छत्रपती संभाजीनगरच्या उस्मानपुऱ्यातील प्रतापनगरात एक मोठी चोरीची घटना समोर आली आहे. प्रतापनगरातील कागझीवाला रेसिडेन्समध्ये राहणाऱ्या घाटी रुग्णालयातील डॉक्टर ज्योती देशमुख यांच्या बंद फ्लॅटचे कुलूप तोडून चोरट्यांनी सुमारे ९ तोळे सोने, दीड किलो चांदीचे दागिने आणि ८० हजार रुपयांची रोकड लंपास केली. ही घटना शनिवारी (११ जुलै) पहाटे पावणेचारच्या सुमारास घडली. चोरट्यांनी लाकडी चौकट आणि दरवाजाचे कुलूप तोडून घरात प्रवेश केला आणि अवघ्या २० मिनिटांत ही धाडसी चोरी करून ते पसार झाले. दोन सशस्त्र चोरट्यांनी ही चोरी केल्याचे सीसीटीव्ही फुटेजवरून समोर आले आहे. डॉ. ज्योती देशमुख यांचा मुलगा युगंधर हा मुंबईत राहतो. शुक्रवारी (१० जुलै) सायंकाळी पाच वाजेच्या सुमारास डॉ. ज्योती कामानिमित्त अहिल्यानगरला गेल्या होत्या. शनिवारी सकाळी पावणेआठ वाजता शेजारी राहणाऱ्या महिलेने त्यांना फोन करून घराची दोन्ही दारे उघडी असून कुलूप तुटल्याचे सांगितले. यानंतर डॉ. ज्योती तातडीने शहरात परतल्या असता हा चोरीचा प्रकार उघडकीस आला. या चोरीची तक्रार करण्यासाठी गेल्यावर डॉ. ज्योती यांना उस्मानपुरा पोलीस ठाण्यात तब्बल १० तास हेलपाटे मारावे लागले. तसेच घटनेच्या तब्बल १२ तासांनंतर पोलीस आणि फॉरेन्सिक पथक घटनास्थळी दाखल झाले. विशेष म्हणजे, अवघ्या सहा दिवसांपूर्वीच याच प्रतापनगर परिसरातील व्यावसायिक संजय लाहोटी यांच्या बंगल्यातही अशीच धाडसी चोरी झाली होती. एकाच परिसरात लागोपाठ चोऱ्या होत असल्याने नागरिकांमध्ये तीव्र संताप आहे. पोलिसांनी रात्रीची गस्त न वाढवल्यास थेट पोलीस आयुक्तालयावर मोर्चा काढण्याचा इशारा संतप्त नागरिकांनी दिला आहे. सध्या उस्मानपुरा पोलिसांनी चोरट्यांविरुद्ध गुन्हा दाखल करून पुढील तपास सुरू केला आहे.

Marathi News Point

Video editing service औरंगाबाद, औरंगाबाद, महाराष्ट्र•

1 hr ago

छत्रपती संभाजीनगरच्या उस्मानपुऱ्यातील प्रतापनगरात एक मोठी चोरीची घटना समोर आली आहे. प्रतापनगरातील कागझीवाला रेसिडेन्समध्ये राहणाऱ्या घाटी रुग्णालयातील डॉक्टर ज्योती देशमुख यांच्या बंद फ्लॅटचे कुलूप तोडून चोरट्यांनी सुमारे ९ तोळे सोने, दीड किलो चांदीचे दागिने आणि ८० हजार रुपयांची रोकड लंपास केली. ही घटना शनिवारी (११ जुलै) पहाटे पावणेचारच्या सुमारास घडली. चोरट्यांनी लाकडी चौकट आणि दरवाजाचे कुलूप तोडून घरात प्रवेश केला आणि अवघ्या २० मिनिटांत ही धाडसी चोरी करून ते पसार झाले. दोन सशस्त्र चोरट्यांनी ही चोरी केल्याचे सीसीटीव्ही फुटेजवरून समोर आले आहे. डॉ. ज्योती देशमुख यांचा मुलगा युगंधर हा मुंबईत राहतो. शुक्रवारी (१० जुलै) सायंकाळी पाच वाजेच्या सुमारास डॉ. ज्योती कामानिमित्त अहिल्यानगरला गेल्या होत्या. शनिवारी सकाळी पावणेआठ वाजता शेजारी राहणाऱ्या महिलेने त्यांना फोन करून घराची दोन्ही दारे उघडी असून कुलूप तुटल्याचे सांगितले. यानंतर डॉ. ज्योती तातडीने शहरात परतल्या असता हा चोरीचा प्रकार उघडकीस आला. या चोरीची तक्रार करण्यासाठी गेल्यावर डॉ. ज्योती यांना उस्मानपुरा पोलीस ठाण्यात तब्बल १० तास हेलपाटे मारावे लागले. तसेच घटनेच्या तब्बल १२ तासांनंतर पोलीस आणि फॉरेन्सिक पथक घटनास्थळी दाखल झाले. विशेष म्हणजे, अवघ्या सहा दिवसांपूर्वीच याच प्रतापनगर परिसरातील व्यावसायिक संजय लाहोटी यांच्या बंगल्यातही अशीच धाडसी चोरी झाली होती. एकाच परिसरात लागोपाठ चोऱ्या होत असल्याने नागरिकांमध्ये तीव्र संताप आहे. पोलिसांनी रात्रीची गस्त न वाढवल्यास थेट पोलीस आयुक्तालयावर मोर्चा काढण्याचा इशारा संतप्त नागरिकांनी दिला आहे. सध्या उस्मानपुरा पोलिसांनी चोरट्यांविरुद्ध गुन्हा दाखल करून पुढील तपास सुरू केला आहे.