ય અકાદમી, ગાંધીનગર તથા સમ્યક એજ્યુકેશન એન્ડ ચેરિટેબલ ટ્રસ્ટ, કુકડિયાના સંયુક્ત ઉપક્રમે માતૃભાષા મહોત્સવ સપ્તાહ નિમિત્તે કવિ સંમેલનનું આયોજન કરવામાં આવ્યું હતું. કાર્યક્રમ શ્રી હીરાલાલ હોલ, ઇડર ખાતે યોજાયો હતો, જેમાં મુખ્ય અતિથિ તરીકે અશ્વિનભાઈ પટેલ (પ્રમુખ, ઉત્તર સાબરકાંઠા કેળવણી મંડળ) હાજર રહ્યા હતા.ત્યારે આ પ્રસંગે બહોળી સંખ્યામાં માતૃભાષા પ્રેમીઓ અને સાહિત્ય રસિકો આ કાર્યક્રમમાં ઉપસ્થિત રહીને કાવ્ય પઠનનો રસા સ્વાદ માણ્યો હતો1રીપોર્ટર ધ્રુવ માળી
- પોશીના તાલુકાના લાંબડીયા ગામે રામદેવ મહિલા મંડળની બહેનો દ્વારા રામદેવપીર ની મંડળીનું આયોજન કરવામાં આવતાં જશવંતપુરા ગામની રામદેવપીર મંડળી દ્વારા લાંબડીયા ગામે ત્રણ દિવસ સુધી બાબા રામદેવનું આખ્યાન યોજવામાં આવેલ જેમાં મોટી સંખ્યામાં ગામ લોકો હાજર રહી આ મંડળીને નિહાળી બાબા રામદેવ પ્રત્યે પોતાની આસ્થા અને શ્રદ્ધા પ્રગટ કરેલ ત્રીજા દિવસે આખ્યાન પૂરું થતાં ગામ લોકો દ્વારા રામદેવપીર મંડળી નો આભાર પ્રગટ કરીને વિદાય આપવામાં આવેલ.1Press reporter
- સુરત : સુરતમાં પબ્લિક તમાશા જોતી રહી અને બે કારીગરો ખૂનના પ્યાસા બન્યા સુરત શહેરના ડીંડોલી વિસ્તારમાં બની હતી ઘટના સચિનમાં મજૂરી બાબતે થઈ હતી માથાકૂટ સવારની માથાકૂટ ડિંડોલીમાં થઈ મારામારી બે મજુરો વચ્ચે થઈ છુટા હાથની મારામારી લોહીલુહાણ હાલત હોવા છતાં મજુરે ઈંટ વડે મારતો રહ્યો મારામારી જોવા માટે લોકોનો જમાવડો દેખાયો પરંતુ છોડાવવા કોઈ તૈયાર નથી કેટલાક લોકો વિડિઓ બનાવતા જોવા મળ્યા મારામારીનો વીડિયો સોશિયલ મીડિયામાં વાયરલ વાયરલ વીડિયોના આધારે ડિંડોલી પોલીસ તપાસ શરૂ કરી1GOLD COIN NEWS
- મોડાસા તાલુકા ના ગાજણ ગામે છેલ્લા છ સાત વર્ષ અગાઉ પાકો રસ્તો બનવ્યો હતૉ. હાલ માં આ રોડ ઉપર ઠેર ઠેર ખાડા પડી ગયા છે. જે રોડ ઉપર વારંવાર માર્ગ અને મકાન ધ્વરા ખાડા પેવર કરવા માં આવે છે. ત્યારે ગ્રામ જનો ની લોક માંગ છે કે ગાજણ ગામનો રસ્તો ઝડપી બનાવવા માં આવે તેવી લોક માંગ છે. જવાનસિંહ ઠાકોર અરવલ્લી. મોં. 96385006502Jawansingh thakor@108 ખબરદાર ન
- ખેડબ્રહ્માના વાતાવરણમાં આવ્યો પલટો1ચંદ્રકાંત પ્રજાપતિ
- Post by Crime News M.98248716661Crime News M.9824871666
- અમેરિકા-ભારત વેપાર કરારથી ગુજરાતના કપાસ-મકાઈ ખેડૂતોને પારાવાર નુકસાન, કલેક્ટરને આવેદન આમ આદમી પાર્ટી (AAP) ગુજરાત દ્વારા **ભારત-અમેરિકા વચ્ચેના વેપાર કરાર (India-US Trade Deal)**નો સખત વિરોધ કરવામાં આવ્યો છે. પાર્ટીના મતે આ કરારથી ગુજરાતના ખેડૂતો, પશુપાલકો, નાના વેપારીઓ તેમજ સામાન્ય નાગરિકોને ભારે નુકસાન થવાની શક્યતા છે. તા. 17 ફેબ્રુઆરી, 2026ના રોજ જારી કરાયેલ પ્રેસ નોટમાં AAP ગુજરાતે જણાવ્યું છે કે અમેરિકા સાથેની આ ટ્રેડ ડીલ ખેડૂતો અને પશુપાલકો વિરોધી છે. આ કરાર હેઠળ અમેરિકન કૃષિ ઉત્પાદનો જેમ કે મકાઈ, સોયાબીન, કપાસ વગેરેની આયાત પર ટેરિફ ઘટાડવાથી અથવા ખોલવાથી ભારતીય ખેડૂતોના ઉત્પાદનોના ભાવ ઘટી શકે છે અને તેમની આજીવિકા પર અસર પડી શકે છે. આ સંદર્ભે AAPના મહેસાણા જિલ્લા પ્રમુખ **જયદેવસિંહ ચાવડા (એડવોકેટ)**એ જિલ્લા પદ અધિકારીઓ અને કાર્યકર્તાઓ સાથે મળીને મહેસાણા કલેક્ટરને આવેદન પાઠવ્યું છે. આ આવેદન ગુજરાતના તમામ જિલ્લાઓમાં પણ સમાન રીતે પાઠવવામાં આવી રહ્યું છે, જેથી સરકાર સુધી વિરોધનો અવાજ પહોંચે. AAP ગુજરાતના આ વિરોધમાં કહેવામાં આવ્યું છે કે આ કરારથી ગુજરાત જેવા કપાસ, મકાઈ અને અન્ય પાકોના મોટા ઉત્પાદક રાજ્યમાં ખેડૂતોની આવક ઘટશે, પશુપાલનને અસર થશે અને નાના વેપારીઓનો વેપાર પણ પ્રભાવિત થશે. પાર્ટીએ સરકારને આ કરાર પર પુનર્વિચાર કરવા અને ખેડૂતોના હિતોનું રક્ષણ કરવાની માંગ કરી છે. આ વેપાર કરારના વિરોધમાં AAP દ્વારા આગામી દિવસોમાં વધુ આંદોલન અને જાગૃતિ અભિયાનો ચલાવવાની યોજના છે, જેથી સામાન્ય નાગરિકો અને ખેડૂતોના હિતો સુરક્ષિત રહે.1BABA SAIYAD
