હલધરૂ ગામે દુઃખદ અકસ્માતઃ સફાઈ કામ કરતી મહિલા લિફ્ટ નીચે દબાઈ, સારવાર દરમિયાન મોત સુરત જિલ્લાના કામરેજ તાલુકાના હલધરૂ ગામે આવેલી ઔદ્યોગિક એકમમાં સફાઈ કામ કરતી 53 વર્ષીય મહિલાનું લિફ્ટ નીચે દબાઈ જતાં ગંભીર ઈજાઓના કારણે મોત નીપજતાં અરેરાટી ફેલાઈ હતી. સમગ્ર ઘટના CCTV કેમેરામાં કેદ થઈ હોવાનું સામે આવ્યું છે. બનાવ અંગે કામરેજ પોલીસે BNSSની કલમ 194 મુજબ અકસ્માત મોતની નોંધ કરી વધુ તપાસ હાથ ધરી છે. મળતી માહિતી મુજબ, તા. 20 સપ્ટેમ્બર 2026ના રોજ સવારે આશરે 11 વાગ્યાના અરસામાં હલધરૂ ગામની સીમમાં આવેલા એન્થમ ઇન્ડસ્ટ્રીયલ પાર્ક-01ના પ્લોટ નં. 28 ખાતે આવેલી અક્ષરમ ટેક્સટાઇલના બેઝમેન્ટમાં આ દુઃખદ અકસ્માત સર્જાયો હતો. મૃતક મહિલાની ઓળખ ચુન્નીબેન લક્ષ્મણભાઈ ગૌરી (ઉંમર 53 વર્ષ) તરીકે થઈ છે. તેઓ મૂળ ઉત્તર પ્રદેશના બાંદા જિલ્લાના રહેવાસી હતા અને હાલ તેમના પતિ સાથે હલધરૂ ગામની રૂદ્ર રેસિડેન્સીમાં રહેતા હતા. ચુન્નીબેન મજૂરી તેમજ સફાઈ કામ કરી પરિવારનું ગુજરાન ચલાવતા હતા. ઘટનાના સમયે ચુન્નીબેન અક્ષરમ ટેક્સટાઇલના બેઝમેન્ટમાં સફાઈ કામ કરી રહ્યા હતા. સફાઈ દરમિયાન તેઓ લિફ્ટના નીચેના ભાગમાં ગયા હતા. તે દરમિયાન અચાનક લિફ્ટ ઉપરથી નીચે આવી જતાં તેઓ તેની નીચે દબાઈ ગયા હતા. આ સમગ્ર ઘટનાના CCTV ફૂટેજ સામે આવ્યા છે. અકસ્મતમાં ચુન્નીબેનને મોઢા તથા છાતીના ભાગે ગંભીર ઈજાઓ થતાં તેમને તાત્કાલિક સારવાર માટે ચલથાણની સંજીવની હોસ્પિટલ ખાતે ખસેડવામાં આવ્યા હતા. જોકે, હોસ્પિટલમાં ફરજ પરના તબીબે તપાસ કર્યા બાદ તેમને મૃત જાહેર કર્યા હતા. બનાવની જાણ તેમના પતિ લક્ષ્મણભાઈ ગૌરી (ઉંમર 51 વર્ષ) દ્વારા પોલીસને કરવામાં આવી હતી. ત્યારબાદ કામરેજ પોલીસે BNSS કલમ 194 મુજબ અકસ્માત મોતની નોંધ કરી ઘટનાની તપાસ શરૂ કરી છે. સમગ્ર બનાવની તપાસ એ.એસ.આઈ. હાર્દિકસિંહ ભરતભાઈ ચૌહાણ દ્વારા હાથ ધરવામાં આવી રહી છે. પોલીસ દ્વારા અકસ્માત કેવી રીતે સર્જાયો, લિફ્ટની કામગીરી તથા સલામતીના પાસાઓ સહિતની બાબતો અંગે વધુ તપાસ કરવામાં આવી રહી છે

