కాకినాడలో జూన్ 20, శనివారం ఉదయం మున్సిపల్ పారిశుధ్య కార్మికులు తమ సమస్యల పరిష్కారం కోసం నిరసన ధర్నా నిర్వహించారు. ఏపీ మున్సిపల్ వర్కర్స్ యూనియన్ ఏఐటీయూసీ అనుబంధ సంఘం కాకినాడ కమిటీ ప్రధాన కార్యదర్శి తుపాకుల లక్ష్మీనారాయణ ఆధ్వర్యంలో స్థానిక కాకినాడ మున్సిపల్ కార్పొరేషన్ కార్యాలయం వద్ద ఈ ఆందోళన జరిగింది. ఈ ధర్నాకు ముఖ్య అతిథిగా ఏఐటీయూసీ జిల్లా ప్రధాన కార్యదర్శి తోకల ప్రసాద్ హాజరయ్యారు. ఈ సందర్భంగా కార్మికులు ఆప్కస్ పారిశుధ్య కార్మికులను పర్మినెంట్ చేయాలని, సమాన పనికి సమాన వేతనం ఇవ్వాలని, కనీస వేతనం 36,000 రూపాయలు మంజూరు చేయాలని నినాదాలు చేశారు. డిప్యూటీ సీఎం శ్రీ కొణిదల పవన్ కళ్యాణ్ మున్సిపల్ పారిశుధ్య కార్మికుల సమస్యలపై స్పందించాలని, ఎన్నికల ముందు బహిరంగ సమావేశాల్లో పారిశుధ్య కార్మికులను పర్మినెంట్ చేస్తామని, వారి చేస్తున్న పనులు గొప్పవని చెప్పిన హామీలను తక్షణమే అమలు చేయాలని తోకల ప్రసాద్ డిమాండ్ చేశారు. తమ సమస్యలను ఆయన దృష్టికి తీసుకెళ్లడానికి తాము కలిసి వినతిపత్రం అందజేస్తామని ఆయన అన్నారు. రాష్ట్ర ప్రభుత్వం ప్రభుత్వ రంగ సంస్థలను ప్రైవేటీకరించేందుకు మొగ్గు చూపుతోందని, ఈ ప్రైవేటీకరణకు వ్యతిరేకంగా ఉద్యమిస్తామని ప్రసాద్ హెచ్చరించారు. కాకినాడ కార్పొరేషన్‌లో మున్సిపల్ పారిశుద్ధ్య కార్మికుల పనులను ప్రైవేటీకరిస్తే అడ్డుకుంటామని ఆయన స్పష్టం చేశారు. మృతి చెందిన, రిటైర్మెంట్ అయిన వారి స్థానంలో వారి కుటుంబ సభ్యులకు వెంటనే ఉద్యోగ అవకాశాలు కల్పించాలని, పెరుగుతున్న అధిక ధరలకు అనుగుణంగా సమాన పనికి సమాన వేతనం, కనీస వేతనం 36 వేల రూపాయలు మంజూరు చేయాలని, 12వ పిఆర్సిని అమలు చేయాలని, మున్సిపల్ పారిశుధ్య కార్మికులకు అందరికీ ఇళ్ల స్థలాలు మంజూరు చేసి ప్రత్యేక కాలనీల నిర్మాణాలు ఏర్పాటు చేయాలని ఆయన డిమాండ్ చేశారు. కాకినాడ మున్సిపల్ కార్పొరేషన్‌లో చెత్తను డంపు చేస్తున్న, మూలన పడ్డ వాహనాలను కనీసం రిపేరు చేయించాలని, పనులకు ఆటంకాలు కలగకుండా కొత్త వాహనాలను కొనుగోలు చేయాలని కూడా ఆయన సూచించారు. రాష్ట్రవ్యాప్తంగా ఏపీ మున్సిపల్ వర్కర్స్ యూనియన్ ఆధ్వర్యంలో మున్సిపల్ పారిశుధ్య కార్మికుల సమస్యలపై నిరసన ఆందోళనలను దశలవారీగా చేపట్టాలని పిలుపునిచ్చినందున, జూన్ 20న ధర్నా నిర్వహించామని, జూన్ 22న ఎమ్మెల్యేలకు వినతి పత్రాలు అందజేస్తామని, జూన్ 24న జిల్లా కలెక్టరేట్ కార్యాలయం వద్ద నిరసన చేపడతామని ఆయన తెలిపారు.

