ఆంధ్రప్రదేశ్ ప్రజలకు శుభవార్తగా, చుక్కల భూములకు సంబంధించి రెవెన్యూ శాఖ మంత్రి అనగాని సత్యప్రసాద్ కీలక ప్రకటన చేశారు. త్వరలో 1.90 లక్షల ఎకరాల చుక్కల భూమికి విముక్తి కల్పిస్తామని, ఇది 10-15 రోజుల్లో లభిస్తుందని ఆయన వెల్లడించారు. రాష్ట్రవ్యాప్తంగా రెవెన్యూ రికార్డుల్లో యజమాని కాలమ్‌లో స్పష్టమైన యాజమాన్య హక్కులు లేకుండా చుక్కలు పెట్టి వదిలేసిన భూములను 'చుక్కల భూములు' అని పిలుస్తారు. ఈ భూములు ప్రభుత్వానివా లేక ప్రైవేట్ వ్యక్తులవా అనేదానిపై స్పష్టత లేకపోవడంతో వివాదాలు ఏర్పడ్డాయి, దీంతో ఈ భూములను నిషేధిత జాబితాలో చేర్చారు. కూటమి ప్రభుత్వం అధికారంలోకి వచ్చిన తర్వాత రెవెన్యూ శాఖలో విప్లవాత్మక సంస్కరణలు తీసుకొచ్చామని మంత్రి అనగాని సత్యప్రసాద్ తెలిపారు. ప్రజల ఆస్తులకు భద్రత కల్పించాలనే లక్ష్యంతో కీలక నిర్ణయాలు తీసుకున్నామని పేర్కొన్నారు. గత రెండేళ్లలో రెవెన్యూ శాఖలో ప్రవేశపెట్టిన కొత్త సంస్కరణలు, లక్ష్యాలను వివరిస్తూ, భూములు, రిజిస్ట్రేషన్లు, రీసర్వేకు సంబంధించిన ఇబ్బందులు తొలగిపోయాయని చెప్పారు. రీసర్వే 2.0 నిర్వహించి భూ యజమానులకు పాస్‌ పుస్తకాలు జారీ చేశామని, అలాగే 1.33 లక్షల ఎకరాల గ్రామ సర్వీస్‌ ఇనాం భూములకు విముక్తి కల్పించామని వివరించారు. ఇతర భూ సమస్యలను కూడా పరిష్కరించామని, త్వరలో ఫ్రీహోల్డ్‌ సమస్యను కూడా పరిష్కరిస్తామని, 22ఏపై గతంలో ఇచ్చిన మెమో కన్నా ఇంకా మెరుగైన మెమోను ఇస్తామని మంత్రి హామీ ఇచ్చారు. అధికారులు నెలకు నాలుగు రోజులు ఒక గ్రామానికి వెళ్లి ప్రజల సమస్యలను పరిష్కరించేలా ఒక కార్యక్రమాన్ని చేపట్టినట్లు మంత్రి అనగాని వెల్లడించారు. గత ప్రభుత్వ హయాంలో రీసర్వే చేయించగా, ఆ భూములకు సంబంధించి రాష్ట్రవ్యాప్తంగా ఏకంగా 7.5 లక్షల ఫిర్యాదులు వచ్చాయని ఆయన గుర్తుచేశారు. అందుకే, ప్రస్తుతం రీసర్వే చేసిన తర్వాత భూహక్కుదారుల ఈకేవైసీ తీసుకుని, రాజముద్ర, హక్కుదారు ఫోటో, ఖాతా నంబర్, క్యూఆర్ కోడ్‌తో కూడిన పట్టాదారు పాసు పుస్తకాలను అందిస్తున్నామని తెలిపారు. అన్‌సెటిల్డ్‌ ఎస్టేట్, ఇనామ్‌ భూముల సమస్యలు పరిష్కరించబడ్డాయని, రిజిస్ట్రేషన్లకు సంబంధించి స్లాట్‌ బుకింగ్ విధానం అమలులో ఉందని, కేవలం 10 నిమిషాల్లో రిజిస్ట్రేషన్‌ పూర్తవుతుందని ఆయన పేర్కొన్నారు. తప్పుడు రిజిస్ట్రేషన్లు జరిగితే వాటిని రద్దు చేసే అధికారం కలెక్టర్లకు ఇచ్చామని మంత్రి సత్యప్రసాద్ స్పష్టం చేశారు. గతంలో జరిగిన తప్పుడు రిజిస్ట్రేషన్లను రద్దు చేసే అధికారం కూడా వారికి కల్పిస్తామని ఆయన ప్రకటించారు. ఫ్రీహోల్డ్ భూములకు సంబంధించి ప్రత్యేక సాఫ్ట్‌వేర్ తీసుకొచ్చి పరిశీలిస్తున్నామని, అలాగే రాష్ట్రంలో భూముల మార్కెట్ ధర పెంచే ప్రతిపాదన లేదని ఆయన తెలియజేశారు. రాష్ట్రంలో పెట్టుబడులను ప్రోత్సహించే ఉద్దేశంతోనే ఎకరానికి 99 పైసలకే భూములు ఇచ్చామని, అందుకే రాష్ట్రానికి పెట్టుబడులు వస్తున్నాయని మంత్రి అనగాని సత్యప్రసాద్ వివరించారు.