Hetalkumar manharbhai mis

Local News Reporter પલસાણા, સુરત, ગુજરાત•

1 hr ago

હલધરૂ ગામે દુઃખદ અકસ્માતઃ સફાઈ કામ કરતી મહિલા લિફ્ટ નીચે દબાઈ, સારવાર દરમિયાન મોત સુરત જિલ્લાના કામરેજ તાલુકાના હલધરૂ ગામે આવેલી ઔદ્યોગિક એકમમાં સફાઈ કામ કરતી 53 વર્ષીય મહિલાનું લિફ્ટ નીચે દબાઈ જતાં ગંભીર ઈજાઓના કારણે મોત નીપજતાં અરેરાટી ફેલાઈ હતી. સમગ્ર ઘટના CCTV કેમેરામાં કેદ થઈ હોવાનું સામે આવ્યું છે. બનાવ અંગે કામરેજ પોલીસે BNSSની કલમ 194 મુજબ અકસ્માત મોતની નોંધ કરી વધુ તપાસ હાથ ધરી છે. મળતી માહિતી મુજબ, તા. 20 સપ્ટેમ્બર 2026ના રોજ સવારે આશરે 11 વાગ્યાના અરસામાં હલધરૂ ગામની સીમમાં આવેલા એન્થમ ઇન્ડસ્ટ્રીયલ પાર્ક-01ના પ્લોટ નં. 28 ખાતે આવેલી અક્ષરમ ટેક્સટાઇલના બેઝમેન્ટમાં આ દુઃખદ અકસ્માત સર્જાયો હતો. મૃતક મહિલાની ઓળખ ચુન્નીબેન લક્ષ્મણભાઈ ગૌરી (ઉંમર 53 વર્ષ) તરીકે થઈ છે. તેઓ મૂળ ઉત્તર પ્રદેશના બાંદા જિલ્લાના રહેવાસી હતા અને હાલ તેમના પતિ સાથે હલધરૂ ગામની રૂદ્ર રેસિડેન્સીમાં રહેતા હતા. ચુન્નીબેન મજૂરી તેમજ સફાઈ કામ કરી પરિવારનું

ગુજરાન ચલાવતા હતા. ઘટનાના સમયે ચુન્નીબેન અક્ષરમ ટેક્સટાઇલના બેઝમેન્ટમાં સફાઈ કામ કરી રહ્યા હતા. સફાઈ દરમિયાન તેઓ લિફ્ટના નીચેના ભાગમાં ગયા હતા. તે દરમિયાન અચાનક લિફ્ટ ઉપરથી નીચે આવી જતાં તેઓ તેની નીચે દબાઈ ગયા હતા. આ સમગ્ર ઘટનાના CCTV ફૂટેજ સામે આવ્યા છે. અકસ્મતમાં ચુન્નીબેનને મોઢા તથા છાતીના ભાગે ગંભીર ઈજાઓ થતાં તેમને તાત્કાલિક સારવાર માટે ચલથાણની સંજીવની હોસ્પિટલ ખાતે ખસેડવામાં આવ્યા હતા. જોકે, હોસ્પિટલમાં ફરજ પરના તબીબે તપાસ કર્યા બાદ તેમને મૃત જાહેર કર્યા હતા. બનાવની જાણ તેમના પતિ લક્ષ્મણભાઈ ગૌરી (ઉંમર 51 વર્ષ) દ્વારા પોલીસને કરવામાં આવી હતી. ત્યારબાદ કામરેજ પોલીસે BNSS કલમ 194 મુજબ અકસ્માત મોતની નોંધ કરી ઘટનાની તપાસ શરૂ કરી છે. સમગ્ર બનાવની તપાસ એ.એસ.આઈ. હાર્દિકસિંહ ભરતભાઈ ચૌહાણ દ્વારા હાથ ધરવામાં આવી રહી છે. પોલીસ દ્વારા અકસ્માત કેવી રીતે સર્જાયો, લિફ્ટની કામગીરી તથા સલામતીના પાસાઓ સહિતની બાબતો અંગે વધુ તપાસ કરવામાં આવી રહી છે