Sattibabau dadala

Local News Reporter Pithapuram, Kakinada•

10 hrs ago

కాకినాడలో జూన్ 20, శనివారం ఉదయం మున్సిపల్ పారిశుధ్య కార్మికులు తమ సమస్యల పరిష్కారం కోసం నిరసన ధర్నా నిర్వహించారు. ఏపీ మున్సిపల్ వర్కర్స్ యూనియన్ ఏఐటీయూసీ అనుబంధ సంఘం కాకినాడ కమిటీ ప్రధాన కార్యదర్శి తుపాకుల లక్ష్మీనారాయణ ఆధ్వర్యంలో స్థానిక కాకినాడ మున్సిపల్ కార్పొరేషన్ కార్యాలయం వద్ద ఈ ఆందోళన జరిగింది. ఈ ధర్నాకు ముఖ్య అతిథిగా ఏఐటీయూసీ జిల్లా ప్రధాన కార్యదర్శి తోకల ప్రసాద్ హాజరయ్యారు. ఈ సందర్భంగా కార్మికులు ఆప్కస్ పారిశుధ్య కార్మికులను పర్మినెంట్ చేయాలని, సమాన పనికి సమాన వేతనం ఇవ్వాలని, కనీస వేతనం 36,000 రూపాయలు మంజూరు చేయాలని నినాదాలు చేశారు. డిప్యూటీ సీఎం శ్రీ కొణిదల పవన్ కళ్యాణ్ మున్సిపల్ పారిశుధ్య కార్మికుల సమస్యలపై స్పందించాలని, ఎన్నికల ముందు బహిరంగ సమావేశాల్లో పారిశుధ్య కార్మికులను పర్మినెంట్ చేస్తామని, వారి చేస్తున్న పనులు గొప్పవని చెప్పిన హామీలను తక్షణమే అమలు చేయాలని తోకల ప్రసాద్ డిమాండ్ చేశారు. తమ సమస్యలను ఆయన దృష్టికి తీసుకెళ్లడానికి తాము కలిసి వినతిపత్రం అందజేస్తామని ఆయన అన్నారు. రాష్ట్ర ప్రభుత్వం ప్రభుత్వ రంగ సంస్థలను ప్రైవేటీకరించేందుకు మొగ్గు చూపుతోందని, ఈ ప్రైవేటీకరణకు

వ్యతిరేకంగా ఉద్యమిస్తామని ప్రసాద్ హెచ్చరించారు. కాకినాడ కార్పొరేషన్‌లో మున్సిపల్ పారిశుద్ధ్య కార్మికుల పనులను ప్రైవేటీకరిస్తే అడ్డుకుంటామని ఆయన స్పష్టం చేశారు. మృతి చెందిన, రిటైర్మెంట్ అయిన వారి స్థానంలో వారి కుటుంబ సభ్యులకు వెంటనే ఉద్యోగ అవకాశాలు కల్పించాలని, పెరుగుతున్న అధిక ధరలకు అనుగుణంగా సమాన పనికి సమాన వేతనం, కనీస వేతనం 36 వేల రూపాయలు మంజూరు చేయాలని, 12వ పిఆర్సిని అమలు చేయాలని, మున్సిపల్ పారిశుధ్య కార్మికులకు అందరికీ ఇళ్ల స్థలాలు మంజూరు చేసి ప్రత్యేక కాలనీల నిర్మాణాలు ఏర్పాటు చేయాలని ఆయన డిమాండ్ చేశారు. కాకినాడ మున్సిపల్ కార్పొరేషన్‌లో చెత్తను డంపు చేస్తున్న, మూలన పడ్డ వాహనాలను కనీసం రిపేరు చేయించాలని, పనులకు ఆటంకాలు కలగకుండా కొత్త వాహనాలను కొనుగోలు చేయాలని కూడా ఆయన సూచించారు. రాష్ట్రవ్యాప్తంగా ఏపీ మున్సిపల్ వర్కర్స్ యూనియన్ ఆధ్వర్యంలో మున్సిపల్ పారిశుధ్య కార్మికుల సమస్యలపై నిరసన ఆందోళనలను దశలవారీగా చేపట్టాలని పిలుపునిచ్చినందున, జూన్ 20న ధర్నా నిర్వహించామని, జూన్ 22న ఎమ్మెల్యేలకు వినతి పత్రాలు అందజేస్తామని, జూన్ 24న జిల్లా కలెక్టరేట్ కార్యాలయం వద్ద నిరసన చేపడతామని ఆయన తెలిపారు.