नागराज मंजुळेंच्या ‘खाशाबा’चा टीझर चर्चेत; दापुरी खुर्दचे संतोष भालेराव सहकलाकाराच्या भूमिकेत नागराज मंजुळेंच्या ‘खाशाबा’चा टीझर चर्चेत; दापुरी खुर्दचे संतोष भालेराव सहकलाकाराच्या भूमिकेत खाशाबा जाधव यांच्या संघर्षमय जीवनप्रवासाची रुपेरी पडद्यावर मांडणी; १ जानेवारी २०२७ रोजी जगभरात प्रदर्शित होणार चित्रपट रिसोड : महाराष्ट्राचे सुपुत्र आणि महान कुस्तीपटू खाशाबा दादासाहेब जाधव यांच्या जीवनावर आधारित प्रसिद्ध दिग्दर्शक नागराज मंजुळे यांच्या बहुचर्चित ‘खाशाबा’ चित्रपटाचा टीझर प्रदर्शित झाला असून, त्यातून चित्रपटाची भव्यता आणि कथानकाची प्राथमिक झलक समोर आली आहे. गेल्या चार-पाच वर्षांपासून चर्चेत असलेल्या या चित्रपटाच्या प्रदर्शनाची तारीखही जाहीर करण्यात आली असून, १ जानेवारी २०२७ रोजी हा चित्रपट जगभरातील चित्रपटगृहांमध्ये प्रदर्शित होणार आहे. नागराज मंजुळे यांच्या दिग्दर्शनाखाली साकारलेल्या या चित्रपटात खाशाबा जाधव यांच्या जीवनातील संघर्ष, कुस्तीची पार्श्वभूमी आणि त्यांच्या ऐतिहासिक क्रीडा प्रवासाचे चित्रण करण्यात आले आहे. टीझरमध्ये लाल मातीतील कुस्तीचे प्रसंग, तत्कालीन काळाचे वातावरण तसेच खाशाबा जाधव यांच्या संघर्षाची झलक पाहायला मिळते. त्यामुळे चित्रपटाबाबत प्रेक्षकांमध्ये उत्सुकता निर्माण झाली आहे. विशेष म्हणजे, या चित्रपटात रिसोड तालुक्यातील दापुरी खुर्द येथील संतोष वामन भालेराव यांचा सहकलाकार म्हणून सहभाग आहे. ग्रामीण भागातून अभिनय क्षेत्रात प्रवास करणाऱ्या भालेराव यांना नागराज मंजुळे यांच्या दिग्दर्शनाखाली काम करण्याची संधी मिळाली आहे. प्रमुख भूमिकेतील कलाकाराचे नाव अद्याप जाहीर नाही चित्रपटाच्या टीझरमध्ये विविध कलाकारांची झलक दिसत असली, तरी खाशाबा जाधव यांची प्रमुख भूमिका साकारणाऱ्या कलाकाराच्या नावाचा अधिकृत खुलासा अद्याप करण्यात आलेला नाही. या भूमिकेसाठी नव्या चेहऱ्याचा शोध घेण्यात आला असून, महाराष्ट्रातील विविध भागांत ऑडिशन प्रक्रिया राबविण्यात आल्याची माहिती आहे. या प्रक्रियेतून नवोदित कलाकाराची निवड करण्यात आल्याचे सांगितले जात असून, त्याच्या नावाची अधिकृत घोषणा निर्मात्यांकडून करण्यात येणे अपेक्षित आहे. १९५२च्या ऑलिम्पिकमधील ऐतिहासिक कामगिरी खाशाबा दादासाहेब जाधव यांनी १९५२च्या हेलसिंकी ऑलिम्पिकमध्ये कुस्तीमध्ये कांस्यपदक पटकावून भारतीय क्रीडा इतिहासात महत्त्वपूर्ण स्थान निर्माण केले. अत्यंत प्रतिकूल परिस्थितीतून वाटचाल करत त्यांनी आंतरराष्ट्रीय स्तरावर मिळवलेले यश, त्यांचा संघर्ष आणि जिद्द हा ‘खाशाबा’ चित्रपटाचा केंद्रबिंदू आहे. दिग्गज कलाकारांचा सहभाग चित्रपटाची निर्मिती जिओ स्टुडिओजकडून करण्यात आली असून, संगीत अजय-अतुल यांचे आहे. चित्रपटात जितेंद्र जोशी, महेश मांजरेकर, गिरीश कुलकर्णी, संदीप कुलकर्णी, संदेश कुलकर्णी, सुरेश विश्वकर्मा, वैभव मांगले, छाया कदम, गार्गी कुलकर्णी तसेच नागराज मंजुळे यांच्यासह अनेक कलाकार सहभागी आहेत. संतोष वामन भालेराव यांचाही सहकलाकार म्हणून सहभाग आहे. चार-पाच वर्षांपासून सुरू असलेल्या या चित्रपटाच्या निर्मिती प्रक्रियेनंतर आता टीझर आणि प्रदर्शनाची तारीख जाहीर झाल्याने ‘खाशाबा’च्या प्रदर्शनाकडे क्रीडाप्रेमी आणि चित्रपट रसिकांचे लक्ष लागले आहे.