పామర్తి రవి కుమార్

General Store నూజివీడు, ఏలూరు, ఆంధ్రప్రదేశ్•

2 hrs ago

ఆంధ్రప్రదేశ్ ప్రజలకు శుభవార్తగా, చుక్కల భూములకు సంబంధించి రెవెన్యూ శాఖ మంత్రి అనగాని సత్యప్రసాద్ కీలక ప్రకటన చేశారు. త్వరలో 1.90 లక్షల ఎకరాల చుక్కల భూమికి విముక్తి కల్పిస్తామని, ఇది 10-15 రోజుల్లో లభిస్తుందని ఆయన వెల్లడించారు. రాష్ట్రవ్యాప్తంగా రెవెన్యూ రికార్డుల్లో యజమాని కాలమ్‌లో స్పష్టమైన యాజమాన్య హక్కులు లేకుండా చుక్కలు పెట్టి వదిలేసిన భూములను 'చుక్కల భూములు' అని పిలుస్తారు. ఈ భూములు ప్రభుత్వానివా లేక ప్రైవేట్ వ్యక్తులవా అనేదానిపై స్పష్టత లేకపోవడంతో వివాదాలు ఏర్పడ్డాయి, దీంతో ఈ భూములను నిషేధిత జాబితాలో చేర్చారు. కూటమి ప్రభుత్వం అధికారంలోకి వచ్చిన తర్వాత రెవెన్యూ శాఖలో విప్లవాత్మక సంస్కరణలు తీసుకొచ్చామని మంత్రి అనగాని సత్యప్రసాద్ తెలిపారు. ప్రజల ఆస్తులకు భద్రత కల్పించాలనే లక్ష్యంతో కీలక నిర్ణయాలు తీసుకున్నామని పేర్కొన్నారు. గత రెండేళ్లలో రెవెన్యూ శాఖలో ప్రవేశపెట్టిన కొత్త సంస్కరణలు, లక్ష్యాలను వివరిస్తూ, భూములు, రిజిస్ట్రేషన్లు, రీసర్వేకు సంబంధించిన ఇబ్బందులు తొలగిపోయాయని చెప్పారు. రీసర్వే 2.0 నిర్వహించి భూ యజమానులకు పాస్‌ పుస్తకాలు జారీ చేశామని, అలాగే 1.33 లక్షల ఎకరాల గ్రామ సర్వీస్‌ ఇనాం భూములకు విముక్తి కల్పించామని వివరించారు. ఇతర భూ సమస్యలను కూడా పరిష్కరించామని, త్వరలో ఫ్రీహోల్డ్‌ సమస్యను కూడా పరిష్కరిస్తామని, 22ఏపై గతంలో ఇచ్చిన మెమో కన్నా ఇంకా మెరుగైన మెమోను ఇస్తామని మంత్రి హామీ ఇచ్చారు. అధికారులు నెలకు నాలుగు రోజులు ఒక గ్రామానికి వెళ్లి ప్రజల సమస్యలను పరిష్కరించేలా ఒక కార్యక్రమాన్ని చేపట్టినట్లు మంత్రి అనగాని వెల్లడించారు. గత ప్రభుత్వ హయాంలో రీసర్వే చేయించగా, ఆ భూములకు సంబంధించి రాష్ట్రవ్యాప్తంగా ఏకంగా 7.5 లక్షల ఫిర్యాదులు వచ్చాయని ఆయన గుర్తుచేశారు. అందుకే, ప్రస్తుతం రీసర్వే చేసిన తర్వాత భూహక్కుదారుల ఈకేవైసీ తీసుకుని, రాజముద్ర, హక్కుదారు ఫోటో, ఖాతా నంబర్, క్యూఆర్ కోడ్‌తో కూడిన పట్టాదారు పాసు పుస్తకాలను అందిస్తున్నామని తెలిపారు. అన్‌సెటిల్డ్‌ ఎస్టేట్, ఇనామ్‌ భూముల సమస్యలు పరిష్కరించబడ్డాయని, రిజిస్ట్రేషన్లకు సంబంధించి స్లాట్‌ బుకింగ్ విధానం అమలులో ఉందని, కేవలం 10 నిమిషాల్లో రిజిస్ట్రేషన్‌ పూర్తవుతుందని ఆయన పేర్కొన్నారు. తప్పుడు రిజిస్ట్రేషన్లు జరిగితే వాటిని రద్దు చేసే అధికారం కలెక్టర్లకు ఇచ్చామని మంత్రి సత్యప్రసాద్ స్పష్టం చేశారు. గతంలో జరిగిన తప్పుడు రిజిస్ట్రేషన్లను రద్దు చేసే అధికారం కూడా వారికి కల్పిస్తామని ఆయన ప్రకటించారు. ఫ్రీహోల్డ్ భూములకు సంబంధించి ప్రత్యేక సాఫ్ట్‌వేర్ తీసుకొచ్చి పరిశీలిస్తున్నామని, అలాగే రాష్ట్రంలో భూముల మార్కెట్ ధర పెంచే ప్రతిపాదన లేదని ఆయన తెలియజేశారు. రాష్ట్రంలో పెట్టుబడులను ప్రోత్సహించే ఉద్దేశంతోనే ఎకరానికి 99 పైసలకే భూములు ఇచ్చామని, అందుకే రాష్ట్రానికి పెట్టుబడులు వస్తున్నాయని మంత్రి అనగాని సత్యప్రసాద్ వివరించారు.