ఖమ్మం జిల్లా సత్తుపల్లి నియోజకవర్గంలోని పులిగుండాల ఏకో టూరిజం ప్రాజెక్టును ప్రారంభించిన ఉప ముఖ్యమంత్రి మల్లు భట్టి విక్రమార్క. ఈ సందర్భంగా కాటేజీలు, బోటింగ్, వాటర్ ఫాల్స్, జంగిల్ సఫారీలను ప్రారంభించారు ఈ సందర్భంగా ఏర్పాటు చేసిన బహిరంగ సభలో మాట్లాడుతూ... తెలంగాణలోని సహజ సౌందర్యాన్ని ప్రపంచానికి పరిచయం చేయడమే ప్రజా ప్రభుత్వ లక్ష్యమని ఆయన తెలిపారు. రాష్ట్రంలో ఏకో టూరిజం అభివృద్ధికి ఇప్పటికే బడ్జెట్‌లో ప్రాధాన్యం ఇచ్చామని, ఖమ్మం జిల్లాలోని కనకగిరి ప్రాంతాన్ని ప్రముఖ పర్యాటక కేంద్రంగా తీర్చిదిద్దేందుకు నిధులు కేటాయించినట్లు వెల్లడించారు. పులిగుండాల చెరువు వద్ద టూరిజం అభివృద్ధికి అవసరమైన రూ.4 కోట్లలో రూ.2 కోట్లు హరిత నిధి నుంచి, మిగిలిన రూ.2 కోట్లు సి.ఎస్.ఆర్ నిధుల నుంచి అందిస్తామని ప్రకటించారు. అలాగే కనకగిరి వరకు డబుల్ రోడ్ నిర్మాణానికి వెంటనే ప్రతిపాదనలు సిద్ధం చేయాలని అధికారులను ఆదేశించారు. పులిగుండాల ప్రాజెక్ట్, కనకగిరి గుట్టలు, కల్లూరు గుట్టలను కలిపి ఈ ప్రాంతాన్ని రాష్ట్రంలోనే కాకుండా దేశవ్యాప్తంగా గుర్తింపు పొందే అద్భుతమైన పర్యాటక కేంద్రంగా అభివృద్ధి చేస్తామని ఉప ముఖ్యమంత్రి హామీ ఇచ్చారు. ప్రకృతిని ఏమాత్రం దెబ్బతీయకుండా, సహజ సిద్ధమైన వాతావరణంలోనే అభివృద్ధి చేపట్టాలని స్పష్టం చేశారు. ఈ ప్రాజెక్ట్ వల్ల స్థానిక యువతకు ఉపాధి అవకాశాలు పెరగడంతో పాటు, హోటళ్లు, చిన్న వ్యాపారాలు, గ్రామీణ ఆర్థిక వ్యవస్థకు కొత్త ఊపిరి లభిస్తుందని ఆయన పేర్కొన్నారు. ఈ కార్యక్రమంలో రెవెన్యూ శాఖ మంత్రి పొంగులేటి శ్రీనివాస రెడ్డి, సత్తుపల్లి ఎమ్మెల్యే మట్టా రాగమయి దయానంద్, వైరా ఎమ్మెల్యే మాలోత్ రాందాస్ నాయక్ తదితరులు పాల్గొన్నారు.

V Ramarao

సత్తుపల్లి, ఖమ్మం, తెలంగాణ•

14 hrs ago

ఖమ్మం జిల్లా సత్తుపల్లి నియోజకవర్గంలోని పులిగుండాల ఏకో టూరిజం ప్రాజెక్టును ప్రారంభించిన ఉప ముఖ్యమంత్రి మల్లు భట్టి విక్రమార్క. ఈ సందర్భంగా కాటేజీలు, బోటింగ్, వాటర్ ఫాల్స్, జంగిల్ సఫారీలను ప్రారంభించారు ఈ సందర్భంగా ఏర్పాటు చేసిన బహిరంగ సభలో మాట్లాడుతూ... తెలంగాణలోని సహజ సౌందర్యాన్ని ప్రపంచానికి పరిచయం చేయడమే ప్రజా ప్రభుత్వ లక్ష్యమని ఆయన తెలిపారు. రాష్ట్రంలో ఏకో టూరిజం అభివృద్ధికి ఇప్పటికే బడ్జెట్‌లో ప్రాధాన్యం ఇచ్చామని, ఖమ్మం జిల్లాలోని కనకగిరి ప్రాంతాన్ని ప్రముఖ పర్యాటక

కేంద్రంగా తీర్చిదిద్దేందుకు నిధులు కేటాయించినట్లు వెల్లడించారు. పులిగుండాల చెరువు వద్ద టూరిజం అభివృద్ధికి అవసరమైన రూ.4 కోట్లలో రూ.2 కోట్లు హరిత నిధి నుంచి, మిగిలిన రూ.2 కోట్లు సి.ఎస్.ఆర్ నిధుల నుంచి అందిస్తామని ప్రకటించారు. అలాగే కనకగిరి వరకు డబుల్ రోడ్ నిర్మాణానికి వెంటనే ప్రతిపాదనలు సిద్ధం చేయాలని అధికారులను ఆదేశించారు. పులిగుండాల ప్రాజెక్ట్, కనకగిరి గుట్టలు, కల్లూరు గుట్టలను కలిపి ఈ ప్రాంతాన్ని రాష్ట్రంలోనే కాకుండా దేశవ్యాప్తంగా గుర్తింపు పొందే అద్భుతమైన పర్యాటక కేంద్రంగా అభివృద్ధి

చేస్తామని ఉప ముఖ్యమంత్రి హామీ ఇచ్చారు. ప్రకృతిని ఏమాత్రం దెబ్బతీయకుండా, సహజ సిద్ధమైన వాతావరణంలోనే అభివృద్ధి చేపట్టాలని స్పష్టం చేశారు. ఈ ప్రాజెక్ట్ వల్ల స్థానిక యువతకు ఉపాధి అవకాశాలు పెరగడంతో పాటు, హోటళ్లు, చిన్న వ్యాపారాలు, గ్రామీణ ఆర్థిక వ్యవస్థకు కొత్త ఊపిరి లభిస్తుందని ఆయన పేర్కొన్నారు. ఈ కార్యక్రమంలో రెవెన్యూ శాఖ మంత్రి పొంగులేటి శ్రీనివాస రెడ్డి, సత్తుపల్లి ఎమ్మెల్యే మట్టా రాగమయి దయానంద్, వైరా ఎమ్మెల్యే మాలోత్ రాందాస్ నాయక్ తదితరులు పాల్గొన్నారు.