Suresh Badrigiri Giri

Mechanic रिसोड, वाशिम, महाराष्ट्र•

1 hr ago

नागराज मंजुळेंच्या ‘खाशाबा’चा टीझर चर्चेत; दापुरी खुर्दचे संतोष भालेराव सहकलाकाराच्या भूमिकेत नागराज मंजुळेंच्या ‘खाशाबा’चा टीझर चर्चेत; दापुरी खुर्दचे संतोष भालेराव सहकलाकाराच्या भूमिकेत खाशाबा जाधव यांच्या संघर्षमय जीवनप्रवासाची रुपेरी पडद्यावर मांडणी; १ जानेवारी २०२७ रोजी जगभरात प्रदर्शित होणार चित्रपट रिसोड : महाराष्ट्राचे सुपुत्र आणि महान कुस्तीपटू खाशाबा दादासाहेब जाधव यांच्या जीवनावर आधारित प्रसिद्ध दिग्दर्शक नागराज मंजुळे यांच्या बहुचर्चित ‘खाशाबा’ चित्रपटाचा टीझर प्रदर्शित झाला असून, त्यातून चित्रपटाची भव्यता आणि कथानकाची प्राथमिक झलक समोर आली आहे. गेल्या चार-पाच वर्षांपासून चर्चेत असलेल्या या चित्रपटाच्या प्रदर्शनाची तारीखही जाहीर करण्यात आली असून, १ जानेवारी २०२७ रोजी हा चित्रपट जगभरातील चित्रपटगृहांमध्ये प्रदर्शित होणार आहे. नागराज मंजुळे यांच्या दिग्दर्शनाखाली साकारलेल्या या चित्रपटात खाशाबा जाधव यांच्या जीवनातील संघर्ष, कुस्तीची पार्श्वभूमी आणि त्यांच्या ऐतिहासिक क्रीडा प्रवासाचे चित्रण करण्यात आले आहे. टीझरमध्ये लाल मातीतील कुस्तीचे प्रसंग, तत्कालीन काळाचे वातावरण तसेच खाशाबा जाधव यांच्या संघर्षाची झलक पाहायला मिळते. त्यामुळे चित्रपटाबाबत प्रेक्षकांमध्ये उत्सुकता निर्माण झाली आहे. विशेष म्हणजे, या चित्रपटात रिसोड तालुक्यातील दापुरी खुर्द येथील संतोष वामन भालेराव यांचा सहकलाकार म्हणून सहभाग आहे. ग्रामीण भागातून अभिनय क्षेत्रात प्रवास करणाऱ्या भालेराव यांना नागराज मंजुळे यांच्या दिग्दर्शनाखाली काम करण्याची संधी मिळाली आहे. प्रमुख भूमिकेतील कलाकाराचे नाव अद्याप जाहीर नाही चित्रपटाच्या टीझरमध्ये विविध कलाकारांची झलक दिसत असली, तरी खाशाबा जाधव यांची प्रमुख भूमिका साकारणाऱ्या कलाकाराच्या नावाचा अधिकृत खुलासा अद्याप करण्यात आलेला नाही. या भूमिकेसाठी नव्या चेहऱ्याचा शोध घेण्यात आला असून, महाराष्ट्रातील विविध भागांत ऑडिशन प्रक्रिया राबविण्यात आल्याची माहिती आहे. या प्रक्रियेतून नवोदित कलाकाराची निवड करण्यात आल्याचे सांगितले जात असून, त्याच्या नावाची अधिकृत घोषणा निर्मात्यांकडून करण्यात येणे अपेक्षित आहे. १९५२च्या ऑलिम्पिकमधील ऐतिहासिक कामगिरी खाशाबा दादासाहेब जाधव यांनी १९५२च्या हेलसिंकी ऑलिम्पिकमध्ये कुस्तीमध्ये कांस्यपदक पटकावून भारतीय क्रीडा इतिहासात महत्त्वपूर्ण स्थान निर्माण केले. अत्यंत प्रतिकूल परिस्थितीतून वाटचाल करत त्यांनी आंतरराष्ट्रीय स्तरावर मिळवलेले यश, त्यांचा संघर्ष आणि जिद्द हा ‘खाशाबा’ चित्रपटाचा केंद्रबिंदू आहे. दिग्गज कलाकारांचा सहभाग चित्रपटाची निर्मिती जिओ स्टुडिओजकडून करण्यात आली असून, संगीत अजय-अतुल यांचे आहे. चित्रपटात जितेंद्र जोशी, महेश मांजरेकर, गिरीश कुलकर्णी, संदीप कुलकर्णी, संदेश कुलकर्णी, सुरेश विश्वकर्मा, वैभव मांगले, छाया कदम, गार्गी कुलकर्णी तसेच नागराज मंजुळे यांच्यासह अनेक कलाकार सहभागी आहेत. संतोष वामन भालेराव यांचाही सहकलाकार म्हणून सहभाग आहे. चार-पाच वर्षांपासून सुरू असलेल्या या चित्रपटाच्या निर्मिती प्रक्रियेनंतर आता टीझर आणि प्रदर्शनाची तारीख जाहीर झाल्याने ‘खाशाबा’च्या प्रदर्शनाकडे क्रीडाप्रेमी आणि चित्रपट रसिकांचे लक्ष लागले आहे.